ف إحدى شوارع القاهرة المزدحمة واحد بينشف عرقه
ولولا الجو الحر وجفاف حلقه
كان وقف دندن واتسلطن وغنى وقال
عطشان يا صبايا ... دلونى على السبيل
حد يشاورله يا عيال
على سبيل الرحمة
وحكاية النهاردة عن اماكن واشخاص
وفنون ورحمات وحاجات كلها اجتمعت ف شىء واحد
بناء يضمها
واسمه السبيل
ونبتدى بمعنى الكلمة وأصلها ..
سبيل اللى الكل يعرف ان معناها طريق
لكن الفعل (أسبل) طلعله معانى كتير
كلها مرتبطة بما يأتى بعدها من كلام
يعنى
أَسْبَلَتِ الطريقُ : كثرت سابِلَتُها
أَسْبَلَ الزَّرْعُ : أَخْرَجَ سَنَابِلَهُ
أَسْبَلَ السَّتَائِرَ : أَسْدَلَهَا
أَسْبَلَ أَجْفَانَهُ : أَرْخَاهَا
أَسْبَلَ الدَّمْعَ : أَسَالَهُ
أَسْبَلَ عَلَيْهِ : أَكْثَرَ كَلاَمَهُ عَلَيْهِ
أسبلت عينُه : دمَعت أعينه
أسبل المطر .. يعنى هطل بغزارة ..
قصره وم الآخر أسبلَ يُسبل ، إسبالاً ، فهو مُسبِل ..
يعنى يُفعل ويكثر من الشىء
وأسبل الماء يعنى صبّه
يعنى شربّ الناس وسقاهم
وهنا السقاية هتكون مجانية وببلاش
ويقال أن اقدم سبيل عرفه البشر كان بير زمزم
اللى إتفجر تحت رجلين أسماعيل عليه السلام
وستنا هاجر ..
اما أقدم شخص ف تاريخنا الإسلامى عمل سبيل للناس
فكان سيدنا عثمان بن عفان
لما أشترى بئر من الكفار
وخلاها للمسلمين يشربوا منها ..
وأكيد مش محتاجين اقولكم ازاى المية
بأعتبارها أكسير الحياة كان توفرها
هوه أصل كل تحضر وحياة
وسقاية العطشان كانلها الثواب الكبير للى يعملها
وف وزارة الاوقاف عشرات الأوراق
اللى فيها وقفيات الأسبلة ومالكيها ومصروفاتها
والقائمين على استمرارها ف اداء خدمتها
من خدمة للناس
ونيلا للثواب من عند الله
مصاريف المية وزيادة عدد ساعات الخدمة ف الصيف
وطبعا بالتالى زيادة كمية المية
والتنضيف وخلافه ..
ثم الكتاب اللى ملحق بالسبيل
وغالبا هتلاقوه فوقه .. وما يتبعه من خدمات
مشغوليات كتير كدا ...
وافلام وقصص ومحدش يبقى ف باله انها بتحصل
الأسبلة فى مصر تحديدا ليها باع طويل
لا تتخيلوه
لا ف عددها ولا أصحابها
وحواديتهم اللى كل واحدة فيها حكاية
بس الليلة دى هكتفى بـ 8 أسبلة ... بس
الأسبلة فى مصر ظهرت ملحقة بالمساجد
فكنت تلاقى المسجد ملحق بمدرسة وسبيل
وفوق السبيل مبنى كتّاب لتعليم الأطفال
القراية والكتابة وحفظ القرآن
وكانت الأسبلة بتتبنى ف طرق
ومطارح مزدحمة بالناس والبشر زى الأسواق
والاحياء الكثيفة السكان وف طريق الحج او السفر
لسقى العطشى واخد الثواب وكدا
والسبيل كان بيتكون من جزئين
1) الصهريج .. الخزان الكبير اللى بيشيل المية
2) حجرة التسبيل .. ودى اللى بتبقى فوق الصهريج
ومنها بيتقدم المية للمارة
وبعض الأسبلة كان بيبقى فيها لوح رخام
وفوقه صهريج ينزل منه المية ع الرخامة فتسقعها #أصل_مكنش_فيه_مبرادت
وكان المسئول عن السبيل واحد أسمه "المزملاتى"
وشغلته رعاية المكان وسقاية الناس
وكان لازمله شروط تتوفر فيه
والا ميشتغلش الشغلانة دى ..
لازم يكون نضيف ف هيئته وشكله ..
خالى من الأمراض ليعدى الناس
وكما انكتب انه لازم يكون "ذو مرؤة"
يعنى اخلاقه كويسة وصبور عشان ميتعصبش ع البشر
زمان قبل ظهور الحنفيات كانت المية بتوصل للبيوت
عن طريق السقا
وطبعا كلنا عارفين ازاى كان بيلفح القربة على ضهره
ويتنقل بيها من بيت لبيت عشان يملا للناس ف الزير
ويشربوا ويتشطفوا ويتدلعوا
ولأن النيل كان بعيد عن مناطق كتير
فكانت الشغلانة دى اساسية ورايجة
ومش بس كدا دى كانت امن قومى كمان
ومفيش بيت يستغنى عن الاخ السقا
اللى لو معداش ف يوم الدنيا تقف ومتقعدشى
وطبعا كان بياخد اجره
طب والغلابة ؟
أيوه الناس اللى مكنتش تقدر تدفع
والناس اللى كانت مرمية ف شوارع
وحوارى القاهرة بلا عمل ولا مأوى
والناس اللى على سفر
كلهم كانوا بيشربوا منين ؟
من السبيل حضرتك ..
واللى ف فن العمارة الاسلامية يعتبر احد اجمل
واهم أشكالها
مش بس ف قيمته الروحية
لأ
كمان ف شكله وخصايصه وجماله المتفرد
واللى يبص ف رسومات الفنانين اللى زاروا مصر
هيلاقوا مفيش حد مرسمش ف مرة سبيل
والرحالة كمان حكوا عن الاسبلة بأعجاب
ولما كانوا بيسألوا عن هذا البناء الجميل الدقيق الحجم
والمتفرد عادة ف زخرفته
كان بيترد عليهم باجابات تدهشهم اكتر
عن عظمة الدين واللى بيعمله ف نفوس المسلمين
الأسبلة أخدت وضعها أكتر وانتشرت أيام المماليك
وطبعا السبب معروف
المماليك كانوا من أصول غير عربية
الفن بالنسبالهم كان محل اهتمام عن العرب
ومع اعتناقهم الاسلام خلاهم بحبوحين برضو
ومفيش حوار الرسم حرام والكلام دا
وكانوا غاويين ابهة ف أوقات فراغهم من قتل بعض
فكانوا بيحبوا يلبسوا اغلى حاجة
ويسكنوا بيوت فخمة ويعيشوا احلى عيشة
ولأنهم عارفين ان بلاويهم كتيروموتهم وشيك
فكانوا بيبنوا حاجات لله عشان تغسلهم ذنوبهم
وهنلاقى طبقا لهذه النظرية
ان أغلب سلاطين المماليك بنوا مساجد
وأمرائهم الأغنيا من موظفين وأعوان
هما كانوا بيبنوا مساجد منها يندفوا فيها
ومنها ياخدوا ثواب ويكفروا عن ذنوبهم
ومع المساجد ..
مع المساجد ظهرت الأسبلة والكتاتيب
والمدارس اللى كانت موجودة من ايام الايويبين
اقدم سبيل مملوكى كان ايام الظاهر بيبرس ..
