الجمعة، 19 ديسمبر، 2014

مصـــر فى صـــور ... 9





أنا جيييييييييت
كمان شوية مصر ف حبة صور ... 
ومتنسوش ... تكبير الصور لمزيد من التفاصيل 
ذلك أفضل جداااا 






مدخل المتحف المصرى
 فى أواخر السبعينات




شارع الصنادقية - شارع المعز
 كان سوق مخصوص بيبيع صناديق للعرايس
 وبعدين بقى يبيع التوابل والعطارة والروايح 




توت غنخ آمون مات قبل سن العشرين
 والمؤرخين محتارين 
هل بت ما مات مقتول ولا بغرغرينا
 لكن المؤكد ان وزيره اتجوز أرملته



sally soliman @sasosall
 مفيش تأكيد أو دليل ان اي اتجوز أرملة توت 
احنا عرفنا انها كانت بتستغيث بس 
لكن مش متأكدين هو اتجوزها
 و لا عرفت تخلع منه
 :)



الكبيرة قوي @__Marwa____ 
 وزير دفاعه وكدزه :D



آه اللى كان بتاع المخنبرات الحربية قبليها 
:)
 

الكبيرة قوي @__Marwa____ 
التاريخ بيعيد نفسه يا سيدتي وتوت خان عبادة اتون 
واتمحلس لعبدة امون وخد على قفاه ف الاخر :D




Mohamed Osman @MSMO_42 
من عشر سنين تقريبا كانوا عملوا أشعة ثلاثية الأبعاد 
علشان يحلوا اللغز ده، 
وفي الآخر طلع مات طبيعي مش مقتول





بيقولوا كان عنده التهاب بسبب كسر ف فخده 
واتقلب لتسمم بس دا كان ملك مصر معقول مستوى العلاج 
كان منحدر كدا ؟!!


Mohamed Osman @MSMO_42 
هو المفروض الملوك لها مستوى رعاية طبي مرتفع، 
بس غيرالكسر ونتيجته، في كلام قرأته 
إنه كان عنده مشكلة جينية نادرة
وهي السبب الحقيقي في موته المبكر


Eng Mahmoud @eng_M_taha 
انا اتفرجت ع الفيلم اللى اتعمل نتيجة الابحاث دى 
واتاكد انه مات بخبطة فالراس والاختلاف فالخبطة 
نتيجة سقوط او اغتيال



 انا مكنتش موجودة بس كشهرزاد بقول انه اغتيال
 وبالثًلث وهروح اشهد ف المحكمة 
الولية اتجوزت وزيره .. نعم بقى !!
وحسب نظرية لامبروزو .. الولا شكله 
وملامح وشه بتقول انه مجرم ويعملها 
يكفى انه وزير 
:)))




Mohamed Osman @MSMO_42 
أنا كمحمد يدعم رأي العلم الحديث، 
وأميل لمشكلة الخلل الجيني،
 بالنسبة لنقطة الثقب فده كان لتحنيط



 أخص معندكش حس تآمرى
 لسه حكايات شهرزاد مأثرتش عليك كفاية 
:))




Mohamed Osman @MSMO_42 
يعني ده انقلاب كده :D ?


احنا بلد الانقلابات من قديم الأزل



Mohamed Osman‏@MSMO_42
 دي حقيقة ، روايات نجيب محفوظ عن مصر القديمة
 الموضوع ده ظاهر فيها ومتصور حلو



Eng Mahmoud @eng_M_taha
 وزيره ده هو اللى حكم بعد منه ؟!!! 
كان اسمه ايه الوزير ده يا استاذة شهر ؟!!


بيقولوا الحاج (آى)

 
 


sally soliman @sasosall 
هو اي ومدفون في وادي القرود في مقبره
 نعتقد انها حفرت خصيصا ل توت عنخ امون
 لكن لسبب غير معلوم لم بدفن بها


Cindy @CindyJanabi 
هو مش كان متجوز اخته ؟؟؟


 painter @picasopainter 




فندق سميراميس القديم مكنش لسه فيه كورنيش
 والناس كانت بتنزل للمراكب من السلم
 اللى على شمال الصورة 






هيكل
90 عاما من اللعب ف دماغ الأنظمة والأجيال المتعاقبة
90 عاما من المشى على حبال السياسة دون الوقوع
 وانكسار رقبته





البحر بيضحكلى وانا نازلة أدلع أملى القُلل
 الغنوة تقصد بحر النيل كانوا بيقولوا عليه كدا زمان 


hmohamedzaky @mohzaky25 
ولسه لحد دلوقتي اماكن كتيرة بيقولوا عليه البحر


Yasser ʿAbd Allāh @Yasserigo 
 كل الريف المصري خارج العاصمة بيستخدم كلمة "بحر"
 على النيل وكمان فيه بحر يوسف

Mohamed Mossad @MoMossad 
و لحد دلوقتي معظم القري بيسموا النيل (البحر) 
خاصة في الدلتا


أحا...براءة @safaagawdat 
 و في القرآن كمان النيل هو "اليم"





