الثلاثاء، 25 نوفمبر، 2014

فى عشق التلوين .... 2

  


تكملة لصور لمصر زمان
أبيض وأسود ...  ثم بعد ما بقت بالألوان
وكالعادة ... أفتح الصورة ف تاب لوحدها 
عشان تشوفها اوضح بتفاصيلها الممتعة




البياعين والرزق على باب الله




أول صورة تتنشر لناريمان ف الجرايد بعد الخطوبة
عشان يتعرف الشعب بملكته المرتقبة


@nasir_alarbash  
  جمال وجناتها رباني تبارك الرحمن


Mona Al-Jerry ‏@MonaalJerry
علامه من علامات الجمال الرباني 
 مو الحين نفخ وشد جنهم بطاريق الإسكيمو





ناريمان خارجة من عند الكوافيييير 
وجنبها الجمال الحزين والغزالون يهبلون 
اخت فاروق الامبراطورة - سابقاً- الاميرة فوزية 




ناريمان وفاروق عند المصوارتى
 عشان ياخدوا الصورة 
اللى هتتعلق فوق كنبة الصالون المدهب وكدا 




تمثال سليمان باشا الفرنساوى - ميدان سليمان - سابقا
 اللى اتشال واتحط مكانه بعدين 
 تمثال طلعت حرب - ميدان طلعت حرب - حاليا





لو أقدر أسميها .. هناديها يا جميلة





جزء من شارع عبدالعزيز - وسط البلد
 الصورة فيها كام فرق بين الأصل والمتلونة 
انظر عند الشجرة وأسلاك التروماى




قصر راس التين - اسكندرية




إسكندرية تانى يا عيال .... محطة القطر




اسكندرية كمان وكمان ... مسجد النبى دانيال 
احد انبياء اليهود واللى يظن خطأ انه مدفون فيه
 ومتخصصين كثر  بيقولوا مش حقيقى




مسجد العطارين .. شيخ جوامع اسكندرية




طلعت باشا حرب




اسمهان




كوبرى قصر النيل اللى فى توقيت
 ما كانوا بيكتبوا اسمه على الكروت .. كوبرى الجزيرة




كوبرى قصر النيل .. تانى




بورسعيد .. يا لهوى ع الجمال ! 
بص يا جنرال




الچنرال بيكاتشوالأول @General_Pikachu
 كانت يا قلب اخوكي.. دلوقتي اصبحت ما يطلق
 عليه بالفرنسية Maz bala




بدون تعليق




مصطفى باشا كامل




الملك فؤاد الاول والاخير الحمدلله
عشان حفيده .. فؤاد التانى دا ميتحسبش


Yasser ʿAbd Allāh ‏@Yasserigo  
 الملك ڤلاد، شبه دراكيولا


 
فعلا .. غلاوته عندى تانى حاجة 
بعد غلاوة محمد على تمام




فتيات الإستعراض زماااااااااان 
وبطلوا تريقة عليهم بقى
 اللى كان موجود ساعتها .. هه



 
أهم اللى كانوا بيقدموا الفن زمان
 والناس كانت مبسوطة



 
كانوا خاربين بيوت العالم دى :))




تمثال رمسيس التانى فى ميت رهينة قبل نقله للمتحف 
وهنحكى عنه مرة
 دا بقى عمهم كلهم عم كل الكابسين على نفس مصر





هرم سقارة يا صغنن يا منمنم يا طيب 
يا غلبان بالقوى يا لوزة




صحن جامع محمد على - القلعة
 اللى ف النص دى فيها حنفيات واماكن للقعاد
 ومجرى داير ما يدور يحوش المية عشان الوضوء





الاميرة فوزية ... 1




الاميرة فوزية ... 2


L_I_A_Q_A_T @amrliaqat 
  انا مش فاهم اتنيلنا ليه و ازحنا العيله المالكه
يعني لو قارنا بين القمر دي وسيدات مصر الاولي
 اجمل واحده تبقي دكر بالنسبلها




الملك فاروق .... 1




الملك فاروق ... 2




الملك فاروق ... 3
 الصورة دى مؤلمة قوى فيها نظرة موجعة 


H E N D Y ‏@AhmedElhendy88 
 في ايطاليا ولا مصر ؟؟



@AhmedElhendy88 
 لأ دى ف مصر ..
لما راح ايطاليا كان مليان عن كدا
 وشكله أصعب وأصعب ..