الراجل دا مسك مصر بعد قتله لقطز
وعمل فيها هيا والشام اصلاحات وانجازات كتير
وف عهده هتبدأ فكرة السبيل دى تنتشر
واللى بعده يقلدوه .. وهكذا
الأسبلة ف مصر ما بقى منها وما أندثر عدده مؤثر فعلا
وانتشرت بعد زوال المماليك لما جم العثمانلية
اللى كان ظلمهم أكتر
ثم انوجدت برضو عهد محمد على
ويكفى انه ف كتاب وصف مصر
احد من كتبوا ف الجزء الخاص بمدينة القاهرة
ذكر انه زار بنفسه حوالى 245 سبيل
وانهم أكتر من كدا بس هوه ملحقشى يشوفهم كلهم .. !
وبيقول انهم يعدوا ال300 بالمستريح
وقال كمان انه مذهول بهذا النوع من العمارة بجماله
ووظيفته وبحوار الكتّاب اللى غالبا ملاصق له
او مبنى فوقه
وكان معجب بفكرة التعليم الجماعى للأطفال
بينما ف اوربا العيال بتتعلم بشكل فردى
وازاى الحكاية دى ف مصر بتتم بهذا المنظر
وببلاش كمان .. !
الأسبلة ف مصر اشكال والوان وحكايات
هقول منهم 8 حكايات لأنهم ف نظرى
وعلى قد عينى المتواضعة هم اجمل الأسبلة الموجودة
واكيد فيه أجمل طبعا
بس مبدئيا كدا وبادىء ذى بدء ..
أغلب هذه الأسبلة هتلاقوها ف القاهرة الفاطمية
وضواحيها وقليلا ما هنخرج براها ..
يعنى عشان تبقوا عارفين
اول سبيل .. سبيل السلطان قايتباى
كنا حكينا عنه الراجل المفترى دا زماااان لو تفتكروا
وقولنا ازاى كان مهووس بالعمارة
وعمل كمية انشاءات.. وكالة ومسجد وملحقاتهم
ومن ضمنها السبيل وفوقه كتاب
وصرف ع الحاجات دى وكلفها الصراحة
الشاب مقصرشى
بس دا ميمنعشى انه مبحبوش الراجل دا
عشان كان ايده طارشة
وبينهب الشعب وهاريه ضرايب
ويقولك عشان خاطر البلد وهاتوا شوية لمصر
#عسكر_وكدا
دا غير عمايله مع ابنه اللى رباه
وخلاه وحش سادى يهوى تعذيب البشر
قصره .. اهو راح لحاله وفلوسنا رجعتلنا
والسبيل تحفة مفيهاش كلام دى أبدا
وانا لحد دلوقتى بحكى عن أسبلة الرجالة
اما الحريم بقى فخليهم للآخر
عشان هما الحلويات والجمال كله ماشى ؟
تانى الاسبلة ف بين القصرين القاهرة الفاطمية برضو
ودا اللى بناه واحد من الناس
اللى مبتتكررش كتير ..
سبيل الأمير عبدالرحمن كتخدا
وف مرة هبقى اقول حكايته الجدع دا
عشان كان غنى غناء فاحش
لكن كان كريم وسخى وخيّر بشكل مرعب
متفهموش ازاى !!
الراجل رمم مساجد كتير
وبنى منشئات كتير
وكانله ايادى بيضاء على الفقرا والمحتاجين
وكان بيوصف انه من بنائين مصر العظام
والسبيل رغم صغر مساحته لكنه تحفة وآية ف العمارة
وكان بيشد عيون الرحالة والفنانين
ولازم هتلاقوه ف لوحة من لوحاتهم
والمؤسف ان الراجل تم التضييق عليه ف نهايات حياته
لحد ما طفش ع الحجاز ومات هناك
وهنبقى نقول بالتفصيلى المملى قصته
اول سبيل كان مملوكى
والتانى عثمانى
اما التالت والرابع بقى
فدول تبع الأسطى الحاج محمد على
وربنا ما يوريكو زى أيامه الزرقا ولا تنعاد تانى
#يارب
محمد على والشهادة لله كان راجل مفترى
وناهب فلوس البلد ف كرشه أول باول
وكان ف اوقات الفراغ اللى مبيموتشى فيه الناس برضو
كان بيخلف وكدا
وبيقولوا كان عنده بتاع 30 ولد وبنت
ومنهم اللى مات صغير
ومنهم اللى كمل المسيرة حتى الشباب وفيص او انقتل
ومنهم اللى عاش وعمّر للكهولة
وسى محمد بقى هيموتله ولدين ف سن الشباب
اولهم كان الامير طوسون
ودا كان حبابى عينيه وكان بيعده للتوريث
وبيفضله على ابراهيم .. ابنه البكرى
طوسون بقى كان زينة الشباب
والمتفرد عادة ف زخرفته
كان بيترد عليهم باجابات تدهشهم اكتر
عن عظمة الدين واللى بيعمله ف نفوس المسلمين
الأسبلة أخدت وضعها أكتر وانتشرت أيام المماليك
وطبعا السبب معروف
المماليك كانوا من أصول غير عربية
الفن بالنسبالهم كان محل اهتمام عن العرب
ومع اعتناقهم الاسلام خلاهم بحبوحين برضو
ومفيش حوار الرسم حرام والكلام دا
وكانوا غاويين ابهة ف أوقات فراغهم من قتل بعض
فكانوا بيحبوا يلبسوا اغلى حاجة
ويسكنوا بيوت فخمة ويعيشوا احلى عيشة
ولأنهم عارفين ان بلاويهم كتيروموتهم وشيك
فكانوا بيبنوا حاجات لله عشان تغسلهم ذنوبهم
وهنلاقى طبقا لهذه النظرية
ان أغلب سلاطين المماليك بنوا مساجد
وأمرائهم الأغنيا من موظفين وأعوان
هما كانوا بيبنوا مساجد منها يندفوا فيها
ومنها ياخدوا ثواب ويكفروا عن ذنوبهم
ومع المساجد ..
مع المساجد ظهرت الأسبلة والكتاتيب
والمدارس اللى كانت موجودة من ايام الايويبين
اقدم سبيل مملوكى كان ايام الظاهر بيبرس ..
الراجل دا مسك مصر بعد قتله لقطز
وعمل فيها هيا والشام اصلاحات وانجازات كتير
وف عهده هتبدأ فكرة السبيل دى تنتشر
واللى بعده يقلدوه .. وهكذا
الأسبلة ف مصر ما بقى منها وما أندثر عدده مؤثر فعلا
وانتشرت بعد زوال المماليك لما جم العثمانلية
اللى كان ظلمهم أكتر
ثم انوجدت برضو عهد محمد على
ويكفى انه ف كتاب وصف مصر
احد من كتبوا ف الجزء الخاص بمدينة القاهرة
ذكر انه زار بنفسه حوالى 245 سبيل
وانهم أكتر من كدا بس هوه ملحقشى يشوفهم كلهم .. !
وبيقول انهم يعدوا ال300 بالمستريح
وقال كمان انه مذهول بهذا النوع من العمارة بجماله
ووظيفته وبحوار الكتّاب اللى غالبا ملاصق له
او مبنى فوقه
وكان معجب بفكرة التعليم الجماعى للأطفال
بينما ف اوربا العيال بتتعلم بشكل فردى
وازاى الحكاية دى ف مصر بتتم بهذا المنظر
وببلاش كمان .. !
الأسبلة ف مصر اشكال والوان وحكايات
هقول منهم 8 حكايات لأنهم ف نظرى
وعلى قد عينى المتواضعة هم اجمل الأسبلة الموجودة
واكيد فيه أجمل طبعا
بس مبدئيا كدا وبادىء ذى بدء ..
أغلب هذه الأسبلة هتلاقوها ف القاهرة الفاطمية
وضواحيها وقليلا ما هنخرج براها ..
