النهاردة حدوتة عن حدث
عمل قلبان
ف المجتمع المصرى ف بدايات القرن الماضى
ما بين مؤيدين قلة ومعارضين كثرة
عمل قلبان
ف المجتمع المصرى ف بدايات القرن الماضى
ما بين مؤيدين قلة ومعارضين كثرة
وحدوتة النهاردة تأتيكم برعاية
مساء الخير يا حاج أبو حنان
مساء الخير يا حاج أبو حنان
لأنها بتتكلم عن قصة حب تطورت لزيجة
كان ممكن تعدى والسلام زى الآف وملايين الزيجات
لكنها معدتش بالساهل
أبضضضضضضضن
كان ممكن تعدى والسلام زى الآف وملايين الزيجات
لكنها معدتش بالساهل
أبضضضضضضضن
قصة جواز الشيخ على يوسف وصفية السادات
يمكن كتير يعرفها لكن اللى ميعرفهاش
يقرى ويشوف العجب العجاب اللى خلى حافظ ابراهيم
يكتب قصيدة عن القضية ومن أبياتها يقول
فَما أَنتِ يا مِصرُ دارُ الأَديبِ
وَلا أَنتِ بِالبَلَدِ الطَيِّبِ
يمكن كتير يعرفها لكن اللى ميعرفهاش
يقرى ويشوف العجب العجاب اللى خلى حافظ ابراهيم
يكتب قصيدة عن القضية ومن أبياتها يقول
فَما أَنتِ يا مِصرُ دارُ الأَديبِ
وَلا أَنتِ بِالبَلَدِ الطَيِّبِ
والمصادر :
1)
مصر من نافذة التاريخ جمال بدوى
2)
الشيخ على يوسف وجريدة المؤيد - سليمان صالح
3)
تدوينة هل يخطىء الميزان - البصارة سالى سليمان
4)
مقال رثاء على يوسف - عبدالعزيز البشرى
5)
الصفحه الرسمية للشيخ علي باشا يوسف المؤيد
ع الفيس
ومقالات متنوعة ع النت ..
1)
مصر من نافذة التاريخ جمال بدوى
2)
الشيخ على يوسف وجريدة المؤيد - سليمان صالح
3)
تدوينة هل يخطىء الميزان - البصارة سالى سليمان
4)
مقال رثاء على يوسف - عبدالعزيز البشرى
5)
الصفحه الرسمية للشيخ علي باشا يوسف المؤيد
ع الفيس
ومقالات متنوعة ع النت ..
جمال بدوى بيقولنا ان الأهم من الحدوتة ظروفها
والخلفيات اللى خلتها تلعبك بالمنظر دا
لأن الموضوع تحول من حكاية جوازة معقدة
إلى ساحة حرب بين اطراف تنوعت اقدارهم ودرجاتهم
من أصغر راس لأكبر راس ف البلد
وهو الخديوى عباس حلمى التانى
وغريمه اللورد كرومر شخصياااااا
لأن الموضوع تحول من حكاية جوازة معقدة
إلى ساحة حرب بين اطراف تنوعت اقدارهم ودرجاتهم
من أصغر راس لأكبر راس ف البلد
وهو الخديوى عباس حلمى التانى
وغريمه اللورد كرومر شخصياااااا
والشيخ على ..
كما أعتاد الجميع على تلقيب
كل من يدرس بالازهر
ويتخرج منه
كان من أصول بسيطة
كما أعتاد الجميع على تلقيب
كل من يدرس بالازهر
ويتخرج منه
كان من أصول بسيطة
من قرية اسمها "بلصفورة" تابعة لمركز سوهاج
مديرية جرجا سابقاااا
كان فيها معهد أزهرى تخرج منه كاتبنا
ودفعه الطموح إلى استكمال المشوار فى القاهرة ام الدنيا
مديرية جرجا سابقاااا
كان فيها معهد أزهرى تخرج منه كاتبنا
ودفعه الطموح إلى استكمال المشوار فى القاهرة ام الدنيا
والشيخ على كان طموح .. وطموحه لصيق بالموهبة
اللى ربنا حباه بيها وهوه حرص على تنميتها البلاغة
والحضور والقدرة على الخطابة والكتابة
والاخذ بمسامع الناس كان فاكهة كل جلسة
وبما له من كاريزما ارتفع قدره ف الاوساط الثقافية
تزامنا مع صعود نجم الصحافة فى مصر
اللى ربنا حباه بيها وهوه حرص على تنميتها البلاغة
والحضور والقدرة على الخطابة والكتابة
والاخذ بمسامع الناس كان فاكهة كل جلسة
وبما له من كاريزما ارتفع قدره ف الاوساط الثقافية
تزامنا مع صعود نجم الصحافة فى مصر
والاحتلال الاجنبى على أشده وقرر ينشىء جريدة
تكون لسان حاله .. لتزييف الحقايق
وكانت جريدة "المقطم" فكانت الأنظار تتجه لانشاء
كما يقول عبدالعزيز البشرى
"صحيفة وطنية إسلامية "
تقف ف وش جريدة الانجليز
تكون لسان حاله .. لتزييف الحقايق
وكانت جريدة "المقطم" فكانت الأنظار تتجه لانشاء
كما يقول عبدالعزيز البشرى
"صحيفة وطنية إسلامية "
تقف ف وش جريدة الانجليز
وكان سعد الشيخ على انه بكل ما يملك
ومعه واحد اسمه الشيخ / أحمد ماضى
وعملوا جريدة المويد لكى تكون زى البشرى ما وصفها
"جريدة المؤيد يومية سياسية وطنية إسلامية "
شوية واتخانق الأتنين
فتدخل سعد زغلول وبعض الرجال الوطنيين
واشتروا نصيب ماضى
فخلصت المؤيد لعلى يوسف تماما
ومعه واحد اسمه الشيخ / أحمد ماضى
وعملوا جريدة المويد لكى تكون زى البشرى ما وصفها
"جريدة المؤيد يومية سياسية وطنية إسلامية "
شوية واتخانق الأتنين
فتدخل سعد زغلول وبعض الرجال الوطنيين
واشتروا نصيب ماضى
فخلصت المؤيد لعلى يوسف تماما
وبمجى الخديوى عباس حلمى للحكم
وكان لسه متحمس بقى وواخداه الجلالة
جمع حواليه صفوة المجتمع وقتها وشبابه
ومنهم مصطفى كامل اللى كتب ف المؤيد فترة
ثم اصدر بعد فترة جريدة اللواء
ودا بعد شوية سبب خلافات مع الشيخ على
وكان لسه متحمس بقى وواخداه الجلالة
جمع حواليه صفوة المجتمع وقتها وشبابه
ومنهم مصطفى كامل اللى كتب ف المؤيد فترة
ثم اصدر بعد فترة جريدة اللواء
ودا بعد شوية سبب خلافات مع الشيخ على
وأصدقاء الأمس
يتحولوا من أحباب الأمس إلى خصوم اليوم
الخديوى شوية بشوية هتتغير سياساته ويهادن الانجليز
حرصا على مصالحه
بينما يصر مصطفى كامل على النضال
وعلى يوسف يبص لاتجاه الريح ويوطى
وحبة حبة
يصبح هو بلسان حال السلطة
والخديوى .. وش
يتحولوا من أحباب الأمس إلى خصوم اليوم
الخديوى شوية بشوية هتتغير سياساته ويهادن الانجليز
حرصا على مصالحه
بينما يصر مصطفى كامل على النضال
وعلى يوسف يبص لاتجاه الريح ويوطى
وحبة حبة
يصبح هو بلسان حال السلطة
والخديوى .. وش
وناخد بالنا ان العلاقات المتوترة دى
هيكونلها اكبر الأثر ف المعركة التى تلوح ف الأفق ..
هيكونلها اكبر الأثر ف المعركة التى تلوح ف الأفق ..
