مصــر فى صـــور .... 8

مساء الخير 
كمان شوية حبة صور 
نقاوة شهرزادية وحياة عينيا

ودوس ع الصور تشوف تفاصيلها اكتر 

مبنى المتحف المصرى - ميدان التحرير 

يا مسافر على شط النيل

طريق الاهرام اللى رصفه الخديوى اسماعيل
لأوجينى امبراطورة فرنسا
وغرسه بالشجر اللى نقله مخصوص من جناين شبرا

محلات الصرافة بتاعت زمان
 :)

القنال ... بورسعيد



tarek momen ‏@tarekmomeno
الكنال :)
 قرايبي من بورسعيد بينطقوها كده
 بس بحرف الكاف بدلا من حرف القاف


 بحب اندهها كدا على فكرة
 يمكن لأن بابا من اسماعيلية 
وكنت بسمعهم هناك دايما يقولها كدا :) 
وهى الادق لغويا وسكان خط القناة 
اتعلموا نطقها الصحيح من الاجانب اللى كانوا هناك زمااان 

صورة عوائلية لسعد باشا زغلول
واخوه فتحى (الوغد وكيل النيابة ف حادثة دنشواى)
ومعاهم صفيه زغلول وابوها واخواتها البنات

يا لهوى عالشياكة مش دلوقتى دهنوا المجمع
 وبرضو شكله عفش 

والميدان كله يقرف الكلب الحزين
 #الذوق محدش بيشتريه فعلا

حتة تانية من التحرير دهنوا الفندق دا
 والمفروض جددوه
وبرضو شكله اخر قرف ولا واحد على مية
 من منظره زمان

النيل جنب الاهرامات 
ورومانسية السنين والله 
 

بركة الأزبكية وقت الفيضان
 والقصور المقامة على ضفافها - من كتاب وصف مصر

بياعة الفراخ والنبى تبصوا ع الديك الرومى
وحجمه وتنبهروا
نافش ريشه نافش ريشه يعنى بحق ربنا
 هاحييييح #ايام_العز


13 @sa3deaselim

 يا جماله وهو في الفرن ومعاه ورق عنب ...هييييييييييييييييحححححححححححححح

: 08Heba ‏@HappyGeddan 

 يا جماله فوق الرز ابو خلطة

النساء فى بلادى ... زمااااان

 صلاح امين ‏@a7mdsale7  

 النساء فى بلادى ... زمااااان ”دي كانت نازلة كده ؟
 :)

 اها .. ف حقب زمنية مش بعيدة كانت البنات
 بتظهر النص الفوقانى عادى
 ومحدش كان عنده مشكلة وقتها 
والرحالة كانوا بيستعجبوا من كدا قوى 
لأن البنات كانت بتخبى وشها خجلا 
او تغطى راسها بطرحة بينما حتت تانية باينة !

وبعض الرجال برضو من بلادى .. زماااان

ما بين صورتين .... الملك فاروق

قالك معمل سجاير مصرية .. اسكندر ليفانوس 

وعديناها طب الشاب الفرعونى دا 

لابس عقال ليه يا حزومبل ؟!!

 

شارع قصر النيل ناصية شارع شريف يا عيال
 وقصاد الأيموبيليا 

بعدى عليه كل يوم وانقهر
دعونى انخرط ف عشر ساعات بكااااء

لأ .. اتفرجوا على ما آل اليه هذا المكان الآن
 عشان تتضامنوا وتعيطوا معايا
 هعيط لوحتشى انا ولا إيه مش أصول 


طابور العيش والحرية @HabiShehawi
 الصورة ع اليمين عايزك شريطة سودا
 زي كل حاجة ف البلد 

آسلام ع الخشوع والورع 
 معرفنكوش إحنا كدا .. !


 Yasser ʿAbd Allāh @Yasserigo الورع والقُدام


  ‏@a7mad_ZaghLOL 

 الورع والقُدام” القُدام و الجُداد

@Nour_Sherif 

 الشعراوي شكله شارب حشيش
 والسادات تقريبا نايم وبيسقط
 أما مبارك فـ هو واقف معاهم كدة.. مافيش خشوع أصلا! 