يعنى عشان تبقوا عارفين
اول سبيل .. سبيل السلطان قايتباى
كنا حكينا عنه الراجل المفترى دا زماااان لو تفتكروا
وقولنا ازاى كان مهووس بالعمارة
وعمل كمية انشاءات.. وكالة ومسجد وملحقاتهم
ومن ضمنها السبيل وفوقه كتاب
وصرف ع الحاجات دى وكلفها الصراحة
الشاب مقصرشى
بس دا ميمنعشى انه مبحبوش الراجل دا
عشان كان ايده طارشة
وبينهب الشعب وهاريه ضرايب
ويقولك عشان خاطر البلد وهاتوا شوية لمصر
#عسكر_وكدا
دا غير عمايله مع ابنه اللى رباه
وخلاه وحش سادى يهوى تعذيب البشر
قصره .. اهو راح لحاله وفلوسنا رجعتلنا
والسبيل تحفة مفيهاش كلام دى أبدا
وانا لحد دلوقتى بحكى عن أسبلة الرجالة
اما الحريم بقى فخليهم للآخر
عشان هما الحلويات والجمال كله ماشى ؟
تانى الاسبلة ف بين القصرين القاهرة الفاطمية برضو
ودا اللى بناه واحد من الناس
اللى مبتتكررش كتير ..
سبيل الأمير عبدالرحمن كتخدا
وف مرة هبقى اقول حكايته الجدع دا
عشان كان غنى غناء فاحش
لكن كان كريم وسخى وخيّر بشكل مرعب
متفهموش ازاى !!
الراجل رمم مساجد كتير
وبنى منشئات كتير
وكانله ايادى بيضاء على الفقرا والمحتاجين
وكان بيوصف انه من بنائين مصر العظام
والسبيل رغم صغر مساحته لكنه تحفة وآية ف العمارة
وكان بيشد عيون الرحالة والفنانين
ولازم هتلاقوه ف لوحة من لوحاتهم
والمؤسف ان الراجل تم التضييق عليه ف نهايات حياته
لحد ما طفش ع الحجاز ومات هناك
وهنبقى نقول بالتفصيلى المملى قصته
اول سبيل كان مملوكى
والتانى عثمانى
اما التالت والرابع بقى
فدول تبع الأسطى الحاج محمد على
وربنا ما يوريكو زى أيامه الزرقا ولا تنعاد تانى
#يارب
محمد على والشهادة لله كان راجل مفترى
وناهب فلوس البلد ف كرشه أول باول
وكان ف اوقات الفراغ اللى مبيموتشى فيه الناس برضو
كان بيخلف وكدا
وبيقولوا كان عنده بتاع 30 ولد وبنت
ومنهم اللى مات صغير
ومنهم اللى كمل المسيرة حتى الشباب وفيص او انقتل
ومنهم اللى عاش وعمّر للكهولة
وسى محمد بقى هيموتله ولدين ف سن الشباب
اولهم كان الامير طوسون
ودا كان حبابى عينيه وكان بيعده للتوريث
وبيفضله على ابراهيم .. ابنه البكرى
طوسون بقى كان زينة الشباب
وعسكرى حلو كدا
ومحمد على عاوز يبديه على ابراهيم
ويخليه أشطر قام قرر يبعته الحجاز يحارب الوهابيين
ويكسر شوكتهم
الكلام دا حصل بعد مذبحة القلعة بوقت بسيط
يعنى بعد 1811
قوم ايه ؟؟
الواد طوسون أبلى بلاءا حسنا
وشنير الوهابيين وجابهم الأرض
حلو ؟
وقعد بناءا على توجيهات بابا محمد على
هيقعد عنده يرتب الأحوال والادارة ف الحجاز
وبيقولوا اتجوز واحدة كمان من هناك واستقر
وشوية وجاله طاعون ..!
وفيه مصادر بتقول انه انقتل ف مواجهات هناك
بس الغالبية بيقولوا مات بالطاعون
المهم وقصره الجدع مات ف عز شبابه
ورجع لابوه ف صندوق
ومحمد على عاوز يبديه على ابراهيم
ويخليه أشطر قام قرر يبعته الحجاز يحارب الوهابيين
ويكسر شوكتهم
الكلام دا حصل بعد مذبحة القلعة بوقت بسيط
يعنى بعد 1811
قوم ايه ؟؟
الواد طوسون أبلى بلاءا حسنا
وشنير الوهابيين وجابهم الأرض
حلو ؟
وقعد بناءا على توجيهات بابا محمد على
هيقعد عنده يرتب الأحوال والادارة ف الحجاز
وبيقولوا اتجوز واحدة كمان من هناك واستقر
وشوية وجاله طاعون ..!
وفيه مصادر بتقول انه انقتل ف مواجهات هناك
بس الغالبية بيقولوا مات بالطاعون
المهم وقصره الجدع مات ف عز شبابه
ورجع لابوه ف صندوق
وحِزن عليه محمد على قوى واتأنثر
#تستاهل_يا_كلب
ومتفهموش برضو ليه بعد كام سنة
وايه اللى حصل وفجأة افتكر يعمل حاجة على روحه
عشان الناس تدعيله وكدا !
ومش هيبنى مسجد ولا مدرسة
قال نعمل سبيل وقد كان
سبيل محمد على بالعقادين
وهتلاقوا صور اكتر وتفاصيل أكتر ... هنا
ومفيش داعى أقول ان السبيل دا على مر الزمن
اتعرض للاهمال والبهدلة وكاد يندثر
لولا جت منحة اعتقد من اليونسكو
وانقذته
السبيل الرابع كان لمحمد على بالنحاسين
ولكن المرة دى هيبنيه عشان ولد تانى من عياله
وهوه الامير اسماعيل كامل
والسبيل دا احدى درر شارع المعز .. بالجمالية
هنا
وشوفوا جميل ازاى ومبهر لكن لو تعرفوا حكايته !
مش حكاية السبيل .. حكاية الولا
سى اسماعيل كامل افندى .. ابن ابوه بحق
قولتها زمان بس اقولها تانى
عشان بحب احكيها قوى الصراحة
قالك ايه يا سيدى سى محمد كان عاوز شوية عبيد
يدخلهم الجيش ويغير ف قوامه شوية
ويعتمد عليهم مع المصريين
واهم عمالة رخيصة وببلاش تقريبا
حلو ؟
قام قايل لأبنه اسماعيل كامل
ودا طبعا غير اللى هيبقى الخديوى اسماعيل بعدييين
المهم هيقول لسمعمع اخطف رجلك لتحت ع السوادن
هاتلنا عبيد وإرجع !
الواد فورا نفذ كلام ابوه واخد معاه عساكر وهوليلة
ونزل على مدينة اسمها الفاشر ف السوادن
مشهورة ببيع الرقيق اللى كانوا بيخطفوهم من قراهم
وبس عسكر ف المعسكر
وراح باعت لواحد كبير قوى هناك
وكان اسمه "النمر" وكان زى ما تقولوا كدا
الزعيم بتاع المنطشقة ورجل تجارة الرقيق الاول هناك
ودخل "النمر" على اسماعين
وبعد السلام والتحية طلب الجدع منه
عدد كذا وقدره من العبيد
النمر طلب قصادهم سعر معين
اسماعيل معجبوش وقال لأ كتير
قام النمر قاله دا اللى عندى
والظاهر قالها بطريقة مش ولابد يعنى
ومخدش باله ان دا ابن والى مصر محمد سنكفولة بنفسه
المهم علّى صوته على اسماعيل
راح سماعين رزعه قلم .. قصاد الموجودين كلهم
من رجال الطرفين
وطبعا النمر بعد استيعاب اللطمة ..
