الثلاثاء، 9 سبتمبر، 2014

مصــــر فى صــــور ... 6







مساء الخير
 الليلة دى شوية صور
و أضغطوا ع الصور الصغيرة .. للتكبير 
عشان تتشاف كل تفاصيلها الجميلة 




نبتدى بالغزالون يهبلون
 سامية جمال 




غوازى ومطربات زمان اللى ف الافلام فهمونا
 انهم كانوا مزز وقمرات والرجالة بتنهبل عليهم
وبتنخرب بسببهم البيوت وكدا .. ! 





العتبة الخضرا 
وعلى الشمال عمارة تيرنج 




الراقصة نادية جمال
 آه كدا ... اهم دول المزز على حق
 اللى ينخرب بسببهم البيوت .. ! 




نادية جمال مع فريد الاطرش وصباح
 اللى فستانها دا ف طفولتى 
كان حلم كل فيتاة 







شارع شريف - اسكندرية #زمان_والآن 





أسمهان بالألوان 
وإذن .... فليكن




كوبرى قصر النيل 





يا حلوة يا شايلة البلاص
اللى يكلمك اديله بيه على نافوخه





حدائق انطونيادس - إسكندرية الماريا 




كسوة الكعبة والمحمل
ف حضرة الخديوى توفيق ... 1882







المحمل فى تشريفة واحتفال بلحظة خروجه
 من ميدان قراقول أو ميدان القلعة
 وفى الخلف جامع السلطان حسن 





جامعة القاهرة
 قبل ما يعملوا النصب التذكارى
اللى قصادها
 تخليدا لذكرى شهداء حادث كوبرى عباس





ف انتظار زبون عند تمثال إبراهيم باشا
 ميدان الاوبرا - القاهرة
قاعدة التمثال كانت لسه
 من غير صور المعارك ع الجانبين 




المزمزيل بهيجة حافظ
كانت ممثلة ومؤلفة موسيقى وشغلانة
 ويوم ما تمردت وأصرت واشتغلت بالفن
امها اتبرت منها واعتبرتها ميتة وعملتلها عزا 





قاعة يوسف الشهيرة بقاعة العواميد بالقلعة
كانت قاعة العرش ايام المماليك
ولما سليم الاول احتل مصر امر بتحطيمها تماما
#كان_غلاوى_قوى






كورنيش اسكندرية -  منطقة استراند





بيقولوا الصورة العجيبة دى متاخدة سنة 1875
 لأحد باشوات مدينة بورسعيد
وقاعد حواليه طقم الجوارى بتوعه .. !





فندق سميراميس القديم
 وف الصورة كوبرى قصر النيل القديم مفتوح
 وبتعدى منه مركب
 وقصاده ثكنات قصر النيل .. باللون الاحمر
والناحية التانية تبقى الزمالك فاضية تقريبا
والأهرامات باينة على مدد الشوف .. !





جامع محمد على - القلعة




ومن الشباك .. لأرميلك حالى






اهو بيبيع من المعبد نفسه اهو 
ومحدش بيكلمه اهو
 متجيش سالى " @sasosall "
تقولى الحقوا آثارنا وف موقع ايباى وبتاع 
:) 





باب العزب يمين ومسجد المحمودية شمال
 القلعة 




اطفال زمان بقى 
مش صور الطفولة المشردة بتاعتنا ! 




فندق ونتر بالاس - الأقصر
 اتبنى لأستقبال الاجانب والزوار
  للاحتفال بإفتتاح سد أسوان
 ايام الخديوى عباس حلمى التانى










اللى بيسألواعن ستات زمان
اللى كانوا بيخلوا الرجالة تطفش 
وتبصبص للراقصات 
شكلهم كان عامل ازاى .... اتفرجوا








ودول سيدات الطبقة العليوى








المثير بقى ان بنات الطبقات البسيطة كانوا أفقر
 لكن أحلى .. ابتسامتهم محلياهم 






الكُتاب .. مدارس زمان 





مدخل مسجد المؤيد شيخ
 الشيخ المجنون كما سمى
وكانوا بيقولوا على مسجده المسجد الحرام
 لأنه لطش رخامه من بيوت الناس غصب 







الملك فاروق مع جريس كيلى
 وجوزها امير موناكو
 الاول خلعوه وفيه شبهة بقتله بعد ما اتنفى برا مصر
والتانية كانت نجمة ومحبوبة 
وماتت ف حادثة ف عز شبابها
والتالت امير الحواديت اللى حبها بجنون
 و قعد حزنان عليها العمر كله ! 





غالبا الواد اللى قاعد بيقول لحد واقف تحت :
ولا يا محمااااااااااا
 انا طلعتهم خلاص هقلبّهم
وبعدين ارميهم من فوق وتلقفهم 
 ماشى ؟ 





إفتحلنا الراديو يا بنى
خلينا نعرف أخبار سعد باشا ايه ؟ 




طب أشلاق وهنعديها
انما عابدين من غير حرف الألف ليه
مش عيب عليكو دا كرت بوستال
وهيقعد للزمن يا غجر ! 





جمعية المهندسين - شارع الملكة نازلى سابقا
واللى بقت نقابة المهندسين - شارع رمسيس حاليا 





واخيرا ..
 نسيب القصور والشوارع النضيفة
ونروح للغلابة واحدى حارات حى عابدين 





وبس كدا 
تصبحوا على الف خير 

------------------------------


ليست هناك تعليقات:

إرسال تعليق

Related Posts Plugin for WordPress, Blogger...
"حقوق الملكية والملوخية والمهلبية ... الخ
محفوظة للست شهرزاد وإياك حد يسرقها ويحاول يزعلها آغجر .. مفهوم ؟ "