ف عالم موازى .. هسكن ف بيت كدا 



tarek momen ‏@tarekmomen  
 ممكن في شارع موازي


 نور ‏@Nour_Sherif 
 المشربيات
 :)



الصورتين الجايين فوق تمآشر ...
سعدية سليم @sa3deaselim
 يعني أغمض عيني يا ابله:)


 ههههههههههه لأ وديها الناحية التانية يا سوسو بس
 انتى شطورة وانا واثقة فيكى
 :-*




جو ألف نيلة ونيلة وكدا 

 طابور العيش والحرية ‏@HabiShehawi 

 آدي السلاطين ولا بلااااش

 soliman @sasosall
 لا دي رسوم مستشرقين لا يعول عليها

حد عارف و يقولنا الصورة دى
 بيعملوله فيها عملية ولا هوه بيعمل جلسة مساج وقلة أدب
 ولا الصورة ملعوب فيها ولا ايه ؟!


NovYasser ʿAbd Allāh @Yasserigo

 حد يرد غيري عشان ما باعرفش امسك نفسي
 :)


سعدية سليم @sa3deaselim
 هههههههههههههههههه سالي
 ممكن تجاوب وأمسك انت نفسك



 sally soliman @sasosall
 ههههههههههه لا دي سيكو سيكو
ايزيس كانت بتحيي اوزوريس
 عشان تخلف منه و دي من معبد ابيدوس
المشهد كله متصور لنا بالتفاصيل الممله 
على طول الجدار



 Novsaber eldeeb @eldeeb

 الدنيا اتغيرت قوي ده مساج الملوك زمان



 drdadoue @drdadoue
 دي جلسة بخور


خاص يا جماعة عرفنا ان الصورة المذكورة
كانت جلسة عائلية بين اتنين متجوزين
 وقاعدين مع الضاكتورة هبة قطب وكدا
 ملناااااش دعوة بيهم 

™الدبدوب ® @mazforever

 لوووووووووووول هب - تاق - طب

 sally soliman @sasosall
 حاضر على كل حال منظر ايزيس و اوزوريس
 في اعادة الاحياء و البعث و السيكوسيكو
 أمة لا اله الا الله شافتهم

 Heba @HappyGeddan

 دي لوحة ايزيس و نفتيس

 وهما بيعيدوا الحياه في اوزيريس

 ياسر وسالى قالولى يا هبة ولقد ُخدشت براءتى خلاص 

 #حدث_بالفعل

ميدان الرميلة - قصاد القلعة
بعد كدا بقى ميدان قراقول
 ثم حاليا ميدان صلاح الدين
 الرسمة من كتاب وصف مصر

حسن البنا بين مؤيديه بيلعب ف دماغهم بمفك




جوليو وروميت والمجهود الحربى

نفرتيتى ... #نقطة


™الدبدوب ® @mazforever
 سوسن بدر


hany wahba @gnosophil
 بنتها عنخسنامون اتجوزت ابوها واخوها و جدها
عيلة محترمة جدا

Cindy ‏@CindyJanabi

 صور جديدة لها امبارح

بصوا ع الحوالة دى يا عيال وشوفوا الأدب
 قالك "مرسلة من جناب "




عسكرى بوليس وولد


 Heba @HappyGeddan
 من زمان العسكري ليه نفس نظرة الشزر
و المواطن نفس نظرة المرعوب

التلاتة أحلى من بعض .. ! #اخراشى 



مجموعة الصورالجاية دى إتلونت
 وبحبها جداااا
كبروها يا عيال واستمتعوا ... 




كوبرى قصر النيل .... 1 



كوبرى قصر النيل .... 2

ف انتظار الزبون عشان يركب المواصلة التانية
الأكثر رواجا وقتها .. بعد المشى
 :)


 saber eldeeb @eldeeb03
 يوجد في متحف السكه الحديد اول رخصه لقياده حمار
 في شوارع القاهره من مائه وستون عاما

الناس زمان كانت غلابة قوى يا سيد


سعدية سليم @sa3deaselim
 ولحد دلوقتي يا أم سيد:)





المتسولون ... من صحن جامع عمرو بن العاص 





السقا 


 

سوق المواشى عند قصر النيل - الزمالك 

شاب م النوبة 





كاتبين انه "درويش" من أسيوط


 2Hany Zaky ‏@Hany_Zaky

 التلوين ممتاز
 أنا أعرف مجاذيب الخالق الناطق هو

الحاج رمسيس التانى ... الأقصر





محلاها عيشة الفلاااااح وكدا

بائس وحافى وحاله كرب اهو
 بس عاجبنى الحتة اللى مخبى فيها الواد
خايف م الحسد وكدا الظاهر !


