الأربعاء، 16 مارس 2016

فى عشـــق التــلويـــن .... 6




فى عشق التلوين
الصور الابيض واسود
ولما إتلونت والمتشابهات وكدا
وكالعااااااااااااااااااااادة 
افتحوا الصور عشان تشوفوا 
وتستمتعوا بجمال التفاصيل 




            
قبل ما أبدأ عاوزة أتشكر بشدة
 لـ " سقراط  so2rate@ "
 لأضافاته اللى كلها ف الجون
وشهروزة بتستفيد بصوره
فى حسابه لحكايات كتير
موشكرين يا عمنا





ميدان سليمان سابقاً
 ميدان طلعت حرب حاليا - وسط البلد






فندق سافوى
 ميدان سليمان - وسط البلد
الفندق اتهد للأسف
والظاهر حمى هدم كل جميل ف مصر
من زمان ومعرفش ليه الغلاسة دى 


   

سليمان باشا الفرنساوى
 اللى اتشال اسمه من ع الميدان 
واتشال تمثاله كمان
وراح قلعة صلاح الدين 

  


ع الزراعية يارب أقابل حبيبى
 قوم بابا يبقى جاى ورايا
يشوفنا .. يعملها حكاية
 كوكتيل أغانى مجراش حاجة يعنى 





المحمل شايل كسوة الكعبة الشريفة
 وبيلف ف شوارع اسكندرية






فندق آبات - اسكندرية
اسم فشيخ واهو بدل ما يقول
انا حاجز ف فندق ابات عشان ابات
 الليلة دى
يختصر ويقول رايح آبات
 وشكرا




سعاد ... وأسم مشتق من السعادة
 ومشفش من السعادة الا القليل 




حكت ف حوار صحفى ان والدها
ووالدتها اطلقوا ف طفولتها
والأم اتجوزت تانى
واتنقلت سعاد ما بينهم 8 مرات
 ف 8 سنين




وسحبت ورقها وقدمتها فى 8 مدارس
 ف مدة 9 سنين
ودا اللى خلى تعليمها بعافية
 وابراهيم سعفان الممثل الجميل
 علمها بعدين تقرى وتكتب ازاى 


  


سعاد .. اللى المرح والحزن
والأنوثة الخالصة
.. تلخصوا فيها


    

محطة مصر - اسكندرية





اتفرجت وانبسطت ؟
طب شخشخ جيبك يا سى لافندى
 جود بالموجود يا بلدينا 






عامود السوارى
اللى اتبنى تكريما لطاغية
جه يخمد ثورة قامت عليه
 فى الاسكندرية
 وراح الطاغية وسيرته
وبقى الفن والجمال 




عامود تانى 
بس فى ميدان الخرطوم - اسكندرية




اسكندرية .. كمان وكمان 




 مصطفى لطفى المنفلوطى
الأزهرى ... الصعيدى
اللى اتسجن بسبب هجومه
على الخديوى عباس حلمى التانى





زبيدة ثروت
زبيدة .. تصغير الزبدة
وانها حقا كذلك 

   


زبيدة ثروت وبأمر الحب
 كلنا سلمنا لما خدنا على دماغنا
 مكنتيش تسمعى كلام عبحليم
دا لمصلحتك انتا والله 




نجيب الريحانى
اللى أبوه من "ريحان" بالعراق
كان عنده ايشوز مع السيد الوالد
لأنه لما مات سابهم ع الحديدة 
 وكتب كل ثروته لأخته
وعشان كدا الريحانى مجبش سيرته
حتى لما كتب مذكراته
واكتفى بذكر والدته فقط
واللى كانت مصرية بالمناسبة
  



فندق منيرفا عند افتتاحه
كان تحته مطعم وكافيه البامبو
 اللى اختفى خلاص
ودلوقتى بقى محل أديداس 
العمارة دى فى شارع طلعت حرب
- سليمان سابقا
وجنب العمارة ممر بابيك
 بتاع الساعات أقدم محلات الممر




شركة التأمين الاهلية
 ميدان مصطفى كامل - وسط البلد





 مبنى القنصلية الفرنسية زمان
ميدان التوفيقية
دلوقتى عمارة عادية
زودوا دور كمان
ومحدش بيحاسب حد طبعا 