فما نكبةٌ إلا وأنت رسولها ... ولا خيبةٌ إلا وأنت لها أصلُ
 دا محمود سامى البارودى بيمدح ف نوبار باشا
 أصله الظاهركان بيحبه آآآآوى 
*بصوت منى زكى ف كده أوكيه*







طول عمرى بشوف الفيلم وبفتكرالفستان دا اسود
 مطلعشى اسود
 سعاد حسنى ست القمرات

Nelli ‏@NGeorgos
انا افتكرته احمر... لان لون الاحمر بيطلع غامق في الصور
... من الممثلات القليلات اللي عندهم ذوق في لبسهم



HODA EL MASRY ‏@ELMASRYHODA
 مش عارفة مين اللي قاعد في الوش ده 
بس شايفة نظرته لها
:)


 جميلة جميلة حتة بوبوناية


Dr.Ahmad Farouq @unbeatable_thun 
 دون كاميللو :)

Rasha @neversaydiee 
 انا كنت متخيلاه احمر :)


فيه صورة متلونة لها فعلا بالاحمر اهى







مسجد سيدى جابر اللى جه م الإندلس
 على المغرب على ليبيا والقاهرة وقعد فيها مدة
 ثم بعد موت بلدياته ابو العباس المرسى
سكن اسكندرية وكمل مشوار ابو العباس 
واندفن ف مقام واتبناله هذا المسجد 
وبقت الحتة كلها بعدين بأسمه سيدى جابر
و اسكنكرية بل الاوليا وأضرحتهم 






كاميليا
 رشدى اباظة ف احدى حوارته قال انها كانت حامل
 من فاروق وأجهضت .. !





فندق وكازينو سان استيفانو - اسكندرية
 اللى بنى المطرح دا كان ابن نوبارباشا
 كان رجل اعمال ومقاول وسمسار #بفلوس بابا بقى




الوسعاية اللى قصاد القلعة كان اسمها ميدان الرميلة
 لحد ما جت الحملة الفرنسية
 الصورة من كتاب وصف مصر


Zeinab ‏@ZeinabSamir
القلعة من غير مسجد محمد علي مش مميزة خالص :))


 


واحد انتحر أو نحروه 
وواحد مات م الحسرة
 وواحد مات مقتول
#اشربوا_اشربوااااا
*بصوت عبمنعم مدبولى ف ريا وسكينة*





أحا...براءة‏@safaagawdat
صورة بنت كلب قوي


 الحمدلله ان محدش بيعرف المستقبل :)

Heba @HappyGeddan 
شربوا هما الثلاثه

 أ . ب . حرية ‏@ragiaaaao
لعنة الفراعنة جابتهم الأرض





مسجد الصالح أيوب بالمنصورة
 البلد اللى انشئت ف البداية عشان تكون
معسكر لجيش الأيوبيين بمماليكهم
وتحولت لرمز للأنتصار ع المحتل
 شايفين جماله





مسجد الصالح أيوب .. المنصورة ... حاليا
 ولا عزاء للفن والعمارة والتاريخ والذوق وكل حاجة
:(



آيـة جَ ـمال @Yoyo__Gamal 
 وللاسف الحقيقة أبشع من الصورة دي كمان :/


Heba @HappyGeddan 
ياحزني


 قبته وقعت وراحت ف الوبا 
وبيقولوا اهالى المنطقة لموا من بعضهم 
عشان يرمموا المسجد قال عشان مش متسجل أثر 
ومعرفش ازاى !!




نجمة الجماهييييير الموزموزيل نتاية الجندى
 وهيا بتحاول تعمل إغيراء
طول عمرها نجمة الإبتذال


Ali @mhmd_ali 

  طب تغسل رجليها طيب




الهيبدروم او ساحة الخيل والالعاب
 اللى بناها الخديوى اسماعيل
واللى اتسمى باسمها ميدان البدروم
اللى بقى ميدان سوارس
ثم تحول إلى ميدان مصطفى كامل حاليا 




نجيب الريحانى ف شخصية العمدة 
كشكش بيه على المسرح (شمال الصورة)
 كشكش كان اسم الدلع بتاعه اللى كانت بتناديه بيه
 حبيبة فرنساوية سابقة 





وطالما جيبنا سيرة حبيبته الفرنساوية
 كان اسمها لوسى
ونجيب سمى كلبته اللى كانت رفيقة وحدته ..  لوسى
 والكلبة من اخلاصها له وحبها الشديد
ماتت بعد موته بأيام حزنا عليه 






الصورة دى ناقصها ايه ف النص ؟؟؟





ايوه .. ناقصها النصب التذكارى
 اللى كان ف الأصل هدية من الجالية الايطالية لمصر
مع تمثال للخديوى اسماعيل 





النصب التذكارى اهو
 وتمثال الخديوى اسماعيل منصوب فيه
قبل ما يشيلوه بعد ثورة يوليو




طير انتا واتكل وسيبلى الشعب دا هربيهولك
 واشويه ع الجانبين حاجة وتلاتيييييين سنة 






قالك الولاء للشعب وللكائد الاعلى
طب والله فيكو الخير برضو 
 كويس انكو افتكرتوا الشعب
 الأيام دى الولاء للجيش والسيسى وبس
والشعب عند امه يا ادهم 