لأن الشيخ على يوسف اللى جريتده المؤيد بقت تلقب
بـ "تايمز الشرق" هيعلو نجمها
خصوصا بعد ان كتب فيها ف البدايات ناس
زى سعد زغلول وقاسم أمين وحفنى ناصف وغيرهم
من أسماء كبيرة اضافة للشيخ على نفسه
اللى كان يمتاز بخفة العبارة ورشاقتها
ودا كان أسلوب جديد ع القراء وقتها
بـ "تايمز الشرق" هيعلو نجمها
خصوصا بعد ان كتب فيها ف البدايات ناس
زى سعد زغلول وقاسم أمين وحفنى ناصف وغيرهم
من أسماء كبيرة اضافة للشيخ على نفسه
اللى كان يمتاز بخفة العبارة ورشاقتها
ودا كان أسلوب جديد ع القراء وقتها
قربه كمان من الخديوى خلاه يعرف أخبار قبل المنافسين
ودا أوغر صدر بعضهم
لكن اللى اوغر صدر الوطنيين بحق
انه اخد صف الخديوى والانجليز سوا
لما سنة 1899 منشرش أى حاجة عن اتفاقية السوادن
واللى كان كلها ظلم لمصر والسودان .. سوا
ودى كان اللحظة اللى خلتهم يفقدوا احترامهم له تقريبا
ودا أوغر صدر بعضهم
لكن اللى اوغر صدر الوطنيين بحق
انه اخد صف الخديوى والانجليز سوا
لما سنة 1899 منشرش أى حاجة عن اتفاقية السوادن
واللى كان كلها ظلم لمصر والسودان .. سوا
ودى كان اللحظة اللى خلتهم يفقدوا احترامهم له تقريبا
وفى صالون جريدة المؤيد الثقافى كان بيحضر ناس كتير
منهم السيد أحمد عبدالخالق السادات
عميد الاسرة الوفائية
وتعد من اعرق البيوت المصرية
وينتهى نسبهم الى الحسن السبط ابن الامام على
كرم الله وجهه
طيب
منهم السيد أحمد عبدالخالق السادات
عميد الاسرة الوفائية
وتعد من اعرق البيوت المصرية
وينتهى نسبهم الى الحسن السبط ابن الامام على
كرم الله وجهه
طيب
والسيد أحمد كان عنده 3 بنات حلوات جميلات
حفيظة .. وأسماء .. وصفية
واخر العنقود مكنتش لسه اتجوزت
وكانت غاوية قراية وشعر وتكلبش ف دراع ابوها
وتروح معاه ف الصالونات دى
وقابلت الشيخ على يوسف
وكيبويد الحب ضرب سهمينه ف القلبين
حفيظة .. وأسماء .. وصفية
واخر العنقود مكنتش لسه اتجوزت
وكانت غاوية قراية وشعر وتكلبش ف دراع ابوها
وتروح معاه ف الصالونات دى
وقابلت الشيخ على يوسف
وكيبويد الحب ضرب سهمينه ف القلبين
بس يا سيدى وتعاهداااا على الزواج
وانتهز الشيخ على فرصة سفر الجميع للأستانة
عشان المصيف وزيارة اولى الامر مع الخديوى
وطلب صفية من ابوها فالأب وافق
وبيقولوا انه لما الخبر وصل للصدر الأعظم
عزت باشا العابد اهدى العروسة عقد لولى فاخر
وبيقولوا دا كان فال خيرف الايام دى !
وانتهز الشيخ على فرصة سفر الجميع للأستانة
عشان المصيف وزيارة اولى الامر مع الخديوى
وطلب صفية من ابوها فالأب وافق
وبيقولوا انه لما الخبر وصل للصدر الأعظم
عزت باشا العابد اهدى العروسة عقد لولى فاخر
وبيقولوا دا كان فال خيرف الايام دى !
فيه ناس بتقول انه وافق ساعتها
عشان الجو المحيط بعلى يوسف كان كله ابهة
هيجوز بنته لرجل مقرب من الخديوى وكاتم سره
وطبعا كان معروف عنه انه غنى وكريم
غير الكاريزما والأبواب المفتوحة له
ف الأوساط المختلفة وعلاقاته بالانجليز الخ
الشيخ السادات تغاضى ف مقابل هذا عن حاجات تانية
حاجات ايه يا شوشو ؟؟
هقول اهو !
هقول اهو !
منصب نقيب الأشراف دا كان منصب خطير
زى مانتوا عارفين
وتناوب عليه كل من البكرية والساداتية
وكان النسب بينهم والمصاهرة تتم دايما
عشان المنصب ميخرجش من العيلتين
وقتها كان توفيق البكرى النقيب
ومتجوز حفيظة بنت الشيخ السادات
اما ابنه اخوه عبدالحميد البكرى فاتجوز اسماء السادات !
زى مانتوا عارفين
وتناوب عليه كل من البكرية والساداتية
وكان النسب بينهم والمصاهرة تتم دايما
عشان المنصب ميخرجش من العيلتين
وقتها كان توفيق البكرى النقيب
ومتجوز حفيظة بنت الشيخ السادات
اما ابنه اخوه عبدالحميد البكرى فاتجوز اسماء السادات !
كان مقرر ان صفية تتجوز واحد من البكرية
او حتى من الساداتية أو من الأشراف عموما
فجأة الوضع اتغير واتخطبت للشيخ على يوسف
اللى نسبه بسيط
كمان اكبر منها ف السن باكتر من 15 سنة
ومتجوز من واحدة قبلها
لكن كل دا تم التغاضى عنه
والعصفورين بيحبوا بعض
وجوزهم يا حاج يلا !
او حتى من الساداتية أو من الأشراف عموما
فجأة الوضع اتغير واتخطبت للشيخ على يوسف
اللى نسبه بسيط
كمان اكبر منها ف السن باكتر من 15 سنة
ومتجوز من واحدة قبلها
لكن كل دا تم التغاضى عنه
والعصفورين بيحبوا بعض
وجوزهم يا حاج يلا !
بس ورجع الجميع من تركيا والدنيا حلوة
وعاوزين نتمم الجوازة يا عمى
فجأة ظهرت الأعذار والحجج الواهية
الواحدة ورا التانية
وعدى الوقت سنة ورا التانية لحد ما بقوا 4 سنين
بحسب قول المصادر
ليه يا حاج دنتوا لو بتزرعوا شجر
عشان الخشب بتاع العفش
كان زمانه طِلع وجاهز ع القطع !
وعاوزين نتمم الجوازة يا عمى
فجأة ظهرت الأعذار والحجج الواهية
الواحدة ورا التانية
وعدى الوقت سنة ورا التانية لحد ما بقوا 4 سنين
بحسب قول المصادر
ليه يا حاج دنتوا لو بتزرعوا شجر
عشان الخشب بتاع العفش
كان زمانه طِلع وجاهز ع القطع !
وطبعا كان واضح من المماطلة
ان الحاج أبو حنان غير رأيه
وتقريبا كدا قال مفيش جواز خالص
ودا اللى خلى الحبيبين ياخدوا سكة تانية خالص
صدامية عنيفة تتناسب مع طبيعة شخصيتهما
ويقرووا يتجوزا غصب عنه !
وثوانى بقى
عشان لنا .. هنا .. وقفة
ان الحاج أبو حنان غير رأيه
وتقريبا كدا قال مفيش جواز خالص
ودا اللى خلى الحبيبين ياخدوا سكة تانية خالص
صدامية عنيفة تتناسب مع طبيعة شخصيتهما
ويقرووا يتجوزا غصب عنه !
وثوانى بقى
عشان لنا .. هنا .. وقفة
عشان فيه ناس بتحاول تخفف الموضوع شوية
وتقول ان على يوسف اخد صفية
وراحوا لاختها المتجوزة نقيب الاشراف
وحطوه قدام مزنق
يا يجوزهم
يا يعملوها ف حتة تانية بعيد عنه
فالراجل اضطر للرضوخ لأمرهم .. دا اتقال
لكن شهروزة شايفة حاجة تانية
..
وتقول ان على يوسف اخد صفية
وراحوا لاختها المتجوزة نقيب الاشراف
وحطوه قدام مزنق
يا يجوزهم
يا يعملوها ف حتة تانية بعيد عنه
فالراجل اضطر للرضوخ لأمرهم .. دا اتقال
لكن شهروزة شايفة حاجة تانية
..
خصوصا وان توفيق البكرى
بعت لابن اخوه عبدالحميد
والاتنين بقوا شهود على عقد الجواز
بعد ما بعتوا لشيخ كبير من الازهر يعقد القرآن
وتمت الجوازة ف حضور اختين صفية
وبشهادة زوجى الاختين على العقد !
فإيه ؟
بعت لابن اخوه عبدالحميد
والاتنين بقوا شهود على عقد الجواز
بعد ما بعتوا لشيخ كبير من الازهر يعقد القرآن
وتمت الجوازة ف حضور اختين صفية
وبشهادة زوجى الاختين على العقد !
