الأول
أوعى وشك
الشبشب رايح لصاحب نصيبه
ثم ثانيا ... أقول ... العواف عليكم
التدوينة دى اسمحولى هتكون أنانية بحتة
أول مرة أكتب حاجة زيها
وأول مرة أصلاااا أجرب الحكاية دى
ان حد يلطش منى كلام
وينشره بأسمه
وأحكيلكم بالتفصيل الممل
عشان الموضوع مسلى
ويستحق انه ينحكى الصراحة
ويستحق انه ينحكى الصراحة
لأنه وإذ انى بدور كعادتى
على مادة وصور للحكايات الجديدة
فألاقيلكم ايه ... ؟!
الأخت الفاضلة المسماة
Koky adel
كوكى عادل .. مالها بقى ؟
الأخت الظاهر عجبتها مدونة
وأنتأثرت يا عينى
وزى ما تقولوا كدا جالها حالة تلباثى
قوم ايه
بالصدفة اثناء بحثى
وزى ما تقولوا كدا جالها حالة تلباثى
قوم ايه
بالصدفة اثناء بحثى
لمحت عندها بوست عنوانه
شبه عنوان بوست عندى
اسمه .. "شيكوريل انقتل يا رجالة"
أوشكت أظلمها
بس قولت لروحى طب
اذ ربما التلباثى واخد وضعه قوى
ويمكن فعلا يكون توارد خواطر ولا حاجة
بس قولت لروحى طب
اذ ربما التلباثى واخد وضعه قوى
ويمكن فعلا يكون توارد خواطر ولا حاجة
أتظلميهااااش ..
فدخلت أشوف
فدخلت أشوف
وإذ الاقيه مش كدا خااالص
يعنى هيبقى توارد الخواطر
ف العنوان
والنص والصورة والتعبيرات والفونط
والمط ف الحروف وكل حاجة .. !!
كدا توارد واختها خواطر
هيشكروا لما هيجيلهم لحمية
والست كوكى حقاااا .. عداها العيب
مسبتش حاجة مخدتهاش
طبعا انا تنحت شوية
وقولت معلش يا طمطم
أتظلميهااااش
أتظلميهااااش
بصى يمكن اكيد هتلاقيها
كاتبة آخر البوست انه #منقول
لازم .. اكيد .. يعنى
مش معقول دى شيكلها بنت ناس
وشعرها أصفريكا
وعايشة ف امريكا
وعايشة ف امريكا
واسمها كوكى
فيه واحدة اسمها كوكى تبقى حرامياية برضو
حتى يبقى عار .. وعيب ع الكار !
حتى يبقى عار .. وعيب ع الكار !
متاخديش ف وشك وتتعصبى
وتخشى تبعترى كرامة ام اللى جابوها
قبل ما تتأكدى
وأتظليمهاااااش
وأتظليمهاااااش
بس وببصلكم يا خويا
ف آخر سطر وإيه رأيكم
بفتح السمكة ملقتش الخاتم .. !!
هتقولولى معلش
معلش يا طمطومة العيلة صغار
طايشة وتربية امريكانى
ومتفهماش ف عوايدنا
طايشة وتربية امريكانى
ومتفهماش ف عوايدنا
ايه .. قصة عجبتها ولطشتها
فوتيلها فارغة ومجراش حاجة
متعمليش فيلم
بس مقدرتش ... !
أصله لو كان بوست ولا اتنين
حكاية ولا حكايتين .. كنت عديتها
انما دنا بالتدوير ف مدونتها
اكتشفت انها عاملة سطو مسلح
على اكتر من "25" حكاية من عندى
آه آحياة ابويا الله يرحمه
زمبقولكم كدا خمسِن وعشون كصة ويزيد
فوق الــ 25 حكاية
وكلهم مسروقين بعناوينهم
والنص والصور والتعبيراتوالفونط وكله
وأظن كدا مفيهاش أى لبس
ولا فيهاش أى .. أتظلميهاااااااش
حقيقى .. بقالى 40 سنة ف الدنيا دى
ولسه مبقدرش افهم الناس
يعنى العالم اللى بتسرق غيرها دى
أقدر أتفهم انهم يسرقوا اشياء مادية
لكن الكلام ..
ليه وازاى وعشان ايه !؟
هيجرالك ايه لما تكتب حاجة
وتقول ف النهاية انك ناقلها عن حد
هتنقص حتة مثلااا ؟
هيفتكروك قلِة وقُلة وهزوء
ومبتعرفش لامؤاخذة ؟!!
ومبتعرفش لامؤاخذة ؟!!
ايه العيب ف انك قارىء جيد
ومش لازم بالضرورة تبقى كاتب جيد
ويعنى مش معنى انى حطيت
ف مدونتى الجملة دى
يبقى قصدى موافقة
ان يتلطش منها بالحرف والفونط ؟!
كان قصدى انى مش بألف احداث وتواريخ
لكن قريت نوعا ما ... عن الحكاية
فقررت احكيها بطريقتى وأسلوبى
واما الصور فالواضح طبعا
انها مش تصويرى
ومش محتاجة أقول انها لأصحابها
الملخص ...
لما بنقل حرف عن كتاب ..
بقول المصدر ومبنكسفش خالص
ومبعملش نفسى المقريزى .. عادى !
لما بنقل حرف عن كتاب ..
بقول المصدر ومبنكسفش خالص
ومبعملش نفسى المقريزى .. عادى !
وبرضو مفهمش ازاى حد ممكن ينقل
عنى روحى واسلوبى
ويتصور انه كدا مش مفضوح لغيره
يعنى اصحاب الست كوكى
مصدقين ان هيا اللى بتكتب .. ؟!!
