الخميس، 8 أكتوبر 2015

أفيـــــش نفيـــــــشة




العواااااف يا ولاد ..
كمان شوية ليلة من ليالى شهرزاد
حاجة خفيفة وتنعش الذكريات ... تسالى وكدا 






- بابا
- هاه
- الممثلة اللى ف الرسمة دى مش شبه شكلها بجد!
- رسمة ايه .. اسمه أفيش
- طيب ليه راسمينها غلط ف الاعلان ؟
- مسموش اعلان اسمه أفيش  
- ..... !!
- يا بنت أفيش ..
 قولى ورايا 
أفيش 
أفيش 
أفيش نفيشة نشف لسه منشفشى
 :)






والنهاردة هنقضيها أفيشات
 لبعض أفلام السينما المصرية
وسؤال الحدوتة للى متابع 
يسمح يجاوب اختر مما يلى :
 ألطف أفيش عجبك .. ايه ؟






العروض السينمائية بدأت ف مصر سنة 1895
 لاول مرة ف اسكندرية الماريا
الاجانب كانوا الرعاة واول من دخلوها طبعا
ولهذا فن الأفيش هوه كمان بدأ على يدهم
وبيقولوا ان اليونايين هما اللى كانوا اسطوات الصنعة دى
 وف مدرستهم الفنية خرجت اجيال
واتعلم مصريين بقوا هما رواد الصناعة بعدين





هنتفرج بقى على أفيشات السنوات كل عشرة ...
 مش الكل طبعا بعضها وفقط
نبدأ بحقبة التلاتينات 
وأفيشتها اللى وصلتلنا قليلة للأسف ...







ياقوت - 1934




اعلان عن العرض فى سينما اوليمبيا





يوم سعيد - 1938 



-------------
الأربعينات
-------------




أبو حلموس - 1947






سفير جهنم - 1945 




شهرزاد - 1946 







فاطمة - 1947 




أحمر شفايف - 1946



ممنوع الحب - 1942 




حبابة - 1944 








غزل البنات - 1949 





غرام وانتقام - 1944
اسمهان وهى بتقول ... إذن .. فليكن !!





أحبك انت - 1949 




العيش والملح - 1949





قلبى دليلى - 1947 


---------------------
الخمسينات 
----------------------






لهاليبو - 1950






بابا عريس - 1950




شاطىء الغرام - 1950 






حبيب الروح - 1951




صراع فى الوادى - 1954





اعلان عن ... فتاة السيرك - 1951 





موعد مع الحياة - 1953
وليالى العمر معدودة يا أحمد
وقفة سيمبا الأسد الملك اهى ف الأفيش 





عزيزة - 1954
وعد وانكتبلى وهروح من الوعد فين ...
 آه صحيح تروح فين دا سؤال وجودى يا عيال :) 






الحموات الفاتنات - 1953






طريق الامل - 1957 





انت حبيبى - 1957 




ابن حميدو - 1957 







المليونير - 1950
وعاوز أروح .. متروحشى ى ى ى ى 







لا أنام - 1957





بنت الهوى - 1953 






أين عمرى - 1957
عمو عزيزززززززززززز




الأنسة حنفى - 1954 
كم جئت فيفى بأسباب ملففة ما أكتر لفاتى وعلاتى 
:)






اسماعيل ياسين فى الطيران - 1959 




بنات اليوم - 1956








هذا هو الحب - 1958
 الفيلم دا من أرق قصص الحب
واكثرها واقعية اللى ممكن حد يشوفها 





القلب له احكام - 1956




ياسمين - 1951
كاتبينها فايروز ليه يا جماعة خير ان شاء الله ؟؟؟؟ 






النمر - 1952 



أمير الانتقام - 1950
اجمل أفيش خمسيناتى ف رأيى
وأنور وجدى الرائع تمثيلا واخراجا
واختيارا لكل حاجة ف الفيلم ...