فإيه ؟
أنا كشهروزة بقول .. ان الأب تزمت
وعمل حركة نقص كبيرة
خلت حتى إجوزات بناته مش بناته بس
يوافقوا يشتركوا ف العملة الغريبة دى
وكأنهم مش خايفين من عقابه او على زعله حتى
يعنى مش صفية بس اللى تمردت
اخواتها الكبار كمان واجوازهم روخرين
ودا بيقول كتير
المهم
وعمل حركة نقص كبيرة
خلت حتى إجوزات بناته مش بناته بس
يوافقوا يشتركوا ف العملة الغريبة دى
وكأنهم مش خايفين من عقابه او على زعله حتى
يعنى مش صفية بس اللى تمردت
اخواتها الكبار كمان واجوازهم روخرين
ودا بيقول كتير
المهم
تمت الزيجة فى منزل عديل الشيخ على
واخت صفية الكبرى بحضور الاخت الوسطانية وجوزها
ورقعوا كام زغروطة متينة
وخرجت العروسة على بيت جوزها فى الضاهر
إتمخطري طري طري ياعروسة
واتشخلع لع لع لع لع ياعريس
ياعزول زول زوغ زوغ جاك حوسة
إنشالله يهفااااك أوتوبيس
واخت صفية الكبرى بحضور الاخت الوسطانية وجوزها
ورقعوا كام زغروطة متينة
وخرجت العروسة على بيت جوزها فى الضاهر
إتمخطري طري طري ياعروسة
واتشخلع لع لع لع لع ياعريس
ياعزول زول زوغ زوغ جاك حوسة
إنشالله يهفااااك أوتوبيس
والعزول فعلا هفه الخبر كالأتوبيس بعد أيام !
والشيخ السادات فاكر ان صفية عند اختها حفيظة
ف "الخرنفش" بايتة كام يوم
اتاريها بتتجوز
...
والخبر اتسرب لجريدة الاحتلال المقطم
اللى ف السبت 16 يوليه 1904 زفت لقرائها
خبر جوازة الزميل على يوسف
لاحدى كريمات الشيخ السادات من غير ما تقول المكان
بتاع الفرح
والشيخ السادات فاكر ان صفية عند اختها حفيظة
ف "الخرنفش" بايتة كام يوم
اتاريها بتتجوز
...
والخبر اتسرب لجريدة الاحتلال المقطم
اللى ف السبت 16 يوليه 1904 زفت لقرائها
خبر جوازة الزميل على يوسف
لاحدى كريمات الشيخ السادات من غير ما تقول المكان
بتاع الفرح
والراجل بيفتح الجرنال الصبح بعد فنجان القهوة
لقى خبر جواز بنته مكتوب !
جمال بدوى بيقول انه
" تعمدت المقطم اغفال مكان اتمام الزواج
لتضليل الأب ولاهانته امام الرأى العام "
عاوزين يولعوا حريقة طبعا
واستغلوا الفرصة
قوم ايه الأب اتاكد طبعا من الخبر
لقى خبر جواز بنته مكتوب !
جمال بدوى بيقول انه
" تعمدت المقطم اغفال مكان اتمام الزواج
لتضليل الأب ولاهانته امام الرأى العام "
عاوزين يولعوا حريقة طبعا
واستغلوا الفرصة
قوم ايه الأب اتاكد طبعا من الخبر
وبما انه ف موقف حساس ومش هيتصرف زى العامة
ويروح يجرجر البنت من شعرها مثلا
او يدبحها او يدبح اللى غواها الخ
لأ
هيبعت للصحف التلاتة الشهيرة وقتها
يقول انه الجوازة دى تمت دون علمه
وانه بصدد التصرف قانونا ازائها
وشكرا
ويروح يجرجر البنت من شعرها مثلا
او يدبحها او يدبح اللى غواها الخ
لأ
هيبعت للصحف التلاتة الشهيرة وقتها
يقول انه الجوازة دى تمت دون علمه
وانه بصدد التصرف قانونا ازائها
وشكرا
المؤيد طبعا امتنعت عن النشر
مهو مش هيجرسوا صاحبها
المقطم امتنعت روخرا عن نشر البيان
عشان تنفخ ف النار
الوحيدة اللى نشرت كانت اللواء
لانها كانت فرصة لمصطفى كامل للتشفى
وكما قال بدوى
"فكانت أشبه بقنبلة انفجرت فتطايرت شطاياها
فى رقعة واسعة من الأرض هى كل أض مصر"
مهو مش هيجرسوا صاحبها
المقطم امتنعت روخرا عن نشر البيان
عشان تنفخ ف النار
الوحيدة اللى نشرت كانت اللواء
لانها كانت فرصة لمصطفى كامل للتشفى
وكما قال بدوى
"فكانت أشبه بقنبلة انفجرت فتطايرت شطاياها
فى رقعة واسعة من الأرض هى كل أض مصر"
وقدم الشيخ السادات بلاغ للنيابة يتهم على يوسف
بالتغرير ببنته
النيابة حققت
لقت البنت كانت معدية الـ 21 والجوازة تمت
بإيد شيخ ازهرى معروف ف بيت اختها
وبحضور اختها التانية والشهود عدول وعدايل
والجواز مفيهاش أى شبهة تغرير
وقالوله منقدرش نعمل حاجة .. عندك القضاء
بالتغرير ببنته
النيابة حققت
لقت البنت كانت معدية الـ 21 والجوازة تمت
بإيد شيخ ازهرى معروف ف بيت اختها
وبحضور اختها التانية والشهود عدول وعدايل
والجواز مفيهاش أى شبهة تغرير
وقالوله منقدرش نعمل حاجة .. عندك القضاء
وهما عشر ايام عسل يتخللهم نيابة وتحقيق
ملحقش على وصفية يتهنوا
والقضية كانت بتتنظر قصاد القضاء
والشيخ السادات بيرفع قضية لفسخ عقد
لا مؤاخذة النكاح والسبب .. عدم الكفاءة
وثوانى بقى لنا .. هنا .. وقفة تانية
ملحقش على وصفية يتهنوا
والقضية كانت بتتنظر قصاد القضاء
والشيخ السادات بيرفع قضية لفسخ عقد
لا مؤاخذة النكاح والسبب .. عدم الكفاءة
وثوانى بقى لنا .. هنا .. وقفة تانية
ايه حوار الكفاءة دا ان شاء الله ؟
بيقولك يا سيدى اننا فى مصر بنتجوز
على مذهب الامام ابو حنيفة النعمان ... حلو ؟
الراجل بقى بيقول ايه ؟
أن الكفاءة شرط فى صحة النكاح
لان الجواز دا فيه دوام وتقارب وعلاقات ممتدة
وتقوم عليها مصاير ناس واولاد واحفاد الخ
قوم ايه ..
بيقولك يا سيدى اننا فى مصر بنتجوز
على مذهب الامام ابو حنيفة النعمان ... حلو ؟
الراجل بقى بيقول ايه ؟
أن الكفاءة شرط فى صحة النكاح
لان الجواز دا فيه دوام وتقارب وعلاقات ممتدة
وتقوم عليها مصاير ناس واولاد واحفاد الخ
قوم ايه ..
لازم يبقى فيه كفاءة من ناحية الراجل الست مش مهم
ازاى ؟
" الشريعة تأبى أن تكون المرأة مُستفرَشه للخسيس"
انما
"الرجل فهو مُستفرش -بكسر الراء- فلا تغيظه
أو تضايقه تواضع نسب المرأة أو دناءتها"
وبالتالى البنت او وليها لازم يختاروا راجل كويس
ميتعايروش بيه قدام
ازاى ؟
" الشريعة تأبى أن تكون المرأة مُستفرَشه للخسيس"
انما
"الرجل فهو مُستفرش -بكسر الراء- فلا تغيظه
أو تضايقه تواضع نسب المرأة أو دناءتها"
وبالتالى البنت او وليها لازم يختاروا راجل كويس
ميتعايروش بيه قدام
ولو حصل واكتشفوا دناءة اصله والزوجة أصرت
فلأ برضو
من حق الولى انه يفسخ العقد دا
" ولهذا فلو أسقط أحدهما حقه بقى حق الآخر
فلو زوجت المرأة نفسها من غير كفء
ولم يرض وليها به كان من حقه إبطال هذا العقد"
واللى عنده معزة يربطها
والسلام عليكم ورحمة الله
فلأ برضو
من حق الولى انه يفسخ العقد دا
" ولهذا فلو أسقط أحدهما حقه بقى حق الآخر
فلو زوجت المرأة نفسها من غير كفء
ولم يرض وليها به كان من حقه إبطال هذا العقد"
واللى عنده معزة يربطها
والسلام عليكم ورحمة الله
بس يا سيدى واترفعت الدعوى على هذا الأساس
انه الشيخ على مش كفء لنسب السادات
شيخ الطريقة الوفائية وكبيرها
ولو كانت البنت اتجوزت .. فهو من حقه
يفسخ العقد دا ببساطة
ودلوقتى المعركة هتتركز على اظهار صحة اقوال الأب
من وضاعة أصل جوز البنت !