مستوعبين كدا .. ؟!!
وهيا مصدقة روحها
و متصورة ان الباقيين مش هارشينها
ويا ترى قابلة الدنيا المزيفة دى ازاى .. ؟!
و متصورة ان الباقيين مش هارشينها
ويا ترى قابلة الدنيا المزيفة دى ازاى .. ؟!
مش عارفة الصراحة
والحق لازم يتقال .. البت تعبت
بذلت بعضا من المجهود
أخر حكاية غيرت ف مطرح قصة عن قصة
وغيرت ف بعض العناوين
يعنى "الحكايات" .. خلتها حكاوى
واختارت عناوين مختلفة لبعض الحكايات
مسكينة ...
كان الله ف عونها
كان الله ف عونها
بتتعب خالث
وانا بنتهز الفرصة العظيمة دى
عشان اعتذرلها
اكمن عناوين البوستات الأصلية
مجتش على ذوقها وتكون مش قد المقام
وضايقتها ولاّ حاجة فأنضطرت تتعذب وتغيرها
احنا مستأسفين ع الغلطة دى
واوعدك اشوفلها حل ضرورى !
كنت هطنش المسألة تماما
وأكبر دماغى
وفكرت اسيبلها تعليق
أجيب فيه سيرة العيلة الكريمة
على سبيل التعارف مش اكتر
... انما الأوزأزة عاملة ناصحة
وعاملة ع التعليقات إشراف
فدورت على ايميلها
وبعتلها بكل ذوق والنيعمة
وطلبت منها تشيل حكاياتى من عندها
لكن مردتش واستعبطت
وكملت نهب منظم وممنهج
وشهر ديسمبر عندها عمران بالسرقات
وحاجة فُل الفُل حقيقتن
وطبعا التدوين مش زى توتير والفيس
ريبورت وسبام والافلام دى للأسف
بس قررت انى مش هسكت
وأشيل ف نفسوياتى
وتقولولى هتعملى ايه تانى يا طمطم
أقولكم ...
احنا اصلا عايشين ف بلد
مفيهاش حقوق ملكية انسانية
مش بس الفكرية
وعارفة انى مش هاخد حق ولا باطل
وأصلا انا بحكى الحكايات
عشان أبسطكم وأفيدكم
وكمان عشان استفيد وأنبسط معاكم
وفعلا مش فارقة معايا السرقة
قد ما فارق معايا .. البجاحــــة
والله اعلم هيا بنت ولاّ كدب
وطبعا كل محتوى المدونة كدب
والصورة كدب
والأسم كدب
وكله كدب × كدب
بس الكدب ... بغباااااااء
وبقول غباء لأنها وقعت ف ملعب واحدة
شغلتها ف الأساس التدوير والبحث
يعنى ببساطة اختكم
هرشت الحركة دى
ف اقل من اسبوعين
ومش اللى يسرق طيب يتنصح شوية .. !
قصره ..
انا عملت اللى أقدر عليه
من وحى تاريخ مصر البهية
و زى ما كانوا بيعملوا زماااان
لحرامية الغسيل وخلافه
ادينى جرستها
هنا ف روح قلب ماما
وف مدونة أحكى يا شهرزاد
وتويتر
والتجريسة دى تكفينى حاليا
اهو تأريخ للسريقة .. زى محضر اثبات حالة
واهو بابا نويل حابب يهادينى ف أول السنة
ويهزر معايا.. بس هزاره طلع تقيل شوية
لكن اللى عاوز يعملى خدمة
دا حسابها ع الفيس
اللى يقدر ممكن يسيبلها لينك البوست
وتبلغوها ان فاتيما بتقولك ...
عيب عليكى
دنتى كاتبة ف تدوينة عندك
(هتطلع مسروقة غالبا)
الجملة دى
وكان المفروض تكملى الجملة
بــ .. قررت أعيش
وأسرق
وقولولها كمان فاتيما بتسالك
مخدتيش قلب مدونة شهرزاد ليه
... بالمرة
حتى هوه
احلى من قالب مدونتك الكئيبة
آه ...
وناوية تلطشى حكايات تانى
و لا استكفيتى يا حاجة ؟!!
ولو ناوية هتاخديهم ببلاش ولا غصب
و لما تلطشيهم
هتاخديهم برضو زى ما هما بعبلهم
ولا هتغيرى حبة
عشان يبقى معرفناكيش احنا كدا ؟!
آه
كمان سؤال اخير
هل تحبى آجى آسيقلك المدونة
بحكايات جديدة كل اتنين وجيمعة
ولاّ بلاش ونخليها وسخة ومهببة
زى ما هيا كدا
واهو تفضل شبه صاحبتها أحسن ؟!!
واهو تفضل شبه صاحبتها أحسن ؟!!
واخيرا
بعتذر لقراء مدوناتى عن التدوينة
ولهجتها السخيفة
مش انتوا المقصودين
مش انتوا المقصودين
والمقصود المخلوق الكوكى
وسورى يا درلينج لو كنت
جرحت مشاعيرك الركيكة وقلت أدبى
جرحت مشاعيرك الركيكة وقلت أدبى
بس لو مش هاخد حقى عدل
اخده ع الأقل
شتيمة
شتيمة
ريلى أم اوفلى سورى
نهايته
.....
.....
تعيشى وتسرقى
-------------------------------
الرتوش البسيطة اثناء الحكي لها سحر
لن يفهمه ابدا من لم يضطروا
الي سرقة حنان الاخرين
إيمان مرسال
---------------------------------------