استوعب انه مش هيعرف يردها قام حاطط واطى فورااا
#تستاهل_يا_كلب
ومتفهموش برضو ليه بعد كام سنة
وايه اللى حصل وفجأة افتكر يعمل حاجة على روحه
عشان الناس تدعيله وكدا !
ومش هيبنى مسجد ولا مدرسة
قال نعمل سبيل وقد كان
سبيل محمد على بالعقادين
وهتلاقوا صور اكتر وتفاصيل أكتر ... هنا
ومفيش داعى أقول ان السبيل دا على مر الزمن
اتعرض للاهمال والبهدلة وكاد يندثر
لولا جت منحة اعتقد من اليونسكو
وانقذته
السبيل الرابع كان لمحمد على بالنحاسين
ولكن المرة دى هيبنيه عشان ولد تانى من عياله
وهوه الامير اسماعيل كامل
والسبيل دا احدى درر شارع المعز .. بالجمالية
هنا
وشوفوا جميل ازاى ومبهر لكن لو تعرفوا حكايته !
مش حكاية السبيل .. حكاية الولا
سى اسماعيل كامل افندى .. ابن ابوه بحق
قولتها زمان بس اقولها تانى
عشان بحب احكيها قوى الصراحة
قالك ايه يا سيدى سى محمد كان عاوز شوية عبيد
يدخلهم الجيش ويغير ف قوامه شوية
ويعتمد عليهم مع المصريين
واهم عمالة رخيصة وببلاش تقريبا
حلو ؟
قام قايل لأبنه اسماعيل كامل
ودا طبعا غير اللى هيبقى الخديوى اسماعيل بعدييين
المهم هيقول لسمعمع اخطف رجلك لتحت ع السوادن
هاتلنا عبيد وإرجع !
الواد فورا نفذ كلام ابوه واخد معاه عساكر وهوليلة
ونزل على مدينة اسمها الفاشر ف السوادن
مشهورة ببيع الرقيق اللى كانوا بيخطفوهم من قراهم
وبس عسكر ف المعسكر
وراح باعت لواحد كبير قوى هناك
وكان اسمه "النمر" وكان زى ما تقولوا كدا
الزعيم بتاع المنطشقة ورجل تجارة الرقيق الاول هناك
ودخل "النمر" على اسماعين
وبعد السلام والتحية طلب الجدع منه
عدد كذا وقدره من العبيد
النمر طلب قصادهم سعر معين
اسماعيل معجبوش وقال لأ كتير
قام النمر قاله دا اللى عندى
والظاهر قالها بطريقة مش ولابد يعنى
ومخدش باله ان دا ابن والى مصر محمد سنكفولة بنفسه
المهم علّى صوته على اسماعيل
راح سماعين رزعه قلم .. قصاد الموجودين كلهم
من رجال الطرفين
وطبعا النمر بعد استيعاب اللطمة ..
استوعب انه مش هيعرف يردها قام حاطط واطى فورااا
وقاله التمن اللى هتدفعه خلاص
وفيه روايات بتهوّل ف الحكاية اكتر
وبتقول ان اسماعيل اختار احدى زوجات النمر
ضمن البوضاعة امعانا ف إذلال الراجل وكدا!
المهم النمر خرج من عند اسماعيل مبديا الطاعة والولاء
وصاغرا لكن الانتقام كان سيد الموقف
والا يبقى الشنب دا على قطة مش نمر بقى !!
القصد خرج النمر
واستنى الليل ينزل بستايره السودة الفكحلى
واسماعيل كان مع حراسه ف كشك من البوص
ونايمين ولا على بالهم
والنمر ف ثوان هجم
والحراس اللى برا الكوخ البوص اتقتلوا
ورجالة النمر ولعوا النار ف المطرح كله
وما حوله
وف دقيقة كان اسماعيل جواه بيتشوى حيا .. #حرفيا
ومات محروق
وهرب النمر للجبال مع رجالته
وبيقولوا قعد شريد لحد ما مات
ومعرفش يرجع الفاشر تانى
اما محمد على بقى فمش هقولكو عليه ..!
الحاج ابو طوسون
كان بيقطر حنية ورقة زى منتوا هارشين
بعد ما جاله خبر حرق ابنه
قرر يورى الفاشر اللى عمرها ما شافته
ولا هتشوفه تااااانى
وبعتلهم جوز بنته محمد الدفتردار
اللى المصريين كانوا مسمينه إبن ا ل م ر ة
من كتر أدبه وأخلاقه
الحقيقة الشاب سافر ومعاه تجريدة معتبرة
وراح الفاشر
وربنا ما يوريكوا ف عزيز ولا عدو اللى عمله
الدفتردار ف البشرية هناك
طبعا ملقاش النمر اللى هرب ع الجبال
قام انتقم من اهله وعياله وقبيلته
وموت اللى موته وعذب اللى عذبه
بيقولوا انه كان بيقطع ودان الناس وأعضائهم
وبيقطع أثداء النساء غير الحرق احياء
واخد عبيد ياما وهوه راجع وكله ببلاش طبعاااا
الملخص .. الفاشر واهلها اتمرمطوا مرمطة السنين
بسبب غلطة تاجر رقيق حقير اصلا
وابن والى احقر منه ...
وقوم بعد دا كله ييجى محمد على
ويبنى سبيل قالك عشان ايه بقى ؟؟؟
قالك عشان كل ما حد يشرب منه يدعو للولد
ويكفر عنه ذنوبه .. !
يا سلاااااااااام ذنوبه هوه بس يا حاج ؟؟
عموما مجراش حاجة .. برضو الفلوس فلوسنا
والسبيل بتاعنا ورجعلنا
والحمدلله تم ترميمه
وعالله ميتبهدلشى زى اخواته تانى
حكينا عن أسبلة بعض الرجال ...
نحكى بقى عن أسبلة السيدات
ولنا ... هنا ... وقفة
عشان كل حريم ف الدنيا كوم
والحريم ف مصر حاجة تانية خالص بقى
ليه ..؟
لأن الأكيد ان بناء بهذا الشكل والجمال والروعة
مكلف ماديا
مش بس فترة انشائه
لأ بعدها كمان
لأن السبيل عاوز صيانة وفلوس المية واجر المزملاتى
فعادة ما كان بيبنى الأسبلة رجالة
سلاطين او امراء أغنيا بقى وفلوسهم كتير
وبيوقفوا اراضى للصرف من ريعها ع الأسبلة
لكن دخول النساء على الخط
كان ملفت وملهم الصراحة
ويستحق الانتباه
ونبدأ باول أسم
سبيل رقية دودو
وهذا السبيل انا حزينة عليه
ولما آل اليه من اهمال وبشاعات
بعد ما كان تحفة بس نحكى الاول حكايته
رقية دودو اسمها عجيب فعلا
وف احدى المقالات لما صحفى سأل السكان ف الحى عنها
قالوله دى كانت رقاصة
وربنا تاب عليها فعملت سبيل لله وكدا !!!
لكن الحقيقة ان صاحبة السبيل الشهير
فى شارع سوق السلاح قرب القلعة
رقية دودو كانت بنت احد الأمراء ف العصر العثمانى
واسمه رضوان الجلفى
الراجل دا كانله شنة ورنة ومكانة مرموقة
وجه ف فترة تاريخية مهببة اثر مقتل على بك الكبير
والصراع بين امرائه
لحد ما كسب ابو الدهب الخاين
رضوان كان غنى جدا
وبيقولوا ان هوه اللى بنى باب العزب اللى ف القلعة
المهممم ..
الراجل حاول يلعب دور حمامة السلام
وف يوم ازرق طلع القلعة
يحاول يصلح ما بين الامرا وبعضشيهم
ويلم التعابين
الشوباب اخدوه على قد عقله وعملوا متصالحين
فسابهم وهوه مش واخد خوانة
وروح على بيته ..