#فضايح_للركب بقى
انه الشيخ على مش كفء لنسب السادات
شيخ الطريقة الوفائية وكبيرها
ولو كانت البنت اتجوزت .. فهو من حقه
يفسخ العقد دا ببساطة
ودلوقتى المعركة هتتركز على اظهار صحة اقوال الأب
من وضاعة أصل جوز البنت !
#فضايح_للركب بقى
وبدوى بيحكى عن اول جلسة
وازاى المحكمة ف باب الخلق اتزحمت عن اخرها
وناس وقفت برا
"جاءوا من كل فج عميق ليشهدوا وقائع القضية
التى تمس بعض مقدسات المصريين فى احترام
العلاقات الأسرية ومراعاة الأداب الاجتماعية
والتقاليد الموروثة كانت الكثرة الغالبة
من الرأى العام تقف مع الأب المنكوب ضد الشيخ
الذى اغوى فتاة شريفة وحرضها على التمرد
والخروج عن الاداب فتزوجت دون رضاء ابيها "
بينما كان فيه قلة قليلة مندسة
واقفة مع الحرية ف الاختيار وان المرء بعمله لا نسبه
ودول على جنب طبعا الغلابة بتوع كل مرة !
وازاى المحكمة ف باب الخلق اتزحمت عن اخرها
وناس وقفت برا
"جاءوا من كل فج عميق ليشهدوا وقائع القضية
التى تمس بعض مقدسات المصريين فى احترام
العلاقات الأسرية ومراعاة الأداب الاجتماعية
والتقاليد الموروثة كانت الكثرة الغالبة
من الرأى العام تقف مع الأب المنكوب ضد الشيخ
الذى اغوى فتاة شريفة وحرضها على التمرد
والخروج عن الاداب فتزوجت دون رضاء ابيها "
بينما كان فيه قلة قليلة مندسة
واقفة مع الحرية ف الاختيار وان المرء بعمله لا نسبه
ودول على جنب طبعا الغلابة بتوع كل مرة !
الموضوع كان خارج جدران المحكمة واوراق القضية
حرب بين فكرين عتيق وجديد تماما
وخلف كل فكر تحصن اطراف
استعملوه مش دايما عن قناعة
وانما لاهداف اخرى مثلا
"مصطفى كامل وجدها فرصة للانتقام من غريمه اللدود"
لأن على يوسف كان بيهاجمه ف المؤيد
لصالح أفندينا
حرب بين فكرين عتيق وجديد تماما
وخلف كل فكر تحصن اطراف
استعملوه مش دايما عن قناعة
وانما لاهداف اخرى مثلا
"مصطفى كامل وجدها فرصة للانتقام من غريمه اللدود"
لأن على يوسف كان بيهاجمه ف المؤيد
لصالح أفندينا
أفندينا بقى كان ف الفترة دى بيهادن الاحتلال
ودا معجبش مصطفى كامل اللى ما صدق
لقى الموضوع دا واخد صف الشيخ السادات
ضد العريس الموكوس
الخديوى كان
"يعرف انه المقصود بالهجوم حتى لو تذرع
صاحب اللواء بحجة الدفاع عن أداي الشرع
وحرمة التقاليد"
وطبعا حاول يساعد رجله المخلص بكل طريقة
ودا معجبش مصطفى كامل اللى ما صدق
لقى الموضوع دا واخد صف الشيخ السادات
ضد العريس الموكوس
الخديوى كان
"يعرف انه المقصود بالهجوم حتى لو تذرع
صاحب اللواء بحجة الدفاع عن أداي الشرع
وحرمة التقاليد"
وطبعا حاول يساعد رجله المخلص بكل طريقة
فيه ناس بتقول انه رعى الجوازة دى من قبل ما تتم
وشجعه عليها ووعده بحمايته مما يستجد
وناس بتقول انه ساعد انه يلاقيله نسب
عشان يخليه بعدين
رئاسة مشيخة السادات الوفائية"
فيضمن ولاء هذه الفرقة الدينية له بوضعها
تحت رئاسة احد رجاله المخلصين"
وحاجات كتير كدا
وشجعه عليها ووعده بحمايته مما يستجد
وناس بتقول انه ساعد انه يلاقيله نسب
عشان يخليه بعدين
رئاسة مشيخة السادات الوفائية"
فيضمن ولاء هذه الفرقة الدينية له بوضعها
تحت رئاسة احد رجاله المخلصين"
وحاجات كتير كدا
واللورد كرومر مش هييجى ينقط ف الفرح دا
بأى حاجة ؟!!
لأ ازاى ودى تيجى
الراجل ادى أوامره لجريدة المقطم
تاخد صف الشيخ على يوسف على طول الخط
والجرايد الاجنبية كمان اللى بتطلع ف مصر .
كله يأيد ويهلل وكدا
بأى حاجة ؟!!
لأ ازاى ودى تيجى
الراجل ادى أوامره لجريدة المقطم
تاخد صف الشيخ على يوسف على طول الخط
والجرايد الاجنبية كمان اللى بتطلع ف مصر .
كله يأيد ويهلل وكدا
كرومر كان قاصد بالحركة دى انه يسند على
ويخلي الخلاف بينه وبين الجماعة الوطنية يزيد
ومش بس دول المحافظين عموما ف المجتمع
ومبيحبوش النوع دا
من التصرفات اللى تعتبر خروج على التقاليد
ويخلي الخلاف بينه وبين الجماعة الوطنية يزيد
ومش بس دول المحافظين عموما ف المجتمع
ومبيحبوش النوع دا
من التصرفات اللى تعتبر خروج على التقاليد
وفى أول الجلسة قال المحامى
ان الشيخ السادات بيطعن ف كفاءة الزوج
من ناحية النسب والمهنة كمان !
النسب .. لانه مش علوى شريف زى السادات
اما المهنة .. فدا جورنالجى
ودى مهنة تسبغ على صاحبها العار
وحاجة اخر قلة ادب يعنى !
ثوانى بقى
عشان اللى ميعرفش
مهنة الصحافة ف هذا الوقت كانت مشمومة
وينظر لصاحبها بتدنى مش مفهوم
شهروزة فاهماه طبعا
وتقدروا دلوقتى لما تشوفوا هجوم كل ولاد الوسخة
على السوشيال ميديا مثلا تقيسوا دى بدى
المشكلة مكنتش ف الصحافة نفسها
وانما فكرة ان حد يقول كلام مش على مزاجك
عشان اللى ميعرفش
مهنة الصحافة ف هذا الوقت كانت مشمومة
وينظر لصاحبها بتدنى مش مفهوم
شهروزة فاهماه طبعا
وتقدروا دلوقتى لما تشوفوا هجوم كل ولاد الوسخة
على السوشيال ميديا مثلا تقيسوا دى بدى
المشكلة مكنتش ف الصحافة نفسها
وانما فكرة ان حد يقول كلام مش على مزاجك
ويااااه بقى لو كان كلامه صح واسلوبه كويس
ويزنقك ف كورنر ويخلى منظرك انيل مما هو فيه
ياه لو قال عليك حرامى وانتا فعلا حرامى !
او وسخ وانتا فعلا وسخ !
او منحط وخاين وانتا منحط وخاين !
وياه لو اتكلم عن الحرية وحقوق البشر
وبلاد برا بيعملوا ايه وياريت نبقى زيهم
ونتحضر ف حاجات وكدا والمواطن له احترامه الخ !
ويزنقك ف كورنر ويخلى منظرك انيل مما هو فيه
ياه لو قال عليك حرامى وانتا فعلا حرامى !
او وسخ وانتا فعلا وسخ !
او منحط وخاين وانتا منحط وخاين !
وياه لو اتكلم عن الحرية وحقوق البشر
وبلاد برا بيعملوا ايه وياريت نبقى زيهم
ونتحضر ف حاجات وكدا والمواطن له احترامه الخ !
