الليلة دى هنحكى عن الكتب والمصادر
التى تلجأ لها شهرزاد فى اعداد بعض الحكايات
وبناء على سؤال متكرر من بعض الناس الطيبة هنا
بعد كل حدوتة يعنى نقرى ايه ف موضوع معين
او عموما؟
شهروزة هتقولكم ماذا تقرأ هى وتفعل
المهتم بالموضوع يخليه معانا
فيما يطلبه المتابعون
بادىء ذى بدء
أرجو انكم تسامحونى اذا كان الكلام غير مرتب
بشكل كافى لأنى اضطريت انزل كل مكتبتى
من ع الرفوف وأصنف حسب الموضوعات
وفيه حاجات طبعا متداخلة وفيه حاجات عندى
بصيغة الـ pdf
فمعلش لو مكنش الثريد مرتب بالطريقة الدقيقة
يعنى هنخلينا كظمانى والبساط أحمدى
على رأى الست شويكار جديدة
بتعرف على كتب جديدة
مع ملاحظة هاااااااااااااامة
ان الكتب دى حتى تاريخ كتابة البوست
وكل ما بحضر لحكايات
بتعرف على كتب جديدة
بتعرف على كتب جديدة
مع ملاحظة هاااااااااااااامة
ان الكتب دى حتى تاريخ كتابة البوست
وكل ما بحضر لحكايات
بتعرف على كتب جديدة
وبرفقها بالحدوتة فبصوا فيها برضو
فيه موضوع لطيف جدا وثرى بالحكايات
زى الحملة الفرنسية على مصر
فيه مصادر هامشية ومصادر اساسية
الأساسى مثلا
مظهر التقديس بذهاب دولة الفرنسيس
الجبرتى رقم واحد ف كل دول بكتابه
كمان الجزء الخاص بالحملة دى
ف كتابه العظيم الشهير بـ ... تاريخ الجبرتى
عجائب الآثار فى التراجم والأخبار
بعد كدا عندك كتب عبدالرحمن الرافعى
اللى اكثر تنظيما للاحداث
مكتوبة بشكل معاصر يعنى عن اسلوب الجبرتى
السلسلة دى اجزاء
تاريخ الحركة القومية وتطور نظام الحكم فى مصر
وفيه جزئين مختصين للحملة الفرنسية من اولها لآخرها
الكتاب دا مهم لانه من الضفة الآخرى
وفيه تفاصيل كويسة
بونابرت فى مصر : ج. كريستوفر هيرولد
الكتاب دا يتوارى خجلا جنب كتاب الجبرتى
لكن مصدر من المصادر التى بتذكر
ويعتبر من الضفة العثمانية ومفيش مانع يتبص عليه
مذكرات نقولا الترك
ودخلت الخيل الازهر : محمد جلال كشك
من الكتب الكويسة جدا برضو
لكن تنتبه وانتا بتقراه لتوجهات مؤلفه
والراجل الحقيقة يشبه الجبرتى كثيرا ف افكاره المتعصبة
لكن لا يمنع ان الكتاب ممتع ومميز
هذا الكتاب عظيم عظيم أعظم عظمات الستات ...
جهد كبير ومميز
اقتنائه لمن يهتم بالفترة دى وبيعمل دراسة مثلا انه يقتنيه
ولن يندم
الحملة الفرنسية وخروج الفرنسيين من مصر
محمد فؤاد شكرى
عن فترة المماليك بقى ...
طبعا أساسى فيه كتب لازم تتقرى
بس تدور فيها ف الفترات اللى انتا عاوزها ...