اللى كان ف الازبكية على ما أذكر ان لم تخنى الذاكرة
المهم دخل بيته وقالهم هاتولى الحلاق
وجه الحلاق يحلقله
مفيش دقيقة وسمع دوشة
وصوت طلقات رصاص
وثوانى وحتة من سقف البيت وقعت فوق نافوخهم
طبعا فهم ان الأمراء المنافسين خانوه
وبسرعة جاب سلاحه وهرب ع الأسطبل وركب حصانه
واثناء هروبه اخد رصاصه ف رجله
وافتكر انه خلاص كدا ميت لا محالة
وبيبص وراه ملقاش حد بيطارده
المهم اتشاهد وقال يا فكيك وهرب ع الصعيد
لكن الإصابة حصلها مضاعفات
وعلى ما قعد عند احد القبائل هناك ومرضوه
مات البائس
ومفيش داعى اقولكم بقى ع الامير
زماااان لما بيموت كان بيجرى ايه ؟؟؟
الحقيقة امرا المماليك والعثمانلية كان حاجة فًللى قوى
اللى يموت منهم ييجى بداله
اللى يورث وظيفته وارضه وفلوسه
وكمان مراته وجواريه #وساخة
قصره .. الست مرات رضوان الجلفى
ارملته بقى بمعنى ادق أتجوزها أمير تانى
بجملة اللى ورثه بقى من منصب وارض وخلافه
كان اسمها ايه الست دى ؟
أرملة رضوان كان اسمها .. بدوية بنت شاهين
والست كان عندها بنت اسمها رقية دودو
والظاهر رقية ماتت صغننة
فالام قررت تعملها سبيل عشان الثواب
والسبيل من كتر جماله كان الرسامين الاجانب
حريصين على تخليده ف لوحاتهم عن مصر
واشتهر بأسم سبيل البدوية
المحزن بقى ان هذا البناء الجميل
اللى صمد لعوادى الزمن من سنة 1716
هييجى ف زمن مبارك الاغبر
وتنسرق احدى شبابيكه الحديد الى هيا تحفة لوحدها
والناس هتصحى على احد السكان بيزعق ف الشارع
الصبح بدرى وماسك ف واحد
كان فاكك وماسك الشباك الحديد بتاع السبيل وبيهرب
راح الجار عامل زفة وجابله البوليس..
حلو ؟
لأ مش حلو
عشان بعد البوليس ما ييجى
وتتبلغ هيئة الأثار والسياحة
كل واحدة هترمى ع التانية المسئولية
وبعدين ينتهى الموضوع بإن محدش غلطان !
مش بس كدا دول هيقرروا يبنوا حيطة
لمنع الحرامية وهيقفلوا الشباك الحديد بطوب أحمر .. !
ليه كدا يا جماعة طيب ؟؟؟
قالك أصل لو رجعنا الشباك الحديد تانى
هيتسرق
انما الطوب الاحمر يمنع الحرامية كمان من سرقة الحليات
اللى جوا السبيل واللى اتسرق بعضها فعلا !
أحلااااوة .. يعنى دا اخركم
وبدل ما تعملوا حراسة او غفير بشلن ع المطرح
تبنوا عليه طوب وتأذوه وتخلوه بالمنظر دا .. ؟! #يشفى_الكلاب_ويضركم_يابعدا
الله يرحمها بقى الست بدوية
الحمدلله انها ماتت قبل ما تشوف اللى اتعمل
ف سبيل بنتها
القصد السبيل التالى ..
لأحدى الحريمات الجميلات برضو
سبيل نفيسة البيضا
والست دى حكايتها معروفة
اللى عملتها ليلى علوى ف مسلسل"نابليون والمحروسة"
للى شافه يعنى
واختصارا لمن لا يعرفها .. الست نفيسة البيضا
او نفيسة المرادية كما اشتهرت بعدين
كانت متجوزة على بك الكبير شيخ البلد
وحاكم مصر .. حلو
قوم ابو الدهب مملوك على بك الكبير ودراعه اليمين
طمع ف المشيخة وقرر يغدر بسيده
فقتله متضامنا مع مملوكين كمان
هما مراد بك وابراهيم بك ونفر تالت
مراد الوغد .. الندل .. العرة .. وفيه كل العبر
وافق على الخيانة مشترطا شرط واحد بس
هوه انه لما يموت على بك الكبير
يتجوز هوه ارملته .. نفيسة
اكمنها كانت جميلة وذكية ونبيهة وكمان اخلاقها عالية
الوغد طمع فيها واتجوزها بعد مقتل الحاج على
واخدت لقبه وبقت نفيسة المرادية نسبة .. لأمه
والست لأياديها البيضاء على الفقرا والغلابة والأيتام
سميت البيضا
وكمان لفضلها على المماليك لقبت بأم المماليك
وحضرت ايام دخول الحملة الفرنسية مصر
وشافت اهوال وكانت جزء من المقاومة ضد المحتل
وف نفس الوقت عملت علاقات دبلوماسية معاهم
والمهم عدوا التلات سنين نكد
وجه محمد على افندى اللى هيوريها البدع
والست اللى وقفت وصمدت قصاد امرا عثمانلية
وقصاد الفرنساوية
هتيجى عند محمد على وتتبهدل بهدلة السنين
ويحجر على ممتلكاتها حتة حتة .. لحد ما تفتقر
وتعانى مع الشعب من قهر الوالى الجديد
وتموت حزينة منسية
والبركة ف وش الغراب .. محمد على
المهم ان السبيل والحمدلله عاش
وشال اسمها وردلها جزء من جميلها وجمالها
والسبيل دا يا عيال رغم انه محندق كدا
ويبدو عادى لكن فيه جمال المتخصصين يحكوا عنه
احسن منى
لكن لما مرة مشيت جنبه وشفته عن قرب
لقتنى بعشق شباكه تحديدا .. بشكل رهيب
وبيقولوا انه من فوق عليه نقشة لثدى امراءة
وكان اللى صممه يقصد بيه تعظيم لدور الام
وفكرة العطاء وكدا
شوف الناس زمان ازاى مكنش عندهم عقد
ولا كلاكيع زى دلوقتى ..!
وإياك الشباك دا كمان ينسرق بقى هوه روخر
#جرررررر
قولنا سبيل رقية دودو
سبيل نفيسة البيضا
السبيل الحريمى التالت .. هوه سبيل أم عباس
يخربيت ام الجمال يعنى
وأم عباس تبقى بنبا او بمبة قادن
مرات الأخ طوسون ابن محمد على
اللى مات ف الحجاز #فاكرينه
اذا فجأتن ابنها عباس بقى الوريث بعد موت ابراهيم
وبعدين انتوا عارفين بقى القصة
عباس كان نفرى وكئيب ومزعج وفيه كل العبر
ونكد ع اللى حواليه لحد ما قتلوه بمؤامرة عائلية
وطبعا فيه اقوال بتقول انه مات محموم وعيان
لكن الروايات الاكثر تواترا وثقة
انه انقتل ف قصره ف بنها على ايد حراسه اللمؤاااخذة
وكدا
المهم ان الست ام عباس مش هيهون عليها
وبعد موته بفترة وهدوء العيلة واستقرار الحكم لسعيد
ثم من بعده اسماعيل
هتقرر تبنى سبيل لأبنها المقتول
والصراحة الخديوى اسماعيل طوله عمره اخلاق
ورغم ان عباس قرفه ف عيشته الا انه ابن اصول
وهيبعت يجيب خطاط شهير من تركيا مخصوص
عشان يشتغل ع التحفة الفنية دى
ويخلصها كأبهى ما يكون سنة 1867
وتقبع ف مكانها الخالد ف شارع الصليبة
والرايح والجاى يشرب منها
ويدعى لصاحبها
وطبعا التحفة دى اهملت كثيرا زى غيرها
لحد ما تم ترميمها والحمدلله من فترة
لكن رجعت ريما .. لأهمالها القديمة
وحاليا دا حالها .. ولا تعليق
السبيل الحريمى الرابع والاخيييير
عشان طولت عليكم
#معلش
يبقى سبيل أم الامير محمد على
والمعروف خطا بسبيل اولاد عنان ... ف رمسيس
واللى بنى السبيل دا واحدة ست برضو
من أسرة محمد على
احدى زوجاته واسمها .. زيبا قادن
الست زيبا الظاهر كانت مفضلة عند محمد على
قوم لما ولدتله ولد راح مسميه محمد على الصغير
#يوغتى
الواد دا عاش لحد امتى؟
بيقولوا عاش لحد التلاتين وبعده ربنا افتكره
فالست قعدت حزينة عليه
وقررت تبنى سبيل عشانه الظاهر كانت الموضة
دى خلاص انتشرت بين العيلة ولاّ ايه ؟!!