وشوف لما الصحافة دى تجيبلنا حد زى قاسم امين مثلا
يكتب فيها عن تحرير المرأة ؟!
ولا سعد زغلول يكتب عن الدستور وحقوق المصريين ؟!
او حد يجيب سيرة الخديوى ويكتب عن شراهته للمال ؟ ومهادنته للاحتلال ؟
لأ لأ انتوا بتهرجوا .. دى قلة أدب فعلا !
يكتب فيها عن تحرير المرأة ؟!
ولا سعد زغلول يكتب عن الدستور وحقوق المصريين ؟!
او حد يجيب سيرة الخديوى ويكتب عن شراهته للمال ؟ ومهادنته للاحتلال ؟
لأ لأ انتوا بتهرجوا .. دى قلة أدب فعلا !
نهايته .. الراجل دلق الكلمتين
قام محامى الزوج قال عاوز تاجيل اطلع
راح محامى الأب قال خلاص نرجو من المحكمة
التفريق بين صفية وعلى لحين البنت ف الموضوع !
محامى الزوج قال تفرقوا ازاى بين الأزواج ؟
التانى رد .. وهما لو ازاوج وتم البت ف ذلك
احنا هنا بنعمل ايه ؟
قام محامى الزوج قال عاوز تاجيل اطلع
راح محامى الأب قال خلاص نرجو من المحكمة
التفريق بين صفية وعلى لحين البنت ف الموضوع !
محامى الزوج قال تفرقوا ازاى بين الأزواج ؟
التانى رد .. وهما لو ازاوج وتم البت ف ذلك
احنا هنا بنعمل ايه ؟
قاضى المحكمة الشرعية
وكان اسمه .. احمد أبو خطوة .. مال لطلب محامى الأب
وامر بالتأجيل مع التفريق بين الزوجين
لحين التاكد من صحة العقد ورفعت الجلسة
وهيصة بقى وهوليلة من الحضور اللى فرحوا
واعتبروا دى دلالة على ميل القاضى لصالح الأب والتقاليد
والمشكلة مكنتش ف التفريق المؤقت بس
المشكلة انه حكم برجوع البنت لبيت أبوها !
وطبعا دا كان قرار زفت
صفية لما عرفته هددت انها هتموت روحها
ولا انها ترجع !
كان عندها وجاهة طبعا ف التفكير
وقالت مش هنفذ الحكم دا ابدا !
وكانت المشكلة الاكبر
وكان اسمه .. احمد أبو خطوة .. مال لطلب محامى الأب
وامر بالتأجيل مع التفريق بين الزوجين
لحين التاكد من صحة العقد ورفعت الجلسة
وهيصة بقى وهوليلة من الحضور اللى فرحوا
واعتبروا دى دلالة على ميل القاضى لصالح الأب والتقاليد
والمشكلة مكنتش ف التفريق المؤقت بس
المشكلة انه حكم برجوع البنت لبيت أبوها !
وطبعا دا كان قرار زفت
صفية لما عرفته هددت انها هتموت روحها
ولا انها ترجع !
كان عندها وجاهة طبعا ف التفكير
وقالت مش هنفذ الحكم دا ابدا !
وكانت المشكلة الاكبر
دلوقتى فيه أمر قضائى
بـ "الحيلولة بين الزوجين" والزوجة رافضة تنفذ
جريدة المقطم بقى امعانا ف شعللة الاجواء اكتر
نشرت خبر سفر الشيخ على يوسف
لمقابلة بطرس غالى باشا وزير الحقانية
واسفر اللقاء عن تطمينات "شفوية" لعلى
ان أمر الحيلولة مش هيتنفذ .. !
بـ "الحيلولة بين الزوجين" والزوجة رافضة تنفذ
جريدة المقطم بقى امعانا ف شعللة الاجواء اكتر
نشرت خبر سفر الشيخ على يوسف
لمقابلة بطرس غالى باشا وزير الحقانية
واسفر اللقاء عن تطمينات "شفوية" لعلى
ان أمر الحيلولة مش هيتنفذ .. !
جريدة اللواء تسكت ؟!!
راحت رادة
"بسيل مقالات يحذر فيها
من تدخل السلطات فى شئون القضاء
وتستنفر الرأى العام للدفاع عن حرمة الشرع
وكرامة التقاليد واستقلال القضاء"
يا سكر !
راحت رادة
"بسيل مقالات يحذر فيها
من تدخل السلطات فى شئون القضاء
وتستنفر الرأى العام للدفاع عن حرمة الشرع
وكرامة التقاليد واستقلال القضاء"
يا سكر !
والموضوع وِسع ..
بعد الأمر بأيام اتصل عبدالرحمن افندى
قاضى قضاة مصر بمحافظ القاهرة
وسأله .. نفذتوا امر الحيلولة ولا لسه ؟!!
المحافظ قال لسه الورق بيتعرض على رئيس الوزراء
ولم ينظر فيه
بيماطل يعنى
"عندئذ أدرك قاضى القضاة ان الحكومة
ماضية فى تعويق احكام القضاء وتعطيل قرار الحيلولة "
بعد الأمر بأيام اتصل عبدالرحمن افندى
قاضى قضاة مصر بمحافظ القاهرة
وسأله .. نفذتوا امر الحيلولة ولا لسه ؟!!
المحافظ قال لسه الورق بيتعرض على رئيس الوزراء
ولم ينظر فيه
بيماطل يعنى
"عندئذ أدرك قاضى القضاة ان الحكومة
ماضية فى تعويق احكام القضاء وتعطيل قرار الحيلولة "
اتصل بالقاضى ابوخطوة
وقاله ف معاد اول جلسة لك اقعد واستنى مظروف
بدوى بيقول
"اتفق الرجلان ان يتخذا مع الحكومة اجراء يهذبها
ويعلمها ان حكم القاضى واجب الاحترام
وان القضاء يجب ان يكون بمنأى عن تدخلات السياسة
وشئون الحكم"
وقاله ف معاد اول جلسة لك اقعد واستنى مظروف
بدوى بيقول
"اتفق الرجلان ان يتخذا مع الحكومة اجراء يهذبها
ويعلمها ان حكم القاضى واجب الاحترام
وان القضاء يجب ان يكون بمنأى عن تدخلات السياسة
وشئون الحكم"
وتانى يوم .. دخل ابو خطوة قاعة المحكمة
قعد ع المنصة ساكت تماما مبينطقش
والحضور مندهشين
لحد ما دخله ساعى بظرف .. فتحه وقراه وقد
"تضمن قرارا صريحا بأن تتوقف جميع محاكم مصر
الشرعية عن نظر القضايا المعروضة
اذا لم تلتزم الحكومة بتنفيذ حكم القضاء
واحترام قرارته "
قعد ع المنصة ساكت تماما مبينطقش
والحضور مندهشين
لحد ما دخله ساعى بظرف .. فتحه وقراه وقد
"تضمن قرارا صريحا بأن تتوقف جميع محاكم مصر
الشرعية عن نظر القضايا المعروضة
اذا لم تلتزم الحكومة بتنفيذ حكم القضاء
واحترام قرارته "
بدوى بيقول ان دى تقريبا
" كانت اول دعوة الى الاضراب العام
فى تاريخ القضاء المصرى"
والناس هللت وخرجت من القاعة على الساحة
قصاد المحكمة وهات يا هتافات ومشيت مسيرة
"فأحاطت بمبنى المحافظة الملاصق لمبنى المحكمة
تعبيرا عن سخطها لتدخل السلطات الحاكمة
فى شئون القضاء"
" كانت اول دعوة الى الاضراب العام
فى تاريخ القضاء المصرى"
والناس هللت وخرجت من القاعة على الساحة
قصاد المحكمة وهات يا هتافات ومشيت مسيرة
"فأحاطت بمبنى المحافظة الملاصق لمبنى المحكمة
تعبيرا عن سخطها لتدخل السلطات الحاكمة
فى شئون القضاء"
والدنيا اتقلبت يا ثاااامح والجو اتكهرب فى البلد
الخديوى اتفزع واللورد كرومر اتقريف
"وانعقد مجلس الوزراء على الفور
وأصدر بيانا أعلن فيه التزامه بتنفيذ قرار الحيلولة"
وخلاص هننفذ القرار
ويلا يا بنتى على بيت أبوكى
البت قالت لا ممكن أبدااااا
الخديوى اتفزع واللورد كرومر اتقريف
"وانعقد مجلس الوزراء على الفور
وأصدر بيانا أعلن فيه التزامه بتنفيذ قرار الحيلولة"
وخلاص هننفذ القرار
ويلا يا بنتى على بيت أبوكى
البت قالت لا ممكن أبدااااا
الحقيقة ولاد الحلال تدخلوا
وقالوا لأبو خطوة امرك هيتنفذ
بس نوديها بيت تانى بلاش ترجع لأبوها
لانها خايفة على نفسها وعندها حق !