أنا حرة - 1959 



سيدة القصر -  1958




صراع فى النيل - 1959




دعاء الكروان - 1959




حبيبى الأسمر - 1958





بابا أمين - 1950
أول افلام يوسف شاهين 
  

-------------
 الستينات 
-------------




عيلة زيزى - 1963
السبعاوى التمنياوى خليفة
وباقى العيلة المخلولة اللى متعرفش
 غير انك تحبها نفر نفرررر 




لن أعترف - 1961 






فى بيتنا رجل - 1961






ألمظ وعبده الحامولى - 1962






السبع بنات - 1961 





عروس النيل - 1963
يا بتاع الجاز وعودى يا هاميس




الباب المفتوح - 1963 




أمير الدهاء - 1964
النسخة الباهتة من امير الانتقام
ولولا تصميمات شادى عبدالسلام وتمثيل محمود مرسى
 ولا كانله أى لازمة! 




هذا الرجل أحبه - 1962 






غصن الزيتون - 1962 





جميلة  - 1960 






اعترافات زوج - 1964 


شفيقة القبطية - 1963 




30 يوم ف السجن - 1966 




العتبة جزاز - 1969




الثلاثة يحبونها - 1965
الفيلم دا كان بيعيطنى زمان من كتر سعاد
ما فجأة تحولت من كتلة بهجة الى نفس اتكسرت ألف حتة 




نص ساعة جواز - 1969
عندها استبحس وبتاكل بوز اللحاف ومشابك الغسيل 




اعلان عن .. نص ساعة جواز - 1969
 وحاجة تيكلم تيكلم خالص






غرام فى الكرنك - 1967




عفريت مراتى - 1968 





أخطر رجل فى العالم - 1967
وإكس .. هاذ نوووو إيند




بابا عايز كدا - 1968 





القاهرة فى الليل - 1963





حواء والقرد -1968




القاهرة 30 - 1966 إحسان شحاتة
 مصر التى حولوها الى عاهرة تبيع روحها
وتشحت حقها والتاريخ يعيد نفسه يا مصر 





الحلوة عزيزة - 1969
الأفيش أحلى من الفيلم بمراااااحل




بئر الحرمان - 1969
لا تسألوا الناس اسألوا الظروف ... !
يا خراشى :)
الفيلم دا كان بيخوفنى وانا صغيرة 



اشاعة حب - 1960
الأفيش #للأسف أقل بكتيييير من قيمة الفيلم
وجماله وروعة بساطة واداء ابطاله
وعلى قمتهم يوسف وهبى




أبى فوق الشجرة - 1969



شباب مجنون جدا - 1967




انا وبناتى - 1961




النظارة السوداء - 1963

-----------
 السبعينات 
-----------





غروب وشروق - 1970
يا باشا انا جبت بنتك من اوضة نوم أعز أصدقائى




سفاح النساء - 1970





جنس ناعم - 1977



غابة من السيقان - 1974





عودة أخطر رجل فى العالم - 1973 






البحث عن فضيحة - 1973 



الاختيار- 1972
من أروع أفلام شاهين حقا





اسكندرية ليه - 1979
دا بقى أروع افلام شاهين 






فى الصيف لازم نحب - 1974
 الفيلم دا اجمل ما فيه بساطته وخفة دم كل اللى فيه 





الأحضان الدافئة - 1974
وكل مرة اشوف الفينالة أعييييييط 





احنا بتوع الأتوبيس - 1979 





شقة فى وسط البلد - 1977
الأفيشات ف السبعينات كان فيها تنويع
وخروج عن القالب التقليدى حتى لو الفيلم فاكس 






أضواء المدينة - 1972
 أل ايه شرابى مدلدل وعاملة شعرى بمكوة رجِل .. ! 








خلى بالك من زوزو - 1972
ولا أفيش ف جمالها ولا أفيش بيّن جمالها




عودة الإبن الضال - 1976
الشارع لنا ..
 احنا لوحدنا ..
 الناس التانيين دول مش مننا ..
دول ناس انانيين
آه والله





أميرة حبى أنا - 1974
سعاد ...  البنوتة والأنثى المبهجة






أين عقلى - 1974
 الفيلم دا من اجمل أفلام سعاد ومحمود






زهور برية - 1972
الفيلم دا مشوفتوش بس الأفيش بتاعه روعة
 يوسف فرنسيس بقى





طائر الليل الحزين - 1977 




أنف وثلاث عيون - 1972




شفيقة ومتولى - 1978



دائرة الانتقام - 1976




مولد يا دنيا - 1975
والحلو والنبى ... تبسم للنبى ... تبسم 




أغنية على الممر - 1972




الصعود إلى الهاوية - 1978





اخواته البنات - 1976 
الفيلم دا مهما أشوفه مزهقش منه 



  ---------------
التمانينات
---------------




رجل فقد عقله - 1980
الفيلم دا مسخرة
جوزك بيحب .. هيتجوز عليكى .. هنتشرد ف الشوارع !!




