عن يوليو 1952 ... بالصور

الصور الليلة دى بموناسبة

ثورة تلاتة وعشين لولو يا ولاد 

وقولتلكم متاخدونيش بجد 
ومتاخدوش المواضيع على صدركم قوى 

الجيش المصرى 

يحاصر قصر عابدين

قصر عابدين ... 1952

البنوك 

أهم حاجة البنوك

 الدبابات حافظة السكة الظاهر .. ! 

الجيش يقوم بحركة عسكرية سلمية

وكلهم بيقولوا كدا ف الاوللللللل #بصوت_عمرو_دياب

آه توصلوه وترجعوا باليخت

عشان لسه مخلصناش الاقساط اللى عليه

على ماهر يشكل الوزارة

والجدع واقف جنبه بسلاحه آخر سلمية اهو

إخشع ياض

ايوه الغازية لازم تنزل  

لفيف من حظابيطابيط الاحرار

وصورونا 

واحنا واخدين بالنا

نجيب وقرارت الثورة 

جيش مصر مبيفكرش ف سلطة او نفوذ

بعض من تنظيم الضباط الاحرار 

احتفالات بمرور 3 شهور ع الثورة 

ف ميدان التحرير 

اقتراحات لتغيير شكل العلم

وف الآخر اختاروا اللى مفيهوش هلال ونجوم

 عشان يمحوا أى أثر للعهد السابق 

صورة كل العصور .. الريس

 واللى جاى بعديه واللى جاى بعديه

بيصلوا العيد والخشوع مقطع بعضه

ولا باين على وشهم حاجة .. ! 

مصر .. تكسر أغلال الظلم والاستعباد

واحتلال العنصر التركى والاجنبى

عشان تلبس قيد جديد

ويستعبدها ناس تانية من بنى وطنها 

سيادة اللوا والبكباشى

بيهنوا اخواننا الأقباط بعيد الميلاد

حركة المعلم من زمان اهو

يوغتى

وكتاب الله زمبقولك كدا

انا هشيلك 

وهمسك مكانك

وهحبسك بين أربع حيطان

ولحد ما اموت انتا مش هتخرج من مطرحك 

ولا انا هشوف وشك ! 

الفسبا الإيطالى 

ممكن ناخد لفة يا سينيور ؟

شيل نجيب وحط السيسى مفرقتشى

يا حبايبى الرسومات البائسة دى من زمان اهو 

طب نحب نطمنكم ان الفساد لسه مماتشى 

:))

الله ... 

حوار حططان وش اللى ف السلطة

 على تمثال أبو الهول من زمان بقى 

حسبى  الله ونعم الوكيل فيك يا فخرى ! 

الشعب بيحبك يا ريس

 بوسه من بوقه بوسه من بوقه

عبدالقادر عودة

وأحكام وقضايا واعدامات وهوجة 1954

دى طيارات الرفال اللى معدية فوقك دى

يا ريس برضك .. ؟!!!

لا يا ولاد ... جمال دا ابنى .. ! 

بقولك ايييييه 

انا خلقى ضيق

امضى وانتا ساكت لأكدرك ! 

انا بقول نمشيه بقى عشان زهقنا 

مينفعش انا بداله ؟؟!!

إرجع يا نجيب 

الناس حباك وعاوزينك

وهوه حد كان قاله يمشى 

 نجيب دا روحى روحى روحى

وقلبى كدا 

رجعناه وانبستطوا شوية

نشيله تانى 

وانا ربكم الاعلى الجديد 

مات الملك .. عاش الملك

ناصر 1956 ديليسبس يا بنى

واخيرا ... القنال إتأممت

نفس الواد 

اللى كان بيبوس نجيب من بوقه

  :)

السيساوية بتوع زمان اهم

بورسعيد بعد العدوان الثلاثى 1956 

ضفادع الجيش البريطانى

بتدور على اسلحة مخبينها المصريين ف القنال

قوات مصرية ف شارع عرابى - بورسعيد

مدرسة بورسعيد للمقاومة الشعبية بنات

 1956

 :) 

العدوان الثلاثى

الملك فاروق اللى كان ف فرنسا

وقت العدوان الثلاثى على مصر

يا لهوى ع البصة ! 

رد قلبى 

قصة حب وقصة شعب يا عيال 

عبناصر .. حديث العالم

الرصاص ف فنار بورسعيد

الطابع التذكارى لإعادة الملاحة بالقناة

بإيدى مصرية خالصة 1957

والخمسة مليون سايبين العشرتلاف دول

عايشين ليه ؟

أفرم يا ناصر ... !

عبناصر يخرج من الجامع الأزهر بعد خطابه الشهير 

انا رئيس الجمهورية

ورئيس الوزارة

ورئيس الإتحاد الاشتراكى

انا البيضة الكامنة اللى هتطلعلكوا ف كل حاجة

قولنا هنبنى وأدينا بنينا السد العالى

طب ولا هندسة براحته 

ريسنا شاطر ونازل مدّح ف المذاكرة  

مظاهرات التأييد 

و ... بالعافية 

#مصطفى بكرى ستايل

صورونى وانا بنتخبنى

و مش واخد بالى

- الواحد من مية راح فين يا رستم ؟!!!!

 - جارى البحث عنه يا فندممممم 

القسم

احنا جامدين قوى وميهمناش حاجة

احشد لنا بس ف الجماهير وكله هيبقى تمام

سيساويات واخوانيات زمان 

اللى عاوز يجرب .. يقرب

العالم كان شايف قدرات مصر وقتها

وان التطبيل كان سيد الموقف

الا الشعب نفسه !