الراجل محبش يزودها ووافق
واختاروا من 3 أسماء شيخ أزهرى جليل
معرفة أبوها صفية وافقت تروح تقعد ف بيته
لحين الفصل ف الدعوى كان اسمه ... عبدالقادر الرافعى
وقالوا لأبو خطوة امرك هيتنفذ
بس نوديها بيت تانى بلاش ترجع لأبوها
لانها خايفة على نفسها وعندها حق !
الراجل محبش يزودها ووافق
واختاروا من 3 أسماء شيخ أزهرى جليل
معرفة أبوها صفية وافقت تروح تقعد ف بيته
لحين الفصل ف الدعوى كان اسمه ... عبدالقادر الرافعى
وسابت صفية بيت على وراحت بيت الشيخ عبدالقادر
لكن زى ما انكتب بعدها ان أمر الحيلولة لم ينفذ بدقة
وبقى فيه مراسلات رايحة جاية بين الحبيبين
تفيض باللوعة والهيام والعشق والافتقاد الخ
والمراسلات دى تمت عن طريق خادمة انجليزية
سربت بعضها للصحافة !
لكن زى ما انكتب بعدها ان أمر الحيلولة لم ينفذ بدقة
وبقى فيه مراسلات رايحة جاية بين الحبيبين
تفيض باللوعة والهيام والعشق والافتقاد الخ
والمراسلات دى تمت عن طريق خادمة انجليزية
سربت بعضها للصحافة !
الرسايل دى بعضها اتجمع بعدين ف كتاب
وهتلاقى بداياتها كالآتى .. هوه يقولها
عزيزتي وصورة روحي صفية حبيبتي
وصفوة فؤادي صفيت صفية روحي
وحبيبة قلبي ومالكة لبي الوفية
وهيا ترد ..
إلى مالك العصفورة المتصرف فيها
والحاكم عليها وحبيب صفصف
والحب ولع ف الدرة يا سعدية حقيقى
وهتلاقى بداياتها كالآتى .. هوه يقولها
عزيزتي وصورة روحي صفية حبيبتي
وصفوة فؤادي صفيت صفية روحي
وحبيبة قلبي ومالكة لبي الوفية
وهيا ترد ..
إلى مالك العصفورة المتصرف فيها
والحاكم عليها وحبيب صفصف
والحب ولع ف الدرة يا سعدية حقيقى
والجرايد نفخت ف الموضوع
وقالت ان على بيروح لصفية
ويقضى كام ساعة من الليل ويمشى قبل النهار ما يطلع
الشيخ الرافعى ثار وهاج وماج
وطالب بخروج صفية من بيته لانه مش متحمل الكلام دا
ينقال وكتب طلب بكدا .
الشيخ على تعهدله بأنه الجوابات هتنقطع فورا
ومفيش حب ولا هيام خلاص !
وقالت ان على بيروح لصفية
ويقضى كام ساعة من الليل ويمشى قبل النهار ما يطلع
الشيخ الرافعى ثار وهاج وماج
وطالب بخروج صفية من بيته لانه مش متحمل الكلام دا
ينقال وكتب طلب بكدا .
الشيخ على تعهدله بأنه الجوابات هتنقطع فورا
ومفيش حب ولا هيام خلاص !
وبدأ استئناف نظر الدعوى عشان نخلص !
والمحامين بقى وشغلهم
محامى الأب دفع بإن على كان من الفقراء ومن العامة
وانه بيشتغل ف
" مهنة دنيئة هى مهنة الصحافة التى تقوم
على التجسس والتلصص على اسرار الناس
وهى امور ينهى عنها الشرع"
والمحامين بقى وشغلهم
محامى الأب دفع بإن على كان من الفقراء ومن العامة
وانه بيشتغل ف
" مهنة دنيئة هى مهنة الصحافة التى تقوم
على التجسس والتلصص على اسرار الناس
وهى امور ينهى عنها الشرع"
اما من ناحية النسب فجابوا شهود يقروا النسب بتاع الأب
اما الشيخ على فيقولوا ملوش !
وفيه ناس امعنت ف الاجتراء لدرجة انهم نسبوه
لطائفة "المسلمانية" وقالوا ان ف جدوده
شخص اسمه عبدالنور ودا كان قبطى وأسلم !
اللى هوه أى حاجة تخليه مش زينا وخلاص !
اما الشيخ على فيقولوا ملوش !
وفيه ناس امعنت ف الاجتراء لدرجة انهم نسبوه
لطائفة "المسلمانية" وقالوا ان ف جدوده
شخص اسمه عبدالنور ودا كان قبطى وأسلم !
اللى هوه أى حاجة تخليه مش زينا وخلاص !
الحقيقة ان ردود أفعال غالب المثقفين
كانت مش بعيدة عن المستنقع دا
ناس زى العقاد شاركوا ف الهجوم ع القضية
ورفضوا تصرف الزوجين
وطبعا مصطفى كامل وغيرهم من دعاة التمسك
بالتقاليد والأصول حتى لو كان الشخصين دول اتجوزوا
على سنة الله رسوله وبيد مأذون
والجوازة شروطها صحيحة !
كانت مش بعيدة عن المستنقع دا
ناس زى العقاد شاركوا ف الهجوم ع القضية
ورفضوا تصرف الزوجين
وطبعا مصطفى كامل وغيرهم من دعاة التمسك
بالتقاليد والأصول حتى لو كان الشخصين دول اتجوزوا
على سنة الله رسوله وبيد مأذون
والجوازة شروطها صحيحة !
والحقيقة ان الحرب كانت بين فكرين احدهما راسخ
والتانى بيظهر على استحياء فى شكل دعاوى للتحرر
والحرية وخروج المرأة للتعليم الخ
كل دا سبب وما زال بيسبب هلع
لأى أب او اخ او زوج او ابن
حاسس ان الحاجات دى بتهدد سلطاته !
فتكتل المحافظين والرجعيين وساندوا بعضيشهم
والتانى بيظهر على استحياء فى شكل دعاوى للتحرر
والحرية وخروج المرأة للتعليم الخ
كل دا سبب وما زال بيسبب هلع
لأى أب او اخ او زوج او ابن
حاسس ان الحاجات دى بتهدد سلطاته !
فتكتل المحافظين والرجعيين وساندوا بعضيشهم
نهايته .. بعد فقرة تدنى النسب والفقر والعار
دخلنا ف فقرة المهنة
قائلين انه
"الشيخ على يوسف صاحب اكبر جريدة فى الشرق
ليس مشتغلا بالصحافة قائما بها
وانما هو مشتغل بشىء يشبهها لاغراضه
وهذا اشتغال بأخس الحرف وأدنئها"
دخلنا ف فقرة المهنة
قائلين انه
"الشيخ على يوسف صاحب اكبر جريدة فى الشرق
ليس مشتغلا بالصحافة قائما بها
وانما هو مشتغل بشىء يشبهها لاغراضه
وهذا اشتغال بأخس الحرف وأدنئها"
وبيقولوا ان الشيخ على عبثا حاول يدفع عن نفسه
التهم دى كلها لكن الموج كان عالى
واخيرا اعتكف القاضى ابو خطوة ف مكان مجهول
عشان محدش يأثر على قراره .. لحين النطق بالحكم
و فى أول أغسطس 1904 حكمت المحكمة
بفسخ عقد الزواج والتفريق بين الزوجين
وتهليل وتصفيق ودوشة ف القاعة فرحا بالحكم
التهم دى كلها لكن الموج كان عالى
واخيرا اعتكف القاضى ابو خطوة ف مكان مجهول
عشان محدش يأثر على قراره .. لحين النطق بالحكم
و فى أول أغسطس 1904 حكمت المحكمة
بفسخ عقد الزواج والتفريق بين الزوجين
وتهليل وتصفيق ودوشة ف القاعة فرحا بالحكم
وطبعا القاضى استند للمذهب
بتاع ابو حنيفة النعمان اياه
وخلاص القضية خرجت من المحكمة
لكن على صفحات الجرايد المولد مكنش لسه انفض
وكل واحد بيحاول ينتصر لنفسه ولرأيه
ولما ورائه لو وراه حد زى الخديوى وزى الانجليز ..