لان دى كتب مينفعش تتقرى من الجلدة للجلدة
يعنى تقرى فيها فترات المماليك من البدايات
لحد ما عاش المؤرخ
المقريزى - تغرى بردى - ابن اياس
وهما تناولوا فترات تسبق المماليك طبعا
عندك كتب ودرر
السلوك لمعرفة دول الملوك -المقريزى
النجوم الزاهرة فى ملوك مصر والقاهرة - بن تغرى بردى
بدائع الزهور فى وقائع الدهور - بن اياس
الكتاب دا حلو ومؤلفه راجل متميز ف شغله
تاريخ الأيوبيين والمماليك : قاسم عبده قاسم
الوزارة والوزراء فى مصر عصر سلاطين المماليك
محمد عبدالغنى الأشقر
من الكتب الحلوة برضو والمؤلف دا كمان شغله هايل
موضوعى ومكتوب بعناية
الكتاب دا بجزئيه ممتع جدا
وبيرصد حركة المال والسياسة والسلطة فى دولة المماليك
مصادرة الاملاك فى الدولة الاسلامية
(عصر سلاطين المماليك ) : البيومى اسماعيل الشربينى
تويتة مستقطعة بقى ....
سلسلة " تاريخ المصريين " بالطبعات القديمة
أو الجديدة بشكلها المختلف ف الحجم والغلاف ...
متميزة جدا
وفيها شوية كتب مفتخرة وآخر ابهة
لما تلاقيها على الرف اديها وقت
وبص فيها هتجد غالبا ما يسرك
الكتاب دا هايل ...
هوه والجزء الخاص بالغزو العثمانى
فى تاريخ ابن اياس
يعتبرا المصدرين الاولين والأساسيين
لأى حد عاوز يعرف ماذا حدث قبل واثناء وبعد
غزو سليم الأول مصر
واقعة السلطان الغورى مع سليم العثمانى : ابن زنبل الرمال
دى طبعة قديمة للهيئة العامة المصرية للكتاب
ومشوفتوش تانى عندهم للأسف .. فهتلاقوه ع الأرصفة
الكتابين دول لجمال الغيطانى
فيهم كتير عن المماليك وتاريخهم
ممتعين وخفاف لطاف
قاهريات مملوكية
ملامح القاهرة فى ألف سنة
دا تحديدا يصلح كهدية لطيفة لحد بيحب تاريخ مصر عموما
من سيرة المماليك : جيهان مامون
برضو ينتمى لنفس الفئة
تجميعات عن تاريخهم ومبسط ولطيف
المجموعة الجاية دى بقى ... من أمتع ما يكون لانها
مصر فى عيون المستشرقين والرحالة
والمحبين الواقعين ف غرامها من الغرب
كتبهم مميزة لأن اصحابها - أغلبهم- كتب اللى مقدرش
يكتبه اهل البلد
خوفا طبعا من البطش
او حبا لدرجة اخفاء العيوب احيانا
أو لأنه جزء من الصورة ومش عارف يشوفها كويس
طبعا كتاب وصف مصر باجزائه المختلفة
ولوحاته العظيمة فى مختلف الاتجاهات والموضوعات
المؤلف علماء الحملة الفرنسية
والمترجم .. العظيم زهير الشايب
سيرة القاهرة – ستانلى لينبول
من الكتب اللطيفة جدا
وبيستعرض تاريخ المدينة العريقة وحكامها وعمارتها
فى العصور التاريخية المتعاقبة على بناء القاهرة
المصريون المحدثون : إدوارد وليم لين
من الكتب المهمة لدراسة الانسان المصرى
ف زمن محمد على
فيه طبعتين مختلفتين لان المترجم مختلف
لكن أي واحد فيهم تلاقوه هاتوه
والناشر طبعا مختلف مكتبة مدبولى
والهيئة المصرية العامة للكتاب
وأوعدكم لن تندموا
كتاب العادات والتقاليد المصرية لـ جون لويس بوركهارت
الشهير بالشيخ ابراهيم
مرة شهروزة حكت عن الكتاب دا
والمؤلف هارش محمد على سنكفولة وديكتاتوريته
وكارهه عشان كدا حبيته واحترمته الحقيقة راجل بيفهم
:)
الكتاب فيه تجميعة لأشهر الامثال فى زمن محمد على
لمحة عامة إلى مصر ... لـ كلوت بك
دا كاتبه الاخ اللى جه مصر حافى
وبقى له شنة ورنة ف عصر محمد على
الكتاب فيه نظرة موسوعية لمصر صحيح
وفيه معلومات مميزة مش ف كتب تانية عن نفس الفترة
بس تتحسس من سطوره ان الراجل عاوز ياكل عيش
ومبيحبش ينتقد الا سلوكيات المواطن وبس
والنظام زالفل وكدا
#اللى_بيقبضونا_معلش
شامبليون فى مصر – الرسائل والمذكرات
الكتاب دمه يلطش بصراحة ..