الصراحة احنا أصول نتشكرلها
عشان البناء البديع دا قعد سنيييين يقوم بدروه
لحد ما قرروا يدخلوا المية البيوت
واتعاقدوا مع كوبانية الميه
ولا بقى فيه سقا زى الأول ولا مشكلة ف حق المية
والسبيل اللى اتبنى تقريبا 1890 بيغلطوا ف اسمه كتير
معرفش ليه
شوية يقولوا سبيل الوالدة باشا
وشوية يقولوا سبيل اولاد عنان
وكل دا غلط
تسميته بسبيل اولاد عنان مفهوم عشان كان فيه مسجد
بهذا الأسم مكان مسجد الفتح حاليا
والسبيل كان قصاده فخد اسمه سهوا .. ماشى
انما سبيل الوالدة باشا ليه ؟
ومحدش اخد اللقب دا غير أم الخديوى اسماعيل وفقط
الست زيبا مش الوالدة باشا
قصره طبعا السبيل ف مصر
وطالما ف مصر يبقى لازم يتبهدل زى اخواته
ولاّ ملوش نٍفس؟
السبيل اتعرض لسرقة احد شبابيكه سنة 2010
وبالتحقيق عرف الآتى
ان السبيل أغلق وتحول متفهموش ازاى
لمخزن تابع لأحدى المؤسسات الحكومية
ويبدو انه بعد الثورة كان فيه تعمد واضح
لتشويه أى حاجة تشيل اسم الملكية ورجالها
والسبيل تم اهماله لحد ما حالته بقت عيضة
وتتخزن فيه شيشياء
وبعدين قالوا نرممه فالأثار استهبلت
وقالت مفيش فلوس
بس وجاتله منحة او ما شابه فبدأت عملية الترميم
واثنائها .. عملية السرقة تمت !
ازاى حصل ف وسط منطقة حيوية ومبتنمش يا غجر !
دا ميدان رمسيس اللى صاحى 24 ساعة
ثم ان الشباك اللى سرقوه عشان يبيعوه خردة
بيقولوا ان وزنه ف حدود 605 كيلو
ومعرفش الرقم صح ولا مبالغ فيه
بس أى كان أتفك واتشال ومشيوا بيه ازاى ؟
القصد .. سبيل أم الامير محمد على حاليا
حاله عدم
لأنه مبقاش مخزن ولا حاجة بس كمان ..
الأخوة الباعة المتجولين حولوله لفاترينة
للانجيرى وجلاليب العيال والشباشب
ولا عزاء للأثار والبلدية وتحيا مصر قوى
وانا تقريبا خلصت
لكن لازم أقول ان الأسبلة ف مصر حاجة .. مبهرة
رغم كل ما ألم بيها من اهانة واهمال
واللى حكيته جنب اللى متحكاش كتيييييير
كل سبيل تقريبا كان تحفة معمارية لا تتكرر
فيها شخصية صانعها وزمانها
ويمكن لإنها اتعملت بمحبة وللخير
فالروح دى اتنقلت م الانسان .. للحجر
واثناء الدعبسة عشان الحكاية دى اكتسفت حاجة
فاكرين صورة السبيل بتاع العباسية
اللى احتسنا فيها وقولنا منعرفش صاحبه
وانا بدور لقيت صورة بتقول ان اسمه
سبيل مصطفى باشا
حاولت اعرف مين الراجل دا فشلت
بس أهو احسن من مفيش يعنى
:)
وبيقولوا ان فكرة السبيل دى
عجبت الاجانب قوى
لما احتلوا مصر
وكان فيه ف بورسعيد سبيل فيكتوريا
حلو قوى
بس ييجى ف أسبلتنا فين ؟
ويعرف سبيلكو يبقى حلو زى سبيلنا
واخيرا .. صحيح دلوقتى فيه كولدير
وتلاجات ف الشوارع والشكل اختلف تماماااا
عن زمان
لكن يكفينا ان السبيل مهما كان منظره وهيئته
هيفضل دايما شكل من أشكال الرحمة
اللى كنا رغم كل شىء بيحصل ف مصر
من أهلها
ولعلها تفضل دايما علطول ف القلوب #الرحمة
وفكرة ان حد يبنى ويكلف ويصرف
ويفكر ف ناس ميعرفهموش هييجوا بعدين
بعشرات ومئات يوميا
ويروا عطشهم ويدعوله بظهر الغيب
مفيش أجمل منها .. فعلا عشان تكون ... سبيل للرحمة
وتوتة توتة
#دوس ع الصور الصغيرة للتكبير
والفرجة على أدق التفاصيل ...
تصبحوا على خير
مكلف ماديا
مش بس فترة انشائه
لأ بعدها كمان
لأن السبيل عاوز صيانة وفلوس المية واجر المزملاتى
فعادة ما كان بيبنى الأسبلة رجالة
سلاطين او امراء أغنيا بقى وفلوسهم كتير
وبيوقفوا اراضى للصرف من ريعها ع الأسبلة
لكن دخول النساء على الخط
كان ملفت وملهم الصراحة
ويستحق الانتباه
ونبدأ باول أسم
سبيل رقية دودو
وهذا السبيل انا حزينة عليه
ولما آل اليه من اهمال وبشاعات
بعد ما كان تحفة بس نحكى الاول حكايته
رقية دودو اسمها عجيب فعلا
وف احدى المقالات لما صحفى سأل السكان ف الحى عنها
قالوله دى كانت رقاصة
وربنا تاب عليها فعملت سبيل لله وكدا !!!
لكن الحقيقة ان صاحبة السبيل الشهير
فى شارع سوق السلاح قرب القلعة
رقية دودو كانت بنت احد الأمراء ف العصر العثمانى
واسمه رضوان الجلفى
الراجل دا كانله شنة ورنة ومكانة مرموقة
وجه ف فترة تاريخية مهببة اثر مقتل على بك الكبير
والصراع بين امرائه
لحد ما كسب ابو الدهب الخاين
رضوان كان غنى جدا
وبيقولوا ان هوه اللى بنى باب العزب اللى ف القلعة
المهممم ..
الراجل حاول يلعب دور حمامة السلام
وف يوم ازرق طلع القلعة
يحاول يصلح ما بين الامرا وبعضشيهم
ويلم التعابين
الشوباب اخدوه على قد عقله وعملوا متصالحين
فسابهم وهوه مش واخد خوانة
وروح على بيته ..