بتاع ابو حنيفة النعمان اياه
وخلاص القضية خرجت من المحكمة
لكن على صفحات الجرايد المولد مكنش لسه انفض
وكل واحد بيحاول ينتصر لنفسه ولرأيه
ولما ورائه لو وراه حد زى الخديوى وزى الانجليز ..
اكتر حاجة محزنة ان ف حيثيات الحكم جملة لعينة
القاضى اعتبرها حقيقة
استند لها المحامى لما قال
ان على يوسف كان فقيرا يوما ما بتقول :
"إن فقره فى بدئه وإن زال عنه الآن باكتساب الغنى
إلا أن عاره لا يزول عنه"
من امتى كان الفقر عار
وفين دا ف الدين ؟!
خيبة الله عليكم
القاضى اعتبرها حقيقة
استند لها المحامى لما قال
ان على يوسف كان فقيرا يوما ما بتقول :
"إن فقره فى بدئه وإن زال عنه الآن باكتساب الغنى
إلا أن عاره لا يزول عنه"
من امتى كان الفقر عار
وفين دا ف الدين ؟!
خيبة الله عليكم
والمولد واتغنى ع الربابة دا
استمر شويتين بينما
"ابطال القصة الأصليون فقد انسحبوا خلف الكواليس
بعد ان انفض السامر وعكفوا على معالجة قضيتهم بعيدا
عن صخب العامة وضجيج السياسة وتزمت القضاء"
...
اخيرا عِقل الجميع لكن متاخرا
استمر شويتين بينما
"ابطال القصة الأصليون فقد انسحبوا خلف الكواليس
بعد ان انفض السامر وعكفوا على معالجة قضيتهم بعيدا
عن صخب العامة وضجيج السياسة وتزمت القضاء"
...
اخيرا عِقل الجميع لكن متاخرا
وبعد تدخل ولاد الحلال
وافق الشيخ السادات على الجوازة بس بعقد جديد
واتجوز على وصفية وخلاض كدا اتلمت
والعصفورين يغردوا ف سماء الحب بقى !
ابضضضضضضضن
حنا عندنا الكلام دا ؟!!
خلاص يا جماعة ... الجوازة اتنظرت
وافق الشيخ السادات على الجوازة بس بعقد جديد
واتجوز على وصفية وخلاض كدا اتلمت
والعصفورين يغردوا ف سماء الحب بقى !
ابضضضضضضضن
حنا عندنا الكلام دا ؟!!
خلاص يا جماعة ... الجوازة اتنظرت
الست صفية طلعت نكدية
بعض الجرايد قالت كدا بالحرف !
وفرق السن بين الزوجين عمل مشاكل
لما نزل الحب إلى أرض الواقع !
وفيما يبدو ان الشيخ على انهك ف المعركة دى بشدة
ومبقاش فيه حيل يحب ولا يدلع !
فبقى يطفش من وش الست صفية
ويقعد ف الجرنال بالعشرين ساعة !
"فقد كانت الزوجة صغيرة السن قليلة التجربة
كثيرة الاعتزاز بجمالها وعلمها،
فأرهقت زوجها الكهل ونغصت عليه حياته
لدرجةٍ جعلته لا يكاد يطيق بيته،
فكان يرابط فى مكتبه بالجريدة نحو عشرين ساعة يوميا "
كثيرة الاعتزاز بجمالها وعلمها،
فأرهقت زوجها الكهل ونغصت عليه حياته
لدرجةٍ جعلته لا يكاد يطيق بيته،
فكان يرابط فى مكتبه بالجريدة نحو عشرين ساعة يوميا "
وبيقولوا ان اللى حصل ف المحكمة
فضل مأثر ف الشيخ وواجعه
لدرجة انه ف لحظة ما قرر
"اعتزال الصحافة والسياسة ليتفرغ لوظيفة
شيخ الطريقة الوفائية عساه ان يواسى الجرح
الذى حطم كبريائه وينتسب ولو زورا وبهتانا
الى الشجرة التى لفظته
وهو فى قمة المجد والسؤدد"
فضل مأثر ف الشيخ وواجعه
لدرجة انه ف لحظة ما قرر
"اعتزال الصحافة والسياسة ليتفرغ لوظيفة
شيخ الطريقة الوفائية عساه ان يواسى الجرح
الذى حطم كبريائه وينتسب ولو زورا وبهتانا
الى الشجرة التى لفظته
وهو فى قمة المجد والسؤدد"
والجواز انعقد تانى ف 1904 وخلفوا 3 بنات
واعتزل الصحافة بعد كام سنة وبقى شيخ طريقة الوفائية
وسنة 1913 كان بيلاقى ربه ف عمر الخمسين !!
بعد معارك مضنية على كل المستويات !
واعتزل الصحافة بعد كام سنة وبقى شيخ طريقة الوفائية
وسنة 1913 كان بيلاقى ربه ف عمر الخمسين !!
بعد معارك مضنية على كل المستويات !
اما صفية السادات
اللى كانت ف عز عنفوانها وشبابها لسه
فوقعت ف غرام الممثل زكى عكاشة
من فرقة عكاشة المسرحية
واتجوزته وعاشت لحد سنة 1943 م
اللى كانت ف عز عنفوانها وشبابها لسه
فوقعت ف غرام الممثل زكى عكاشة
من فرقة عكاشة المسرحية
واتجوزته وعاشت لحد سنة 1943 م
وحافظ ابراهيم الشاعر الجميل يقرف من الحاصل
وينقده بكل دقة وببراعة ف قصيدة من اجمل قصايده
قائلا :
حطَمتُ اليراعَ فَلا تعجَبي وَعِفتُ البَيانَ فَلا تَعتبي
فَما أَنتِ يا مِصرُ دارُ الأَديبِ ولا أَنتِ بِالبَلَدِ الطَيِّبِ
وَكَم فيكِ يا مِصرُ مِن كاتِبٍ أَقالَ اليَراعَ وَلَم يَكتُبِ
وينقده بكل دقة وببراعة ف قصيدة من اجمل قصايده
قائلا :
حطَمتُ اليراعَ فَلا تعجَبي وَعِفتُ البَيانَ فَلا تَعتبي
فَما أَنتِ يا مِصرُ دارُ الأَديبِ ولا أَنتِ بِالبَلَدِ الطَيِّبِ
وَكَم فيكِ يا مِصرُ مِن كاتِبٍ أَقالَ اليَراعَ وَلَم يَكتُبِ
والحدوتة خلصت وفاضل الملاحظات
1)
الأطراف بتاعت القضية انا مش متعاطفة
مع أى حد فيهم حقيقى
لكن متعاطفة مع الفكرة نفسها .. حرية البنى أدم
راجل ولا ست ف اختيار شريك الحياة
وخصوصا الست
ورغم ان صفية كانت جريئة لدرجة كبيرة
متقدرش عليها بنات الأيام دى حتى
1)
الأطراف بتاعت القضية انا مش متعاطفة
مع أى حد فيهم حقيقى
لكن متعاطفة مع الفكرة نفسها .. حرية البنى أدم
راجل ولا ست ف اختيار شريك الحياة
وخصوصا الست
ورغم ان صفية كانت جريئة لدرجة كبيرة
متقدرش عليها بنات الأيام دى حتى
لكن من الواضح كمان ان تربيتها
خلتها مختلفة ومتمردة .. ودا يبان ف كل خطواتها
وبان حتى ف اختيارها لجوزها التانى !
هل الحاج ابو حنان مكنش شايف دا جاى ؟!
يعنى انتا كنت شايفهم بيحبوا بعض ومصرين ع الارتباط
ليه الغتاتة ؟!!
خلتها مختلفة ومتمردة .. ودا يبان ف كل خطواتها
وبان حتى ف اختيارها لجوزها التانى !
هل الحاج ابو حنان مكنش شايف دا جاى ؟!
يعنى انتا كنت شايفهم بيحبوا بعض ومصرين ع الارتباط
ليه الغتاتة ؟!!
2)
حوار الاستقواء بالعادات والتقاليد والشرع .. الخ
لاجبار الناس على الانفصال والتفريق
بشوفه شىء منحط جدا !
يعنى مقاطعته لبنته تأذى اكتر من كل اللى حصل
ف نظرى وبدل كل الدوشة دى !
