الأحد، 27 أبريل، 2014

مصـــر فى صـــور ... 2





مساء الورد .. 
مفيش حدوتة النهاردة ..
 فيه صور وبس 
 وحضروا المناديل وشوب لمون ومهدئات وكدا 
.. عشان الخضّة 
 


إتفرجوا على تفاصيل كل صورة .. 
وجمالها يا عيال
دوسوا عليها فتشوفوها كبيرة بكل حتة فيها 


مبنى التليفزيون العربى


اما الصورة دى فغريبة جدا 
الظاهر فوتوشوب
 او ماكيت وملزوق 
وكانت النية ان المبنى يبقى بالعكس ولا ايه 
متفهموش !!!! 

Ahmed Rageh @Ahmed_Rageh101 
ده ماكيت


مسجد السيدة زينب 
شالله يا طاهرة يا أميرة الديوان 



شارع محمد على 
وعلى مبارك قال انه عشان يتعمل
 اتهد ف سكته مبانى أثرية كتير لا تعّوض



مسجد محمد على ... بالفلعة


قلعة صلاح الدين 
وقصادها مسجد السلطان حسن


 BIG @Fatoma999 
 وما بينهما قرافة المماليك :)




النحاسين ... القاهرة الفاطمية


باب الخلق يا ترى المبانى دى 
كانت قصاد مديرية الامن ولاّ مكانها ؟؟!!
 #سؤال_فضولى


سبيل أم عباس .. 
مرة هنحكى حكايته ان شاء الله


الفندق الوطنى زمان .. ودلوقتى
 ناصية طلعت حرب مع عبدالخالق ثروت 
 كل ما بشوف المبنى بنقهر عليه .. بجد



ميدان رمسيس
مئذنة مسجد اولاد عنان
 عارفين الحتة دى دلوقتى بقى شكلها ايه ؟؟
 #انظر_الصورة_التالية


Essam Saad @saad_essam
  اعلان هيج. ويسكى اسكتلندى




مسجد اولاد عنان اتهد
 والمبنى اللى ف الواجهة كمان اتهد
 واتبنى مكانه الجامع الشهير بـ ... جامع الفتح



وعلى شمال جامع الفتح 
سبيل ام الامير محمد على الصغير
 برضو هنبقى نحكى حكايته ان شاء الله




سيبك م العساكر 
وبتاع الطنطور والمحطة وكل القصص دى 
شاخدلى بالك م الأخ اللى بيكنس ع الشمال دا 
#شالله تكون ف الجنة ونعيمها يا رب



قالك مولانا الخديوى المعظم ف باب الحديد 
 وانا كنت معدية قولت اخد الجمعية
شايفين الشجر والنضافة 
 هعيط محدش يسكتنى


تمثال نهضة مصر ف مكانه الاول 
فى ميدان رمسيس 
 قبل ما ينقلوه عند الجامعة



كاريكاتير زمان


الطفل المصرى المظلوم 
ف كل عصر فيكى يا مصر طول 


صيد التماسيح ف أسوان 
وتعالى يا بنى حنفسحوك ونروقوك 
ونعملوا معاك الانسانية متخافش


اهم فسحوه ع الحيطة 
يقال ان المصريين زمان 
كانوا بيعلقوا التماسيح المتحنطة
 فوق عتبات البيوت تجنبا لدخول ارواح شريرة ! 


قهاوى زمان


يا خرابى ع الجمال .. 
 بعشق الصور الملونة دى
#عالجونى_عشام_قربت_اتجنن


حبى الكبير
 كوبرى قصر النيل 
شايفين الكارتة ف ناحية الشمال ... 
حاجة فُللى قوى الواحد يركبها ميبقاش عاوز ينزل !



كوبرى قصر النيل ف زمن أقدم شوية
 حيث الجمال والحمير أكتر
 والأكثر استخداما ف النقل 



كوبرى قصر النيل .. برضو 
ع الشمال كان فيه سلالم تنزل على رصيف تحت 
تنزل الناس منه لركوب المراكب



قصر المنتزة ... المعمورة .. اسكندرية



قصر المنتزة .. زمان .. ودلوقتى



قصر المنتزة .. 
 من زاوية مختلفة برضو زمان ودلوقتى


 وطالما جيبنا سيرة قصر المنتزة يبقى نفتكر صاحبه .. 
اللى راح المكان المتطرف دا زماااان وعجبه 
وامر يتبنيله فيه قصر
 فكان قصرنا الجميل دا



الخديوى عباس حلمى التانى 
من المراهقة حتى الكهولة
شوفوا الزمن عمل ايه ف ملامح وشه وغيرها ازاى !