ربما لأن كاتب الرسايل راجل علم بحت
وملوش ف الكتابة قوى
بس هوه مرجع مهم للشخصية دى وللفترة دى
ولموضوع الاثار فى مصر عموما
رحلة الى مصر : رحلة الى بلاد العرب وما حولها جزء اول
لـ – كاريتن نيبور
الراجل دا زار مصر ف العصر العثمانى
مقلش كلام كتير بس تقدر تفهم من وصفه مدى فوضوية
وهرجلة مصر ف هذا العصر
القاهرة وضواحيها : دى فوجانى
احد المستشرقين الفرنساوية اللى زار مصر
ولف فيها ووصفها أيام الخديوى توفيق
كتاب لطيف ومهم للى بيبحث فى تاريخ الاماكن
والشوارع والمساجد فى عهد توفيق بعيون اجنبية
الموالد فى مصر : لـ ج و مكفرسون
من الكتب المميزة وبتحكى عن الموالد فى مصر بالتفصيل
من واحد عاشق الحكاية دى بشكل مريب
فكرنى بالسفير الامريكانى اللى كان قبل الثورة
اللى كان مدروش وغاوى موالد دا
تحفة النظار فى غرائب الأمصار : ابن بطوطة
والجزء الخاص بالرحلة فى مصر ومدنها ..
حاجة لطيفة ومهمة ف رصد الحتت دى
ف الزمن دا بعيون رحالة عربى
الإفادة والاعتبار فى الامور المشاهدة والحوادث المعاينة
بأرض مصر : عبداللطيف البغدادى
الراجل دا حضر مجاعة حصلت فى مصر
ايام حكم السلطان العادل الايوبى ...
لما الناس بقت تصطاد بعض وياكلوا لحوم البشر
فى تكرار مرير للشدة المستنصرية الفاطمية
كتب مهم لرصد الفترة المدهولة دى
مذكرات الساسة بقى اللى كتموا على نفسنا
فى سنوات الاحتلال
وبعدين كتبوا مذكرات ما بعد الاعتزال
وبعدين كتبوا مذكرات ما بعد الاعتزال
عشان يلموا الغلة ويعملوا أى منظر
ويكأنهم ناس موضوعين وحياديين وكدا
مذكرات نوبار باشا
هوه بغض النظر ان مبقاش فيه الا طبعة دار الشروق
المعدية الـ 100 جنيه بالمستريح للاسف
لكن الراجل دا عاصر عدة حكام
ومذكراته مهمة فى تناول أى حقبة فيهم
#مغرضين_يامه_يانا_ياهبة
بس عينك تبقى ف وسط راسك برضو وانتا بتقراله
مصر وكيف غُدر بها : ألبرت فارمان
ودا كان القنصل الامريكى فى عهد اسماعيل
وتوفيق من بعده وحضر لحظة احتلال انجلترا لمصر
وحكى عنها وعن أشياء اخرى فى كتابه
الثورة العرابية : اللورد كرومر
ورصد لتاريخ مصر قبل واثناء وبعد الحدث الكبير دا
بعيون انجليزية .. وليست ككل العيون يعنى
القاهرة فى الحرب العالمية الثانية – ارتيميس كوبر
دا كمان من الكتب اللطيفة عن مصر ف الحقبة دى
مصر الخديوية نشاة البيروقراطية الحديثة : ف روبرت هنتر
الكتاب دا ممتاز
بيحكى عن نشاة الطبقة الأقطاعية المتسلقة
اللى خلقها محمد على وغذاها نظام الخديوى اسماعيل
بشكل خلاها تتوحش وتستنزف البلد ف كل الاوقات
اقتصاد مصر المتضفر بالنفوذ السياسى بعيون اجنبية
الكتاب دا بقى من ألطف ما يكون ...