الملكة فريدة




جميل واسمر





قرب مدخل كوبرى قصر النيل من ناحية التحرير
 ثكنات قصر النيل ف الخلفية




الأزهر ومناراته ف الوش
 ومسجد أبو الدهب بقبته العجيبة ع اليمين




مسجد السلطان برقوق




الواد اللى قاعد على حجر أمه أسفل يمين الصورة
 بصته مش مريحانى خااااالص




مقبض مقبرة الحاج توت عنخ آمون الله يرحمه
 ويبشبش الطوبة اللى تحت راسه


Heba ‏@HappyGeddan
 لقد تبشبشت





شارع فؤاد - وسط البلد 

العمارة دى لسه موجودة بس مهملة وتايه جمالها 
وسط طوفان القبح المسيطر على المنطقة




المصرى هو من ضيع ف القهاوى عمره




المتحف اليونانى الرومانى ... اسكندرية




مشربية وبيت ومحل ومشاة 
ومشهد مزدحم بالحياة والناس والدفا




ميدان مصطفى كامل 



ميدان مصطفى كامل
 وانتا داخله من شارع قصر النيل




المستشرقين كانوا مبهورين بجمال البنت المصرية 
وبيتحاكوا عن سرعة ذبوله
 والبهدلة اللى بتشوفها بعد الجواز والخلفة 




أمير الإنتقام ... بمووووت ف الفيلم دا 
أنور وجدى كان مختلف ومتميز 
وسامية جمال لا تعليق


Heba ‏@HappyGeddan 
 اليوم تتباعي في سوق الجواري يا زمردة
  امرك سيدي
 :)




مومياء رمسيس التانى 

وسبحان من له الدوام يا حاج


( ندّ فرسآنْ ) ،،،، ‏@alfaisal112
هو من يشتبه كونه فرعون موسى عليه السلام؟



@alfaisal112 
 

بيقولوا لكن المتخصصيبن بيقولوا لأ 
 دا حكم 67 سنة وكان عنده ولاد مش مبيخلفشى 
زى فرعون سيدنا موسى ولا حاجة




طريق الأهرام




مسجد اولاد عنان - رمسيس
 المسجد دا قبل هده اتنقل منه اجزاء كتير
 لمسجد السيدة زينب
 ودلوقتى مكانه .. مسجد الفتح




سبيل مصطفى باشا - العباسية




مدخل الموسكى




سامية جمال





أسمهان وفريد الأطرش 


Heba ‏@HappyGeddan 
 فووووله و اتقسمت نصين


Ibrahim Abdella ‏@hema_abdella
 هما كانوا فامبير..وشهم مفيهوش دم خالص


 
معرفش الصراحة .. بس الشوام
 وكل ما تطلع ناحية تركيا واوربا
 بتلاقى فيهم بياض بشرة رخامى كدا




جامع ومينا بولاق - من كتاب وصف مصر 


Maher ‏@ArchMaher  
 the dome similar to
 Abu Al Dahab mosque


دا الطراز العثمانى الغريب ف البناء



Maher ‏@ArchMaher  
 ليس عثماني،العثماني قبه ترتكز
على أنصاف قباب على أنصاف حسب الحجم 
والمآذن مدببه مستدقه مثل قلم الرصاص




الكنيسة دى لسه ف بورسعيد يا عيال 


..حيـاتى @amlromany2
 
ايوه موجوده فى شارع المنشيه
 وتعرف حاليا باسم كنيسة الانبا بيشوى


Ibrahim Abdella @hema_abdella 
مش واضحة..بس شكلها اللى فى شارع محمد على


الصور اللى جاية دى هيا ومش هيا
 يعنى نفس الاماكن بس ف لقطات اخرى
 وشبه بعضيهم شوية ...




مبنى البورصة - اسكندرية




قلعة قايتباى بعد دخول الإنجليز مصر
 وتدميرهم لحتت كتير فيها اثناء قصف الاسكندرية




كازينو الكورسال - شارع عماد الدين

وسط البلد
القاهرة 




قلعة صلاح الدين اللى أمر ببناءها
 وملحقش يقعد فيها 
وبقت القصر الرئاسى لحكام مصر لقرون




تمثال ديليسبس على مدخل القنال - بورسعيد




مبنى هيئة قناة السويس 
وف مقدمة الصورة حنفية الست فيكتوريا
 سبيل يعنى





بيعرفوه دايما ف الصور على انه تمثال 
وبس لكن هوه سبيل دا شكله عن قرب يا عيال 




الملك فاروق 

فى أفتتاح اول جلسة برلمان بعد توليه الحكم 




واخيرا مسجد السلطان حسن السلطان
 اللى بناه  وعمله مدفن فيه
 وهرب م الأغتيال ف اواخر ايام حكمه 
 ومحدش عرفله طريق ومندفنشى فيه #للأسف




وبس كدا خلصنا
 تصبحوا على الف خير ...


-------------------------------------------



ليست هناك تعليقات:

إرسال تعليق

Related Posts Plugin for WordPress, Blogger...
"حقوق الملكية والملوخية والمهلبية ... الخ
محفوظة للست شهرزاد وإياك حد يسرقها ويحاول يزعلها آغجر .. مفهوم ؟ "