 Heba @HappyGeddan
 دي لوحة رائعة فيها كل حاجة حنان الاب
 الام المستخبية
الاب اللي شايل هم العيال الغلب 
والنيل كانها بتوصف مصر

ف طريق سقارة 





قالك .. بدوى من اسكندرية
 مش دى المشكلة
المشكلة ف انه يخربيت ام دى ماسورة بندقية يعنى ... ؟!!

Ahmed Rageh ‏@Ahmed_Rageh101
 دي صغيرة


  كدا صغيرة !!!!



Ahmed Rageh @Ahmed_Rageh101
 شوفي دي وانت تعرفي انها صغيرة 

 دى صورة تهريج صح

 Ahmed Rageh @Ahmed_Rageh101
 لا مش تهريج وشوفي دي كمان






Ahmed Rageh ‏@Ahmed_Rageh101 
 طب قولي انت كده البندقية دي كان بيتصاد بيها ايه


 ايه .. اكيد بيجيبوا بيها مخلوق فضائى
 راكن مركبته فوق جبال الهيملايا .. !


Ahmed Rageh @Ahmed_Rageh101
 دي كان بيتصاد بيها بط حضرتك


@Ahmed_Rageh101
 والبط الغلبان عملهم ايه عشان يصطادوه
 ببندقية زى دى ؟!!
 #افترااااا
 يعنى عشان يستخبوا بيها جايز
 ليها هدف فنى ممكن استوعبه



 يا شيخ دا عقبال البلية ما تخرج م الممر دا 

تكون فطست وقالت مش ضاربة
 :)))


 ميرسى ع المعلومة بجد كنت فاكرة الصور دى مبالغات
 مكنتش اعرف ان ليها استخدام فعلا ف الواقع !


Ahmed Rageh ‏@Ahmed_Rageh101 
 العثمانيين كان عندهم بندقية زي دي بيحاربوا بيها



 العثمانيين دول اوغاد اصلا
واشاسا اشاسا كل حاجة عندهم مبالغ فيها 
وبتوع منظرة .. !

الجدع دا من قبيلة ف أسوان
مش عارفة انطق اسمها الصراحة
 اللى عارف ينوبه فينا ثواب
مكتوب انه ... " Bisharin Man"


الچنرال بيكاتشوالأول @General_Pikachu
 دي القبيلة بتاعة جيمي هود


 tarek momen @tarekmomen البشارة


سعدية سليم @sa3deaselim
 من البشارية

 yaser marzoq @yaser0
 اعتقد البشايرة


الچنرال بيكاتشوالأول @General_Pikachu
 البيشارية

بصدق ف صانع المعجزات ‏@maromaro6

 ده انا افتكرته ست

 COPTIC NATIONALISM @DioscorusBoles
they are called al Bashareen,
 a tribe found mainly in Sudan
  Bishareen are not Arabs
 but Bija tribe - they played havoc
 in Egypt in the past




العيال زماااان والولد اللى ملفوف حوالين رقبته منديل
 جوا المنديل محطوط حجاب عشان الحسد 






موسم حصاد سنة 1882
قصر الباشا باين من بعيد اهو
وشوية وتلاقوا فاتن حمامة معدية تاخد جدر البطاطا
 عشان يحصل اللى حصل





رايحين يبيعوا البصل 





مسجد ابن طولون - شيخ الجوامع المصرية 

Heba ‏@HappyGeddan 

 شبه الماذنه الملويه في سامراء بالعراق اهل اجدادي

 E ‏@lollita91 

مسجد أحمد بن طولون ..من تصويرى

تصبحوا على الف خير 

-------------------------