مصر فى عيون الغرباء لثروت عكاشة
لو لقيتوه هيكون غالى بشكل مزعج
لكن لحسن الحظ موجود pdfع النت ومتاح بجزئيه
اللوحات بجمالها حاجة ممتازة
والسرد ف الجزء الخاص بالتاريخ
وعمارة شارع المعز .. حاجة مميزة فعلا
من الناس اللى مش واخدة حقها برضو
أدريس أفندى فى مصر : مذكرات الفنان والمستشرق الفرنسى
مذكرات برايس دافين الشهير بإدريس افندى
طرقعلهم كلهم وتحيز للفلاح المصرى
كتب ملاحظاته عن مصر من عهد محمد على
لحد أوائل عهد اسماعيل
مرة شهروزة هتعمله حدوتة تتكلم عنه
وعن كتابه ان شاء الله
وعمل كمية لوحات لمصر وأثارها القديمة
والاسلامية حاجة أخر ابهة
طيب دول الأجانب والغرباء
ماذا عن المصريين والتراكوة قاطنى البلاد ؟
الكتب الجاية دى عن فترة محمد على وما بعدها
من تاريخ مصر الحديث يعنى
كل رجال الباشا : لخالد فهمى
الكتاب دا مينفعش ميكونش فى مكتبتك
وضمن مقتنياتك عن تاريخ مصر
خصوصا ف الحقبة دى
جهد معتبر وتحليل رصين وكل مرة تفتحته وتقراه
هتحس انك عرفت حاجة جديدة
واذا كان خالد فهمى محايد وموضوعى ف رصده
لفترة محمد على
فالاخ جيلبرت سينويه من الواقعين ف غرام سنكفولة
الفرعون الاخير محمد على
الكتاب مميز لان فيه تفاصيل لطيفة ومسلى الحقيقة جدا
وطبعا أساسى
عصر محمد على : عبدالرحمن الرافعى
كتاب تقويم النيل : امين سامى
اللى بيرصد فترات متلاحقة للعصور المختلفة
من تاريخ مصر والنيل من زمان
ويمشى عليها بسرعة لكن لحد العصر الحديث
وعن الاسرة العلوية والحكومة وأوامر الوالى والخديوى لها
وتشكيلات الحكومات والوزارات والمديريات الخ
يبتدى يتكلم بالتفصيل الممل الممتع جدا
كتاب لو لقيتوا كل اجزائه اقتنوه ويبقى كنز
الجيش المصرى فى الحرب الروسية المعروفة بحرب القرم
صفحات من تاريخ مصر فى عهد محمد على – الجيش المصرى البرى والبحرى
كلها كتب للأمير عمر طوسون
وهوه صحيح الراجل كان من الاسرة الحاكمة
لكن كتبه مميزة ومهمة فى تاريخ الجيش المصرى
فى فترات متتابعة
مصر فى عهدى عباس وسعيد – زين الدين شمس
كتاب مهم لرصد فترة عهد عباس حلمى الاول
ومن بعده سعيد
مذكراتى فى نصف قرن : احمد شفيق
الراجل دا اتربى فى قصر عابدين
وتدرج لحد ما بقى رئيس الديوان الخديوى
عاصر اسماعيل وتوفيق ولمع فى عهد عباس حلمى التانى ..
كتاب مهم لمتتبع التاريخ
وانا شخصيا ملقتش منها غير 3 اجزاء عند الباعة
بتوع الرصيف
قناة السويس 145 عاما قراءة فى مشهد الافتتاح
ودموع اوجينى
محمد عبدالله عيسى
...