اللى كان ف الازبكية على ما أذكر ان لم تخنى الذاكرة
المهم دخل بيته وقالهم هاتولى الحلاق
وجه الحلاق يحلقله
مفيش دقيقة وسمع دوشة
وصوت طلقات رصاص
وثوانى وحتة من سقف البيت وقعت فوق نافوخهم
طبعا فهم ان الأمراء المنافسين خانوه
وبسرعة جاب سلاحه وهرب ع الأسطبل وركب حصانه
واثناء هروبه اخد رصاصه ف رجله
وافتكر انه خلاص كدا ميت لا محالة
وبيبص وراه ملقاش حد بيطارده
المهم اتشاهد وقال يا فكيك وهرب ع الصعيد
لكن الإصابة حصلها مضاعفات
وعلى ما قعد عند احد القبائل هناك ومرضوه
مات البائس
ومفيش داعى اقولكم بقى ع الامير
زماااان لما بيموت كان بيجرى ايه ؟؟؟
الحقيقة امرا المماليك والعثمانلية كان حاجة فًللى قوى
اللى يموت منهم ييجى بداله
اللى يورث وظيفته وارضه وفلوسه
وكمان مراته وجواريه #وساخة
قصره .. الست مرات رضوان الجلفى
ارملته بقى بمعنى ادق أتجوزها أمير تانى
بجملة اللى ورثه بقى من منصب وارض وخلافه
كان اسمها ايه الست دى ؟
أرملة رضوان كان اسمها .. بدوية بنت شاهين
والست كان عندها بنت اسمها رقية دودو
والظاهر رقية ماتت صغننة
فالام قررت تعملها سبيل عشان الثواب
والسبيل من كتر جماله كان الرسامين الاجانب
حريصين على تخليده ف لوحاتهم عن مصر
واشتهر بأسم سبيل البدوية
المحزن بقى ان هذا البناء الجميل
اللى صمد لعوادى الزمن من سنة 1716
هييجى ف زمن مبارك الاغبر
وتنسرق احدى شبابيكه الحديد الى هيا تحفة لوحدها
والناس هتصحى على احد السكان بيزعق ف الشارع
الصبح بدرى وماسك ف واحد
كان فاكك وماسك الشباك الحديد بتاع السبيل وبيهرب
راح الجار عامل زفة وجابله البوليس..
حلو ؟
لأ مش حلو
عشان بعد البوليس ما ييجى
وتتبلغ هيئة الأثار والسياحة
كل واحدة هترمى ع التانية المسئولية
وبعدين ينتهى الموضوع بإن محدش غلطان !
مش بس كدا دول هيقرروا يبنوا حيطة
لمنع الحرامية وهيقفلوا الشباك الحديد بطوب أحمر .. !
ليه كدا يا جماعة طيب ؟؟؟
قالك أصل لو رجعنا الشباك الحديد تانى
هيتسرق
انما الطوب الاحمر يمنع الحرامية كمان من سرقة الحليات
اللى جوا السبيل واللى اتسرق بعضها فعلا !
أحلااااوة .. يعنى دا اخركم
وبدل ما تعملوا حراسة او غفير بشلن ع المطرح
تبنوا عليه طوب وتأذوه وتخلوه بالمنظر دا .. ؟! #يشفى_الكلاب_ويضركم_يابعدا
الله يرحمها بقى الست بدوية
الحمدلله انها ماتت قبل ما تشوف اللى اتعمل
ف سبيل بنتها
القصد السبيل التالى ..
لأحدى الحريمات الجميلات برضو
سبيل نفيسة البيضا
والست دى حكايتها معروفة
اللى عملتها ليلى علوى ف مسلسل"نابليون والمحروسة"
للى شافه يعنى
واختصارا لمن لا يعرفها .. الست نفيسة البيضا
او نفيسة المرادية كما اشتهرت بعدين
كانت متجوزة على بك الكبير شيخ البلد
وحاكم مصر .. حلو
قوم ابو الدهب مملوك على بك الكبير ودراعه اليمين
طمع ف المشيخة وقرر يغدر بسيده
فقتله متضامنا مع مملوكين كمان
هما مراد بك وابراهيم بك ونفر تالت
مراد الوغد .. الندل .. العرة .. وفيه كل العبر
وافق على الخيانة مشترطا شرط واحد بس
هوه انه لما يموت على بك الكبير
يتجوز هوه ارملته .. نفيسة
اكمنها كانت جميلة وذكية ونبيهة وكمان اخلاقها عالية
الوغد طمع فيها واتجوزها بعد مقتل الحاج على
واخدت لقبه وبقت نفيسة المرادية نسبة .. لأمه
والست لأياديها البيضاء على الفقرا والغلابة والأيتام
سميت البيضا
وكمان لفضلها على المماليك لقبت بأم المماليك
وحضرت ايام دخول الحملة الفرنسية مصر
وشافت اهوال وكانت جزء من المقاومة ضد المحتل
وف نفس الوقت عملت علاقات دبلوماسية معاهم
والمهم عدوا التلات سنين نكد
وجه محمد على افندى اللى هيوريها البدع
والست اللى وقفت وصمدت قصاد امرا عثمانلية
وقصاد الفرنساوية
هتيجى عند محمد على وتتبهدل بهدلة السنين
ويحجر على ممتلكاتها حتة حتة .. لحد ما تفتقر
وتعانى مع الشعب من قهر الوالى الجديد
وتموت حزينة منسية
والبركة ف وش الغراب .. محمد على
المهم ان السبيل والحمدلله عاش
وشال اسمها وردلها جزء من جميلها وجمالها
والسبيل دا يا عيال رغم انه محندق كدا
ويبدو عادى لكن فيه جمال المتخصصين يحكوا عنه
احسن منى
لكن لما مرة مشيت جنبه وشفته عن قرب
لقتنى بعشق شباكه تحديدا .. بشكل رهيب
وبيقولوا انه من فوق عليه نقشة لثدى امراءة
وكان اللى صممه يقصد بيه تعظيم لدور الام
وفكرة العطاء وكدا
شوف الناس زمان ازاى مكنش عندهم عقد
ولا كلاكيع زى دلوقتى ..!
وإياك الشباك دا كمان ينسرق بقى هوه روخر
#جرررررر
قولنا سبيل رقية دودو
سبيل نفيسة البيضا
السبيل الحريمى التالت .. هوه سبيل أم عباس
يخربيت ام الجمال يعنى
وأم عباس تبقى بنبا او بمبة قادن
مرات الأخ طوسون ابن محمد على
اللى مات ف الحجاز #فاكرينه
اذا فجأتن ابنها عباس بقى الوريث بعد موت ابراهيم
وبعدين انتوا عارفين بقى القصة
عباس كان نفرى وكئيب ومزعج وفيه كل العبر
ونكد ع اللى حواليه لحد ما قتلوه بمؤامرة عائلية
وطبعا فيه اقوال بتقول انه مات محموم وعيان
لكن الروايات الاكثر تواترا وثقة
انه انقتل ف قصره ف بنها على ايد حراسه اللمؤاااخذة
وكدا
المهم ان الست ام عباس مش هيهون عليها
وبعد موته بفترة وهدوء العيلة واستقرار الحكم لسعيد
ثم من بعده اسماعيل
هتقرر تبنى سبيل لأبنها المقتول
والصراحة الخديوى اسماعيل طوله عمره اخلاق
ورغم ان عباس قرفه ف عيشته الا انه ابن اصول
وهيبعت يجيب خطاط شهير من تركيا مخصوص
عشان يشتغل ع التحفة الفنية دى
ويخلصها كأبهى ما يكون سنة 1867
وتقبع ف مكانها الخالد ف شارع الصليبة
والرايح والجاى يشرب منها
ويدعى لصاحبها
وطبعا التحفة دى اهملت كثيرا زى غيرها
لحد ما تم ترميمها والحمدلله من فترة
لكن رجعت ريما .. لأهمالها القديمة
وحاليا دا حالها .. ولا تعليق
السبيل الحريمى الرابع والاخيييير
عشان طولت عليكم
#معلش
يبقى سبيل أم الامير محمد على
والمعروف خطا بسبيل اولاد عنان ... ف رمسيس
واللى بنى السبيل دا واحدة ست برضو
من أسرة محمد على
احدى زوجاته واسمها .. زيبا قادن
الست زيبا الظاهر كانت مفضلة عند محمد على
قوم لما ولدتله ولد راح مسميه محمد على الصغير
#يوغتى
الواد دا عاش لحد امتى؟
بيقولوا عاش لحد التلاتين وبعده ربنا افتكره
فالست قعدت حزينة عليه
وقررت تبنى سبيل عشانه الظاهر كانت الموضة
دى خلاص انتشرت بين العيلة ولاّ ايه ؟!!