مدخل مبنى المتحف المصرى

 

ميدان التحرير ... 
 مارشات عسكرية وافتتاح دورة برلمانية
 وتروماى وهيصة 


تمثال ابراهيم باشا - ميدان الاوبرا


 تمثال ابراهيم باشا عن قرب
 ووراه الأوبرا الخديوية


ميدان الاوبرا 
وجنينة الأزبكية على يمينك


الفندق دا كان قصاد 
مكان تمثال ابراهيم باشا
 واتهد بعد كدا واتبنى مكانه الأنتركونتينتال 


فندق الأنتركونتينتال
  واتبنى مكان الفندق القديم ف الصورة السابقة


Captain Haddock @hassan19211

نفس المبانى فى باريس..فيينا..
الفرق انها بحالة النضافه والهدوء والجمال القديم
ومفيش تحتيها فرش قرب ب 2 ونص!



شارع عماد الدين - وسط البلد


المبنى دا كان محكمة شرعية 
 يا لهوى دول المتخاصمين لو وقفوا عنده شوية 
نفسيتهم اصول تهدى ويتصالحوا .. !! #اه_والله


شارع ف حى غلبان ناسه غلابة

 

انفخ طربوشك وإدعيلى 



كوهين ينعى ولده 
 الاخ صاحب المصنع بيهنى الملك الجديد 
وآل عامل منتج بأسمه فاروق طربوش ! 
#يعنى_منافق_وأهبل 


 

كوهين تانى بينعى ولده برضو 
 بس ف عهد عبدالناصر
 وليه يا خويا ماتجعله حد حايشك !


كوهين من زمان تاالت .. 
عهد السادات مظاهرات تأييد وكدهون
 ف التحرير كمان يا غجرررر
 #منافق_واهبل_وأمك_عارفة



ghada serag eldin @kokyserag
كوهين بينعى ولده فى كل العصور حتى الان



الصورة دى عجيبة 
 تمثال محمد على فى اسكندرية 
 تحسوا ان الحصان هيجرى .. !



تمثال محمد على .. فى كرت بوستال 


تختروان العروسة ... 
 كان زمان موكب وهوليلة 
وبيحرسه فتوة الحى وشغلانة 


آخر شارع قصر النيل 
قبل ميدان مصطفى كامل علطول 
المبنى اللى ع اليمين مبقاش موجود 
لا هوه ولا اللى وراه




قالك ايه بقى ؟؟؟ 
نور العيون اسمالله على مقامكو كانت : 
اوسط الطول والجسم ملفوفة القوام سمراء اللون
ومفتوحة الحواجب سودة العيون والشعر
 دقيقة الأنف والفم بالجهة أثر جرح قديم ! 
#واخدة_مفك_يعنى_ولا_ايه؟؟
 اللى فات دا رخصة لواحدة
 لامؤاخذة ماشية مشى بطال بموافقة الحكومة
 بس مش فاهمة ملفوفة القوام دى بناء على ايه
 يعنى مين بيحدد ويقيس وكدا ؟


 BIG @Fatoma999 
صلاة النبى احسنننننننن :) 
توفيق الدقن ستايل


Ahmed Rageh @Ahmed_Rageh101
دي مواصفات قياسية مصرية



سعدية سليم @sa3deaselim
لأ وعلني كده اسمها وسنها 
واسم عيلتها على المشاع ..
وبيقول حواجب وعيون وشعر ودقيقة الانف.... الخ


اه البت موقفها قانونى وسليم 
والحكومة معاها :))



سعدية سليم @sa3deaselim
واللي يتعرض لها تطلع الرخصة 
وفي وشه على طول:)))

standing alone @kimka113 
اكيد كان فيه لجنة فنية بتفحص وتعاين





الراجل اللى ع الشمال دا بينضح نباهة 
  الشيشة بترفع معدلات الذكاء برضو 
 مساااااااء الخير

Ahmed Rageh @Ahmed_Rageh101
الراجل اللي على اليمين ده شكله عميق
 

اللى عمل الأعلان بتاع الفيلم دا .. 
ذوقه راقى وشيك جدا 



عمايل القهوة ف مطبخ قصر عابدين 
ربنا يديكو الصحة

 
Captain Haddock @hassan19211
 الكنكه كبيره كده تطلع من غير وش!