الكتاب دا لطيف وخفيف للى عاوز يقرى فى احتفالات قناة السويس وما صاحبها بشكل بانورامى كدا
وطبعا لازم نشوف
عصر اسماعيل : عبدالرحمن الرافعى
جزء 1 جزء 2
عن الثورة العرابية
عرابى ورفاقه فى جنة آدم
القوى الاجتماعية فى الثورة العرابية
لطيفة محمد سالم
أغلب كتب الست دى مهمة ومتميزة الحقيقة
فلما تلاقى اسمها على غلاف كتاب
تصفحه باهتمام وغالبا هتشتريه
مذكرات الامام محمد عبده
اللى كان قارش ملحة عرابى ومخنوق منه
كتاب مهم برضو لانه كان من كارهى محمد على
لكنه من النخبة الاصلاحية بتاعت براحة وبشويش
والثائر يهدأ ليبنى الدور التانى والقصص دى ...
الثورة العرابية للورد كرومر
اللى كان شايفها ثورة مصرية خالصة رغم انه المحتل
ومذكرات احمد شفيق
اللى كان قلبا وقالبا مع الخديوى توفيق والقصر ربيب نعمته
وطبعااا :
الثورة العرابية والاحتلال الانجليزى: عبدالرحمن الرافعى
وف مرة هنعمل بوست للمذكرات بتاعت الساسة
والناس المهمين ان شاء الله
وف مرة هنعمل بوست للمذكرات بتاعت الساسة
والناس المهمين ان شاء الله
الكتب الجاية عن الاقباط واليهود فى مصر
بمختلف العصور
تاريخ الاقباط : المقريزى
أقباط ومسلمون منذ الفتح العربى الى عام 1922 :جاك تاجر
ملف اليهود فى مصر الحديثة : عرفة عبده على
أهل الذمة فى مصر من الفتح الاسلامى الى نهاية المماليك : قاسم عبده قاسم
مجموعة الكتب الجاية دى
من احب الكتب لقلبى ...
بتتكلم عن مدينة القاهرة وتخطيطها
وتطورها عبر العصور ...
وبما انى من المغرمين بشوارع القاهرة ومبانيها
فكل ما الاقى حاجة كدا مبتأخرش واجيبها
القاهرة : شحاتة عيسى ابراهيم
الاصول التاريخية لمؤسسات الدولة والمرافق العامة بمدينة القاهرة - 11 جنيه
دراسات فى التطور العمرانى لمدينة القاهرة - 25 جنيه
كل دول لمؤلف متميز ف عرضه اسمه
فتحى حافظ الحديدى
التطور العمرانى لشوارع مدينة القاهرة
معدى الـ 100 غالبا
لانه عندى
pdf
وحجمه كبير
القاهرة فى عصر اسماعيل : عرفة عبده على
شوارع لها تاريخ : عباس الطرابيلى
قاهرة اسماعيل – باريس على ضفاف النيل
القاهرة شوارع وحكايات
القاهرة جوامع وحكايات
الكتابين لـ : حمدى ابو جليل
متعة فى سرد تاريخ الأمكنة بشكل مبسط ولطيف
وجه مدينة القاهرة
من ولاية محمد على حتى نهاية حكم اسماعيل
محمد حسام الدين اسماعيل
..