الهزيمة 

خطاب التنحى  

ميدان التحرير

بعد هزيمة يونيو 1967

عبحكيم عامر ... طير إنتا 1967 

محاكمات ... محاكمات

شمس بدران خلف القضبان 

النكسة على غلاف التايم 

حرب الاستنزاف

 ومحاولة تصحيح الاخطاء

جنازة العظيم .. عبدالمنعم رياض 1969

الرحيل ... 1970

جنازة عبدالناصر ... 1 

جنازة عبدالناصر ... 2 

جنازة عبدالناصر ... 3 

صلاة الجنازة على عبناصر

اول نفرين من الشمال لو كانوا يعلمون خاتمتهم

 ما كانوا هيبتدوا يا ترى 

ولا مكنتش هتفرق ؟!!

عبدالناصر ف الكلية الحربية

وزملائه ف الدفعة يوسف السباعى

واحمد مظهر

خلاص كدا وعلى فكرة

مبحبش الملكية ولا من مهاويسها

بحب محمد نجيب كان راجل طيب بزيادة

وبحترم ف ناصر القليل من فعله

لكن برفض ظلمه 

وبرفض الظلم والطغيان والاستبداد

وسرقة واحتكار الاوطان

 ف زمنه وزمن غيره

 سواء اللى جم قبله أو بعده 

الجيش المصرى على راسى 

لكن قيادته العرر .. لأ

وألف لأ

وطبعا أكيد منيش اخوان 

ولا بحترمهم بأى شكل 

هما وأى متربح 

أومستعمل للدين للوصول لسلطة

وشكرا 

تصبحوا على ألف خير

-----------------------

WTHend @HendZayed 

المفروض نعمل مقولة فى مصر تقول
It's not personal, it's history

Rasha ‏@neversaydiee

 فاروق الخيخة ابن امه ...منه لله



Nelli ‏@NGeorgos 

لمن مات باسل الاسد ابن حافظ
من ضمن الصور اللي انتشرت له
(استغلال او ترسيخ شعبية؟؟)
 صورته بلباس الاحرام... نفس الكتالوج


 Hany Zaky ‏@Hany_Zaky  
الشيخ جنبهم مش مصرى
غالبا فلسطينى من العمامة




 لا تركن للظالمين ‏@rawan_o_6   o 

 بس والله القساوسة زمان كان وسهم سمح غير دلوقتي




 M AHMED ALEX ‏@sadbird1965

 نظرة مؤلمه



♌ Иaguib ‏@Naguibsm
 دا مصطفى بكرى



 الكبيرة قوي ‏@__Marwa____
  ده جينات متوارثة


Cindy ‏@CindyJanabi

وبرضه كانت النسوان بتحبه



M AHMED ALEX ‏@sadbird1965
 مخازن سيراميك ابو العينين


 

Alnabih ‏@Alnabih235
 واحد فالمائه الف


hanan alaaoden ‏@hananalaaoden
 دا 1 من الف ... دراع مواطن بس يافندم 

قالك 99,999% 
هههههههههههههه


WTHend ‏@HendZayed
 النسبة اتحطت على الطابع! يافضيحتشيييي
فضيحة تذكارية
عايزين طابع من دول لاولاد الثانوية العامة


 تويب مدنيه مش منتخبه ‏@ayuyaO_o

علي فكرة انا جدي الله يرحمه
 نزل فعلا مخصوص عشان يقول ﻷ
وانا كمان نزلت من استفتاء مارس وبقول ﻷ 




 Kozba ‏@AhmadKozba
 تفويض برضو؟؟

 mona ‏@monaheee
 يخلق م الميدان واحد وأربعين ..
واحد لينا والأربعين للحرامية و النصابين


@mahmoud25_1
لو كان هؤلاء موجودين يوم 26/7/2013  
كانوا نزلوا يفوضوا الـ# العر؟
فى قتل المصريين السلميين .


 WTHend ‏@HendZayed
 يا تري ايام عبناصر كان فى ناس زينا كده؟
مش اقصد الطبقة الملكية والبشاوات المتضررين
اقصد كان فى ناس عايشة التدليس وقرفانة؟!






 Hany Zaky ‏@Hany_Zak
 للأسف زاد عليها حساسية دينية،
الرسم مستوحى مباشرة من الصورة الشعبية
 لمار جرجس البطل الرومانى


 الچنرال بيكاتشوالأول ‏@General_Pikachu

الصورة الشهيرة للقديس ماري جرجس
وهو بيقتل التنين



 الكهربائي ® ‏@Basem_Barakat
نهار اسود ..دي صورة قديمة اصلا
 لقديس مسيحي اسمه مار جرجس 

دا ايه التقليد الاعمى ده

 HODA EL MASRY‏@ELMASRYHODA   

دي مستوحاة من مارجرجس



 Mohamed Hassan ‏@M7amd_Hass

شوفتي التعليق تحت الصورة 
دي اهم من الصورة




Ahmed Abdulla- زمش ‏@

غريبه انه ما اترماش من بلكونه..شكله محل ثقه

Ahmed Alazab @desertsurvayor

القذافي _ السادات _ النميري
_ بومدين _ عرفات
 ماحدش مات بدون شكوك على وفاته 
غير النميري

WTHend @HendZayed
ابن الباشا جنب ابن الجنايني 



Brain Damage @mshukry

ابن الظابط بقى جانينى يا انجى