 أرقصلك فشر الكاريوكا 
     



 كاميليا اللى امها حملت فيها
 من تاجر أقطان ايطالى
 من نفس جنسيتها
وبعدين فلس فهرب من اسكندرية
وسابها وساعتها جار ام كاميليا اليهودى ف البنسيون ف نوبة كرم
 عرض عليها يكتب البنت بإسمه
 فبقت .. ليليان ليفى كوهين 



وبعض المؤرخين بيقولوا
انها بناء على هذه المعلومات
 مش يهودية لكن الاسم بس كدا
 وانها بعد موتها اتعملها قداس
ف احدى الكنايس





القاهرة الفاطمية
السحر والشغف والبساطة والدفا

  

 

 قاعة يوسف .. من كتاب وصف مصر 
داخل قلعة صلاح الدين
واللى اتهدت
لما دخل سليم الاول مصر
واتبنى مطرحها بعد مدة
 جامع محمد على




 المعمورة



  
 يا صفايح الزبدة السايحة 




فندق شبرد
اللى اتدمر فى حريق القاهرة
 وحاليا مكانه عمارة ومحطة بنزين
ولا أقبح 





 فندق ايسترن اكستشينج - بورسعيد 
اول فندق من الحديد فى مصر
 واتفك ف الستينات
واتباع خردة
:( 

    

بورسعيد
مبنى الهيئة من بعيييييد
وسبيل الملكة فيكتوريا من قريب 





واخيرا
الصور دى من عند 
" Ebn Misr Art Gallery "
 من على الفيس





وهل تعلمون ان نجلاء فتحى
 اسمها الأصلى فاطمة الزهراء 


 



وهل تعلمون ان حسن عابدين
بدا حياته ممثلا فى المسرح العسكرى 


          


وحلفتلها مليون أمين
انى معرفش ميرفت يمين 
مصدقتش ؟!!


 


شارلى شابلن ..
سلسال الضاحكون اللى شافوا المر
 ف حياتهم 
  

    


هل تعلم ان سهير المرشدى
مكنتش اول بخت كرم مطاوع
وانه اتجوز قبلها ايطالية
عرفها ف روما لما كان بيدرس 



       

نيللى كريم أب مصرى وام روسية
جمال مختلف
وجو تشيكوفسكى والف ليلة وليلة
 خاااالص

   
       

أنغام
وانا ساندة عليك 
طررااااااااااخ
#صوت_هبدة 
    
        


 محمود المليجى 
 بدون تعليق
 أى كلام ميوفيهوش حقه





شيريهان
ويقال ان معناه الأميرة المحبوبة 
  
  



 نادية لطفى اسمها الأصلى
بولا محمد شفيق 


وكان اسم الدلع بتاعها
 بومبى
 آل يعنى بولا دا مكنش دلع لوحده
؟!! 






امينة رزق
اتخطبت كذا مرة
وانكتب كتابها على واحد
وفلسعت الكل عشان المسرح
حبها الكبير 




 واخيرا
الخفة واللطافة والحنية والدفا



لقطة لـ .. مارى منيب
من فيلم بابا أمين 



....

 وبس كدا خلاص خلصنا
 تصبحوا على ألف خير


---------------------------------------


سعدية سليم@sa3deaselim
 ع الزراعية أنا شوفت بختي 
ونصيبي:)


Hk List@hklist
 البشاعة ما لهاش لجان يا شهرزاد ليها محبين



فَاطِمَة@fatima0elzahraa
واتجوز بعدها مذيعه
كان ليها برنامج
ف القناة التانية زمان




سعدية سليم@sa3deaselim
 اسمها ماجده عاصم



Khaled Elhosseiny@khosseni
اسمه بلوك النصر
اول بلوك اتعمل فى المعمورة


Unspeakable@mohamedandroi
 حد. يسيب القمر ده
      

 hayat ‏@hayatankh
هى كفيله انها تنشر البهجه
فى اى فيلم بتظهر فيه او مسرحيه
 حتى لو قالت انتى جايه تشتغلى ايه؟ 
ههههه


ليست هناك تعليقات:

إرسال تعليق

Related Posts Plugin for WordPress, Blogger...
"حقوق الملكية والملوخية والمهلبية ... الخ
محفوظة للست شهرزاد وإياك حد يسرقها ويحاول يزعلها آغجر .. مفهوم ؟ "