الكتاب دا رائع وفيه مجهود محترم
تاريخ المساجد الأثرية : حسن عبدالوهاب
بجزئيه
كتاب متميز عن تاريخ المساجد فى مصر
وحتى عهد الملك فاروق ما استجد ف ترميمها
وأغلب كتب الراجل دا تستحق الاطلاع عليها الحقيقة
بس دا ممتاز
المعماريين المصريين الرواد 1919 - 1952 : شيماء سمير عاشور
كتاب مميز فى موضوعه عن عمارات وسط البلد وغيرها
ومهندسيها وصور وتصميمات
وسير ذاتية عن المعماريين ف الحقبة الزمنية دى
وعن الاسكندرية فى عصور مختلفة
تاريخ مدينة الاسكندرية فى العصر الاسلامى : جمال الدين الشيال
الاسكندرية فى العصر العثمانى : ناصرة عبدالمتجلى ابراهيم
الاسكندرية تاريخ ودليل : ا م فورستر
مدينة الاسكندرية : محمد صبحى عبدالحكيم
وعن الجاليات الأجنبية
تاريخ الجالية الارمنية فى مصر : محمد رفعت الامام
اليونانيون فى مصر : سيد عشماوى
الكتب الجاية بقى محبتش أصنفها تحت موضوعاتها
... لأنى أرشحها للاقتناء علطول
بشكل عام ف أى كان التناول
لانها مميزة
الوجه الآخر للخلافة الاسلامية : سليمان فياض
واضح طبعا من عنوانه انه يتناول الخلافة الاسلامية
وشخوصها بشكل مختلف عن الهالة و التقديس المعتاد
المجتمع فى مصر الاسلامية : هويدا عبدالعظيم رمضان
عندى جزء من الفتح العربى الى العصر الفاطمى
اشتريته من ع الرصيف
عموما أى كتاب تلاقوه من السلسلة دى مميز
معجم تيمور الكبير للألفاظ العامية : احمد تيمور
الامثال العامية : احمد تيمور
تاريخ الترجمة والحركة الثقافية فى عصر محمد على
دراسات فى التاريخ الاسلامى
الاتنين لـ جمال الدين الشيال
الراجل دا كتبه متميزة
مؤرخو مصر الاسلامية ومصادرالتاريخ المصرى
محمد عبدالله عنان
الكتاب دا مهم جدا وتلاقوه تشتروه علطول
بيستعرض مؤرخى مصر وأعمالهم
من اول بن عبد الحكم لحد الجبرتى
ميزة الكتاب انه بيعلمك ازاى تدور عند مين وفين
ف أى حقبة انتا عاوزها .. مهم والله ومسلى كمان
العيب فى الذات الملكية: سيد عشماوى
من الكتب المهمة وبتسرد على مر العصور
سخرية المصريين من حكامهم .. كتاب ممتع
مصر المدنية : يونان لبيب رزق
الكتاب دا قليل بتاع 160 صفحة كدا
بس دسم وقيم وفيه تحليل عميق لتغير المجتمع المصرى
وطبقاته
وبيقولك ببساطة ازاى ان مصر كانت بتتحرك للامام
وعلى اكتاف مين
يستحق القراية والاقتناء
والأستاذ يونان راجل محترم ومجتهد ويتقريله يعنى
والأستاذ يونان راجل محترم ومجتهد ويتقريله يعنى
أفكار ضد الرصاص : محمود عوض
عن شخصيات وقفت قصاد الانظمة المتجبرة
زى الكواكبى وغيره
وعموما أى حاجة لمحمود عوض تدوسوا فيها وانتوا مطمنين
كان راجل جميل وظلم كثيرا .. الله يرحمه
مجتمع القاهرة السرى : عبدالوهاب بكر
من الكتب المتميزة ودراسة عن عالم البغاء فى مصر
فى حقبة زمنية فارقة وقرايته ممتعة فعلا
وشارحة لظواهر اخرى مجاورة للمهنة المؤسفة دى
كنت رئيسا لمصر : محمد نجيب
وفيه كتب بقى بعتبرها خفيفة للناس اللى بتستقل القراية
وعاوزة حاجات سريعة ومقتضبة عن التاريخ
وعاوزة حاجات سريعة ومقتضبة عن التاريخ
مثلا الكتابين دول :
مصر من نافذة التاريخ
محمد على وأولاده
لـ جمال بدوى
وأغلب كتبه خفيفة ولطيفة
وأغلب كتبه خفيفة ولطيفة
مسافر الى مصر : محمد جمال
( كتاب لطيف يحكى عن تاريخ اشهر فنادق مصر)
القاهرة المدينة الذكريات : رشا عدلى
الأخرانيين دول كلها كتب خفيفة بنظرة عامة
وينفع تبدأ بيها القراية ف موضوع كبير زى تاريخ مصر
فيه بقى مؤلفين ...