يستجروا دى فيها رفد علطول ..!
 بس انا عندى فضول اعرف 
ازاى كانوا بيحافظوا على سخونة القهوة
 لحد ما يخلصوا صب الفناجين دى كلها ؟؟




ف جنازة عبدالناصر 
 لو حد كان قال للجوز دول 
 ان نهايتهم هيموتوا مقتولين .. 
تفتكروا كانوا عملوا فيه ايه ؟؟

Cindy @CindyJanabi   
 لو كنت اعلم خاتمتي ماكنت بدأت


أبلغ تعليق والله :))



متصدقش دموع التماسيح دى ...
 كلها كام شهر وهيعملوا معاكو الجلاشة يا بابا




عباس حلمى التانى ف افتتاح البرلمان .. 
ودا اخر برلمان هيفتتحه ف حياته ف نفس السنة دى
 الانجليز هيخلعوه من ع العرش





والبنات تقعد تحتار 
وتسأل اللى حواليها 
وتقولك مبعرفش اجيب لخطيبى او حبيبى
 او اخويا هدية ايه
 الرجالة زمان كانت بتهادى بعض طبنجات يا ماما
 
 
سعدية سليم @sa3deaselim  
هدايا الملوك لبعضهم

طز BIG @Fatoma999 
 هتهاديه بطبنجه ,هيغزها بيها ,,معروفة:))


لأ ماهى اول ما يطلعها من صندوقها وينبسط 
 تقوله تعالى نجربها
 وتروح دايسة 


الصديق الوفى الوحيد
 اللى طلعت بيه م الدنيا يا ريس والله 
محمد نجيب أول رئيس لمصر
 بعد العزل والأحتجاز وأرذل العمر


 

 شجرة ستنا مريم - المطرية



الحاوى ... والقرادتى
 بيعمل تفانينه على سلالم الفنادق 
والاجانب تتفرج وتدى بقشيش حلو



قصر عابدين 
 وكتايب من الجيش مرابطة قصاد قصر عابدين


قصر عابدين بس المرة دى

 الجيش واقف بعد ثورة 1952 
عشان يمنع معرفش ايه من انه يحصل
 

قلعة صلاح الدين 
 اللى كانت ثكنة عسكرية لجيش الاحتلال
 وصورة للأخوة الأنجليز ف احد اركان المكان
 



بيقولوا انه سرير السلطانة ملك ف سوق الكانتو 
وانا مش مصدقة ..
 سرير زى كدا ميعديش 
من تحت مناخير الضبابيط الأحرار ابدااا 


حكم إعدام بيتنفذ علناً فى ميدان الرميلة 
 بين القلعة وجامع السلطان حسن
 وبيحطوه ف كروت البوستال كمان 
#احلاااااوة


Yasser Abdullah @Yasserigo 
  18 مارس 1909 دا التاريخ على الكارت

 وفي الخلفية الرفاعي مش مكتمل 
لكن مئذنته كاملة
 

بورتوفيق ... 
مكتب شركة القنال آخراشى ع الجمال 


Hany Zaky @Hany_Zaky
محمد منير .. ممكن:
المبانى بتاعة هيئة قناة السويس هى الموجودة فى الأغنية 


الصورة دى ف زمننا الحالى 
لو اتنشرت هتبقى ف صفحة الحوادث 
تحت مانشيت 
ذئب بشرى وبتاع ... #خيالات_الواقع _المريضة


 


عملة من عهد الوالى سعيد باشا
 طب انا مستوعبة النجمة والهلال
اكمنهم كانوا مرسومين ف العلم
 بس الوردة دى .. معلش لزومها ايه ؟؟


 


  الوالى سعيد وكان اكول 
وابوه من صغره كان بيحرمه من الأكل 
عشان يخس ! 
بس البدلة الأفرنجى معقولة عن لبسه التركى ..!


 
قسيمة مجاوبة دولية 
 واظن واضح مش محتاج شرح :)) 
 


الصورة دى سؤال لأى حد متابعنى هنا 
وله ف الآثار عشان السبيل دا مجننى 
ومش عارفة الاقى عنه أى معلومات 
لأنه غالبا اتهد ولا ايه أفيدونا

مكتوب انه سبيل ... 
فى حى العباسية اسمه ايه وبتاع مين با ولاد ؟؟ 



 كمان مكتوب .. سبيل للعامة
ومش قايلين مين صاحبه وبانيه ؟ 
اكيد حد مهم لأنه مفتخر قوى 
 


والضحك قال يا سم ع التكشير 


واخيرااااااااا
 آخر صورة دى +75 سنة 
 وذوى القلوب الضعيفة يمتنعووووووون
 اللهم ما بلغت اللهم فأشهد




صور العيال بتاعت زمان التقليدية 
لبنى عبعزيز ف آه من حوا وكدا 
القصد 
 البت تشى عاوزة عضة ف الأظؤظة بتاعتها 
وحالااااا


 عبرحماااان@Abdo_khamis
 اهم حاجة السلسلة تبان...
المصري حيفضل مصري النيل رواه




اغلب الصور والكروت من هذا الموقع الجميل 

وبس كدا خلصنا
 :)


--------------------------------




ليست هناك تعليقات:

إرسال تعليق

Related Posts Plugin for WordPress, Blogger...
"حقوق الملكية والملوخية والمهلبية ... الخ
محفوظة للست شهرزاد وإياك حد يسرقها ويحاول يزعلها آغجر .. مفهوم ؟ "