Yasser ʿAbd Allāh @Yasserigo 
 بالزي النازي كمان :)



آه وحاطط باليتة الألوان اللى على صدره دى
 وانا صغيرة كنت بقول لبابا 
عاوزة واحدة اعلقها انا كمان .. اشمعنى !!

adamy @Ahmedalgadamy 
وعشانا كده احنا اختارناك :))


Political Alshivist™ @AlShOoMa 
 ايه حكاية طقم فرقة حسب الله اللي كانوا بيلبسوه ده؟





عماد حمدى واخوه التوأم ... عبدالرحمن


Heba ‏@HappyGeddan 
  بيروحو لنفس الحلاق 
و يلبسوا نفس النضارة 
ويبصوا نفس البصة

Zeinab @ZeinabSamir 
 بيتهيئلي عماد اللي ع الشمال

نظرته فيه ثقة واللى ع اليمين مكسوف فعلا :))

Mahmoud Abdou @m7moud_3abdou 
انا ليا أخ توأم بس مش بالشكل ده الصراحة 





أحد بكوات مصر ... العهد العثمانى




سوق الحمير - أرض الجزيرة - الزمالك حاليا





فنار بورسعيد القديم - بيقولوا اتبنى سنة 1859
 وكان أول وأعلى بناء خرسانى ف مصر ساعتها 






بورسعيد الرصيف دا اول ما افتتحت القناة
 كان اسمه رصيف الملكة أوجينى #المخسوفة 






أبرة كليوباترا - اسكندرية 
كانوا مسميين المسلات إبر 





صورة نادرة تجمع بين 
عباس حلمى التانى (الخديوى الحالى )
 والأميرأحمد فؤاد (الملك فيما بعد )
 لا الأولانى توقع ان التانى هيقعد مطرحه  يوما ما
ولا التانى توقع انه هيقعد مكان الأولانى يوما ما ! 





اسمهان
 اتجوزت المخرج أحمد بدرخان 40 يوم يا دوب 
واتطلقت





حدايق النزهة - اسكندرية الماريا 




ميدان سليمان سابقا - طلعت حرب حاليا
 المطرح اللى ورا التمثال بتاع سليمان الفرنساوى
(اللى اتشال)
مكانه دلوقتى عمارة تحتها صيدناوى





صورة بانورامية وملونة للميدان عشان تشوفوه
 بشكل اوضح
 الصورة السابقة كانت مصورة من أقصى اليمين



بنت بدوية 
مجموعة لينرت أند لاندروك 


Gege Mowli @GegeJbe
 تشبه شيرين :)




محطة الرمل - اسكندرية
 إهىء اهىء بجد 





صورة لمحمد نجيب
 أول رئيس لجمهورية مصر العربية
 ف عزاء يوسف وهبى وجنبه المخرج حسن الإمام 




بياع الدخان 








دى القاهرة من فوق مين يكسب فينا ثواب
 ويقول متصورة من انهى زاوية
متاخدة م الزمالك دى يا عيال ؟


gamalsidki @gamalsidki 
 متاخدة من أرض الأوبرا الحالية 
والمبنى الدائرى هو القبة السماوية القديمة والله أعلم :)
الجناين اللى فى العمق هى نادى طلعت حرب الآن
والأسفلت هو المؤدى الى كوبرى الجلاء 
وشيراتون القاهرة


الهي تنشك في معاميعك @loulouibrahim 
ايون في الزمالك





المشهد التحفة هذا ف اسكندرية اللى ع اليمين دا
 بقى قسم شرطة .. يا حِزن الحِزن
 #اه_والله 





بقى قسم شرطة باب شرق 




الترام - مصر الجديدة - كنيسة البازيليك
 اللى بناها البارون ف الخلفية #سبعينات 
 


 Yasser ʿAbd Allāh ‏@Yasserigo 
المنظر ما اتغيرش كتير


Mahmoud Abdou ‏@m7moud_3abdou 
و انا صغير كان التروماى ده 
بيعدى ميدان التحرير بعد كدة لحد عبد المنعم رياض .. 
كنت باحسبه قطر للفسحة عشان كلمة "نزهة" دى
 :D




ربنا ياخدكو 
وياخد اللى بيحبكو
 وياخد اللى بيكرهكوا وواقف جنبه واحد بيحبكو .. ! 


HODA EL MASRY ‏@ELMASRYHODA  
 جمال غالبا عنده عقدة أوديب و بيكره ابوه


Heba ‏@HappyGeddan 
هوا كان بيكره المصريين عموما





واخيرا واستكمالا للنفاق وللاوغاد اللى حكمونا
 لافتات التعريض بشارع قصر النيل
 بعد رجوع السادات من محادثات العار 






تصبحوا على ألف خير 


---------------------------

 



ليست هناك تعليقات:

إرسال تعليق

Related Posts Plugin for WordPress, Blogger...
"حقوق الملكية والملوخية والمهلبية ... الخ
محفوظة للست شهرزاد وإياك حد يسرقها ويحاول يزعلها آغجر .. مفهوم ؟ "