4- 2- 4 ... انتاج 1981
 برضو فيلم مسخرة بيتجسد حرفياااا دلوقتى
ف عالم الرياضة .. 






أيوب - 1983
 آخر أفلام العملاق محمود المليجى





الاحتياط واجب - 1983
تمصير لفيلم سيدنى بواتييه
وفكرة مدرسة المشاغبين وتحويل الأولاد المراهقين
المشاكسين الى اسوياء




موعد على العشاء - 1981
حسين فهمى كان عاوز بعد ما اتسمم
 نعمله غسيل معدة ويعيش
وبعدين نطخه بالنار .. ونلحقه
وبعدين نرميه ف حفرة فيها أسود جعانة ... كدا 





الغول - 1983
عن قانون ساكسونيا وأيام متكررة 





عودة مواطن - 1986
 الفيلم دا يحس بيه كل اللى سافروا الدول العربية
ف الفترة دى وكان عندهم هلع
انهم لما هيرجعوا ميلقوش لروحهم مكان 





آخر الرجال المحترمين - 1986
 درة نور الشريف الفريدة .. الأستاذ فرجانى العظيم 





التوت والنبوت - 1986
حرافيش نجيب محفوظ وجمالهم







الشيطان يعظ - 1981
لما كل البلد عاوزة تبقى فتوات اومال مين اللى هينضرب!






ريا وسكينة - 1983
أغلب أفلام المخرج أحمد فؤاد ف العموم 
كانت خفيفة وجميلة
 وتحب تشوفها تفضى بيها دماغك من وجع القلب 



قلب الليل - 1989
أفيش مختلف ومعبر عن المضمون بشكل كبير




-------------------
افيشات التسعينات
---------------------







أفيشات التسعينات أغلبها نادية الجندى ونبيلة عبيد
 وليلى علوى والهام شاهين وممكن تتخيلوا المناظر
كلها حاجات تقرف الكلب الحزين
لكن اللى فكراه كويس وشدنى أفيش






الكيت كات - 1991 









وأفيش يا مهلبية يا - 1991
عشان بحب الفيلم دا جداااا بس لكن الأفيش ويحش
مش عاجبنى كان ممكن يكون أحلى .. 




وانا خلاص خلصت ...
الدور عليكم تختاروا أكتر أفيش
 لفت انتباهكم وعجبكم  وشكرااااااا 
تصبحوا على الف خير

-------------------------


هناك 5 تعليقات:

  1. ما شاء الله
    المدونة فى مجملها جميلة
    وإن شاء الله أكون زائر خفيف هنا
    الافيشات كلها جميلة ومتنوعه فى فكرتها

    أنا عجبنى افيش التوت والنبوت . بس معجبنيش كلمة ألاف الكومبارس :)
    وممكن سؤال ... ليه مش نزلتى افيشات الألفينات 2000 ؟ !
    أعتقد كانت هتبين الفرق بين السينما زمان ودلوقتى
    شكرا ليكى
    مودتى وإحترامى

    ردحذف
  2. مجهود رااااااااااااااااااااااائع شهرزاد فنانة كلها ذوق واحساس ورقى

    ردحذف
  3. انتی روحتي فين يا شهورة وحشتنا بقي

    ردحذف
  4. انتی روحتي فين يا شهورة وحشتنا بقي

    ردحذف
  5. كل سنة وأنتِ طيبة يا فاتيما، ويا رب تكون سنة سعيدة عليكي وعلى يوسف وكل أسرتك الكريمة وكل حبايبك إن شاء الله
    أخوكِ/ شريف

    ردحذف

Related Posts Plugin for WordPress, Blogger...
"حقوق الملكية والملوخية والمهلبية ... الخ
محفوظة للست شهرزاد وإياك حد يسرقها ويحاول يزعلها آغجر .. مفهوم ؟ "