لكنه النوع دا من المعارك مبيطهرش فيه الخساير
الا متأخرا وعلى رأى المثل
ف المحاكم الطرفين خسرانين
حوار الاستقواء بالعادات والتقاليد والشرع .. الخ
لاجبار الناس على الانفصال والتفريق
بشوفه شىء منحط جدا !
يعنى مقاطعته لبنته تأذى اكتر من كل اللى حصل
ف نظرى وبدل كل الدوشة دى !
لكنه النوع دا من المعارك مبيطهرش فيه الخساير
الا متأخرا وعلى رأى المثل
ف المحاكم الطرفين خسرانين
3)
جمال بدوى كان مبسوط قوى حركة الاضراب دى
وقال انها
"كان نظر قضية الزوجية امتحانا رائعا
لاستقلال القضاء الشرعى"
الحقيقة ان القضية لو كانت بوقائع مختلفة
والست هيا اللى معاها الحق
كنا هنشوف تخاذل وتكبير دماغ وتطنيش
لتنفيذ أى كفتة ف أى بتنجان
ولحد النهاردة بصراحة !
جمال بدوى كان مبسوط قوى حركة الاضراب دى
وقال انها
"كان نظر قضية الزوجية امتحانا رائعا
لاستقلال القضاء الشرعى"
الحقيقة ان القضية لو كانت بوقائع مختلفة
والست هيا اللى معاها الحق
كنا هنشوف تخاذل وتكبير دماغ وتطنيش
لتنفيذ أى كفتة ف أى بتنجان
ولحد النهاردة بصراحة !
فيه تضامن شبه جمعى كدا بعدم اشعار الستات بالقوة
فى اخد الحقوق عشان ميفتروش
ع الرجالة "الغلابة " يا عينى !
ونجيب من الشرع ما يؤيد ذلك
انما العكس لأ حتى
الخلع بيفكروا يلغوه
:)
فى اخد الحقوق عشان ميفتروش
ع الرجالة "الغلابة " يا عينى !
ونجيب من الشرع ما يؤيد ذلك
انما العكس لأ حتى
الخلع بيفكروا يلغوه
:)
وانا مش غاوية اغتت يعنى .
بس كان نفسى الاستنفار دا يكون ف المظالم التانية
مش ف قضية بنت اتجوزت بدون موافقة ابوها !
كنت هحترم الحكاية
لكن فيه قصة تانية ألعن وأضل سبيلا
بس كان نفسى الاستنفار دا يكون ف المظالم التانية
مش ف قضية بنت اتجوزت بدون موافقة ابوها !
كنت هحترم الحكاية
لكن فيه قصة تانية ألعن وأضل سبيلا
4)
وهى موضوع ان الفقر عار لا يزول حتى
بغنى صاحبه بعدين !!
ايه يا ولاد الوسخة الأفكار المنحطة دى
وبتلزقوها ف الدين كمان ؟!!
وزعلانين ان الناس وقتها كانت بتدور على جوازات
وشغلانات ترفع من نسبهم ؟!
طب دا كدا الرجل مغلطش
لما فكر يتخلص من العار بقى ؟!
الله يلعنكم
وهى موضوع ان الفقر عار لا يزول حتى
بغنى صاحبه بعدين !!
ايه يا ولاد الوسخة الأفكار المنحطة دى
وبتلزقوها ف الدين كمان ؟!!
وزعلانين ان الناس وقتها كانت بتدور على جوازات
وشغلانات ترفع من نسبهم ؟!
طب دا كدا الرجل مغلطش
لما فكر يتخلص من العار بقى ؟!
الله يلعنكم
5)
وانا بقرى بعض من مرافعة المحامى بتاع السادات
كنت بضحك جدا
أصله بيهين مهنة الصحفى وبيعتبرها دنئية
كنت عاوزة بس حد يقف ويقوله انك يا كابتن
من بتاع 10 سنين ويمكن أقل مهنتك كمحامى انتا كمان
كانت عار وفضيحة
ابو محمد فريد كان بيشتكيه للمقربين
انه عاوز يشتغل محامى ويعّر العيلة ويفضحهم !
وانا بقرى بعض من مرافعة المحامى بتاع السادات
كنت بضحك جدا
أصله بيهين مهنة الصحفى وبيعتبرها دنئية
كنت عاوزة بس حد يقف ويقوله انك يا كابتن
من بتاع 10 سنين ويمكن أقل مهنتك كمحامى انتا كمان
كانت عار وفضيحة
ابو محمد فريد كان بيشتكيه للمقربين
انه عاوز يشتغل محامى ويعّر العيلة ويفضحهم !
6)
وكنت طول القصة بفكر
ليه على يوسف عمل العداوت دى كلها
اللى خلت ناس ف مجال النخبة والمثقفين ما صدقت
انه وقع وسنوا سكاكينهم ؟
مظنش الغيرة مما وصل اليه
قد ما كانت موافقه مع الخديوى ضد مصلحة البلد
والجماعة الوطنية وقتها
هوه السبب الأصلى
لكن برضو دى نقرة ودى نقرة
وكنت طول القصة بفكر
ليه على يوسف عمل العداوت دى كلها
اللى خلت ناس ف مجال النخبة والمثقفين ما صدقت
انه وقع وسنوا سكاكينهم ؟
مظنش الغيرة مما وصل اليه
قد ما كانت موافقه مع الخديوى ضد مصلحة البلد
والجماعة الوطنية وقتها
هوه السبب الأصلى
لكن برضو دى نقرة ودى نقرة
يعنى انا شخصيا كشهرو مبحبش على يوسف
دا من زمان وعارفة موقفه السياسى
وبعتبر انه نال المجد ف حياته لبراعته وشطارته كصحفى
وكفى انما وقت الحقوق بقى
هوه من حقه اللى عمله حب واتجوز صحيح
وعادى التقاليد لكنه لم يعادى الشرع
والجوازة الاولى من صفية كانت صحيحة !
دا من زمان وعارفة موقفه السياسى
وبعتبر انه نال المجد ف حياته لبراعته وشطارته كصحفى
وكفى انما وقت الحقوق بقى
هوه من حقه اللى عمله حب واتجوز صحيح
وعادى التقاليد لكنه لم يعادى الشرع
والجوازة الاولى من صفية كانت صحيحة !
7)
واخيرا ..
القضية دى فكرتنى بقضية هند الحناوى والفيشاوى
بعد بتاع قرن تقريبا من الزمان
برضو فيها تمرد على التقاليد وفيها احداث كتير
رفضها الجانب المتزمت والمحافظ والرجعى من المجتمع
لكن ف النهاية ادت الى تغيير تغيير
تمنه غالى صحيح لكنه حتمى
وبيقول اننا مجتمع حى
واخيرا ..
القضية دى فكرتنى بقضية هند الحناوى والفيشاوى
بعد بتاع قرن تقريبا من الزمان
برضو فيها تمرد على التقاليد وفيها احداث كتير
رفضها الجانب المتزمت والمحافظ والرجعى من المجتمع
لكن ف النهاية ادت الى تغيير تغيير
تمنه غالى صحيح لكنه حتمى
وبيقول اننا مجتمع حى
ويا خويا الناس من 100 سنة واكتر
اهى كانت بتتكلم وتكتب وتعمل مسيرات
وتحصل بينها صراعات وناس قرفانة وناس مبسوطة
ومجراش حاجة يعنى دى علامة كويسة
على انه مجتمع بينقى نفسه حتى لو الواغش كتير .
اهى كانت بتتكلم وتكتب وتعمل مسيرات
وتحصل بينها صراعات وناس قرفانة وناس مبسوطة
ومجراش حاجة يعنى دى علامة كويسة
على انه مجتمع بينقى نفسه حتى لو الواغش كتير .
وعاوزين حد يقولى صورة روحى
وصفية فؤادى وعصفورتى
وانا أرد اقوله إلى مالك العصفورة
آخرااااشى يا لهوى
ومش عاوزينها تبقى قصة حب ملهلبة
تقطيع شرايين
وتغلب قصة حب ميرفت وعيلاء
انتوا بتهرجوا بقى
وصفية فؤادى وعصفورتى
وانا أرد اقوله إلى مالك العصفورة
آخرااااشى يا لهوى
ومش عاوزينها تبقى قصة حب ملهلبة
تقطيع شرايين
وتغلب قصة حب ميرفت وعيلاء
انتوا بتهرجوا بقى
وخلاص خلصنا
..
تصبحوا على ألف خير
-----------------------------
..
تصبحوا على ألف خير
-----------------------------
حلو ئوي
ردحذف