الصراحة احنا أصول نتشكرلها
عشان البناء البديع دا قعد سنيييين يقوم بدروه
لحد ما قرروا يدخلوا المية البيوت
واتعاقدوا مع كوبانية الميه
ولا بقى فيه سقا زى الأول ولا مشكلة ف حق المية
والسبيل اللى اتبنى تقريبا 1890 بيغلطوا ف اسمه كتير
معرفش ليه
شوية يقولوا سبيل الوالدة باشا
وشوية يقولوا سبيل اولاد عنان
وكل دا غلط
تسميته بسبيل اولاد عنان مفهوم عشان كان فيه مسجد
بهذا الأسم مكان مسجد الفتح حاليا
والسبيل كان قصاده فخد اسمه سهوا .. ماشى
انما سبيل الوالدة باشا ليه ؟
ومحدش اخد اللقب دا غير أم الخديوى اسماعيل وفقط
الست زيبا مش الوالدة باشا
قصره طبعا السبيل ف مصر
وطالما ف مصر يبقى لازم يتبهدل زى اخواته
ولاّ ملوش نٍفس؟
السبيل اتعرض لسرقة احد شبابيكه سنة 2010
وبالتحقيق عرف الآتى
ان السبيل أغلق وتحول متفهموش ازاى
لمخزن تابع لأحدى المؤسسات الحكومية
ويبدو انه بعد الثورة كان فيه تعمد واضح
لتشويه أى حاجة تشيل اسم الملكية ورجالها
والسبيل تم اهماله لحد ما حالته بقت عيضة
وتتخزن فيه شيشياء
وبعدين قالوا نرممه فالأثار استهبلت
وقالت مفيش فلوس
بس وجاتله منحة او ما شابه فبدأت عملية الترميم
واثنائها .. عملية السرقة تمت !
ازاى حصل ف وسط منطقة حيوية ومبتنمش يا غجر !
دا ميدان رمسيس اللى صاحى 24 ساعة
ثم ان الشباك اللى سرقوه عشان يبيعوه خردة
بيقولوا ان وزنه ف حدود 605 كيلو
ومعرفش الرقم صح ولا مبالغ فيه
بس أى كان أتفك واتشال ومشيوا بيه ازاى ؟
القصد .. سبيل أم الامير محمد على حاليا
حاله عدم
لأنه مبقاش مخزن ولا حاجة بس كمان ..
الأخوة الباعة المتجولين حولوله لفاترينة
للانجيرى وجلاليب العيال والشباشب
ولا عزاء للأثار والبلدية وتحيا مصر قوى
وانا تقريبا خلصت
لكن لازم أقول ان الأسبلة ف مصر حاجة .. مبهرة
رغم كل ما ألم بيها من اهانة واهمال
واللى حكيته جنب اللى متحكاش كتيييييير
كل سبيل تقريبا كان تحفة معمارية لا تتكرر
فيها شخصية صانعها وزمانها
ويمكن لإنها اتعملت بمحبة وللخير
فالروح دى اتنقلت م الانسان .. للحجر
واثناء الدعبسة عشان الحكاية دى اكتسفت حاجة
فاكرين صورة السبيل بتاع العباسية
اللى احتسنا فيها وقولنا منعرفش صاحبه
وانا بدور لقيت صورة بتقول ان اسمه
سبيل مصطفى باشا
حاولت اعرف مين الراجل دا فشلت
بس أهو احسن من مفيش يعنى
:)
وبيقولوا ان فكرة السبيل دى
عجبت الاجانب قوى
لما احتلوا مصر
وكان فيه ف بورسعيد سبيل فيكتوريا
حلو قوى
بس ييجى ف أسبلتنا فين ؟
ويعرف سبيلكو يبقى حلو زى سبيلنا
زى ما سبيلنا كان احلى من سيبلكو .. ؟
وتلاجات ف الشوارع والشكل اختلف تماماااا
عن زمان
لكن يكفينا ان السبيل مهما كان منظره وهيئته
هيفضل دايما شكل من أشكال الرحمة
اللى كنا رغم كل شىء بيحصل ف مصر
من أهلها
ولعلها تفضل دايما علطول ف القلوب #الرحمة
وفكرة ان حد يبنى ويكلف ويصرف
ويفكر ف ناس ميعرفهموش هييجوا بعدين
بعشرات ومئات يوميا
ويروا عطشهم ويدعوله بظهر الغيب
مفيش أجمل منها .. فعلا عشان تكون ... سبيل للرحمة
وتوتة توتة
#دوس ع الصور الصغيرة للتكبير
والفرجة على أدق التفاصيل ...
تصبحوا على خير
---------------------------------
Maher @ArchMaher
Sabil Ruqayya dudu 1761
http://t.co/cIU2CcX0vD
m. hasan @tantalos2
من الـوكالة الأمريكية للتنمية الدولية
ومن مركز البحوث الأمريكي بمصر
sally soliman @sasosall
عنده قصر فى الخياميه ووكاله هناك
Cindy @CindyJanabi
ياسبحان الله ماتغيرنا بعدهم حكامنا يقتلون ويذبحون
ويرحون يحجون ويتصدقون
بجاحة هاز نو اند
Cindy @CindyJanabi
اذا كان السبيل شكله كده امال القصور والبيوت الفخم
كانت عاملة ايه من برة ومن جوه
farida @faridaallam
يالهوى حتى دى سرقوها هما فاكرينها سبيل
اذا كان السبيل شكله كده امال القصور والبيوت الفخم
كانت عاملة ايه من برة ومن جوه
farida @faridaallam
يالهوى حتى دى سرقوها هما فاكرينها سبيل
إحـــكى يا شهـــرزاد @ro7albmama2
@faridaallam ههههههههههههههه ..
تصدقى قلشة ف محلها فعلا
:))))
@faridaallam ههههههههههههههه ..
تصدقى قلشة ف محلها فعلا
:))))
محمد عبدالعال @muhamadabdelaal
مش بس الأسبلة لشرب البشر
ده كان فيه قنوات لشرب الدواب والقطط والكلاب
وكان هنا عمال مسئولون عن تنظيفها يوميا
أنشأ السبيل مصطفى باشا الخازندار عام 1888. أما مصطفى الخازندار فقد كان خازندار (أي أمين خزنة) الوالي عباس باشا الأول. للأسف تم هدم السبيل عام 1950، وفي مكانه تم بناء عمارةمن ثلاثة ادوار وان كنت ارى انه تم تدويرها (اى زادوا على السبيل دور اخر وغيروا فى اجزاء منه
ردحذفلو حضرتك عايزة تكسبى ثواب وتملى قفة لحد ودنها حسنات تكتبيلنا اخر موضوعاتك الجميلة بعض المصادر اللى تعبتى نفسك وجمعتى منها المعلومات وعملتى لنا حكاياتك الرائعة -علشان الغلابة محبى التاريخ والاثار
ردحذفhttps://www.facebook.com/groups/1458396657773390/
حذف