لما تشوفلهم مقالة او كتاب
تركز انه هيكون كويس ان شاء الله وممتع
فيه ناس ممكن تمزج التاريخ بالرواية
زى جمال الغيطانى مثلا ف الزينى بركات
واوراق شاب مات من ألف عام
وفيه ناس بتمزج التاريخ بشوية شاعرية ودراما
زى محمد المنسى قنديل
فى
شخصيات حية من الاغانى و لحظة تاريخ
فيه ناس زى عبدالرحمن الرافعى .. مؤرخ زى الفل
بس متحيز للأسرة العلوية
فلما تقراله تبقى عينك ف وسط راسك
اول ما تيجى سيرة حد من اول محمد على لحد احفاده
فيه حد بقى .. تقراله وانتا مغمض كدا
ومتاكد انه فى درجة عالية من النزاهة اثناء العرض للوقائع
واغراقه فى التفاصيل الممتعة والتحيز للحق
وانسى خالص اخر كام سنة وافتكر كل ما قبلها
انه عم .. صلاح عيسى
كم الجهد المبذول فى كل كتاب مبهر فعلا
وأى كتاب هتقراه لو انتا من محبى التاريخ
هيمتعك ومش هتزهق من التفاصيل ابدا
وهيكون سهل عليك بعد اول كام كتاب
تعرف قد ايه الراجل دا كان عاشق لمصر وللحق
معرفش بس ايه اللى جراله اخر سنة
بحاول اقنعنى انه كبر السن
وبحاول انسى الفترة دى
والزغلولة الكبيرة بقى ...هوامش المقريزى
والزغلولة الكبيرة بقى ...هوامش المقريزى
.. الملخص
اى كتاب له عاملوه بكل احترام
وله كتاب عظيم عن فترة عرابى
وله كتاب عظيم عن فترة عرابى
اسمه ... الثورة العرابية
اخيرا ...
الكتب الموسوعية اللى واخدة قطاع عريض
اما من موضوع معين او زمن معين
ودى بتبقى اجزاء كتير وصعب اقتنائها
الا لو كنت اقطاعى او سارق بنك
او ماتلك عم ف البرازيل حاجة كدا
وربنا يخليلنا حينئذ الـ
pdf
مش هنقول لأ
خد عندك بقى فى تاريخ مصر من البدايات
وحتى وقت وفاة كل مؤرخ
النجوم الزاهرة فى ملوك مصر والقاهرة – بن تغرى بردى
تاريخ المقريزى
تاريخ الجبرتى
تاريخ ابن اياس
وعن تاريخ القاهرة وشوارعها وحارتها ومبانيها الخ
المواعظ والاعتبار بذكر الخطط والآثار
الشهيرة بـ ... خطط المقريزى
واللى على نسقها اتعملت فى العهد الحديث
الخطط التوفيقية : على مبارك
واخيرا عشان عارفة
كرهتونى
بس كان لازم اكمل الثريد للاخر
عشان يبقى يبقى متكامل ...
طبعا مش دى بس الكتب اللى بعتمد عليها
ف تحضير أى قصة ...
دى مجرد مصادر اولية واساسية
وبعدين ربنا يخليلنا النت
نجوجل ونسيرش نلاقى كم لا بأس به من المقالات
والمصادر والصور وحاجة فل الفل
دا شمهورش على رأى دكتور كان عندنا ف الكلية
وهوه بيحكى عن محركات البحث
وازاى ان زمان كان أى باحث يقعد يدور
ويكتب قايمة ويجرى ف كذا حتة عشان يلاقيها وافلام
دلوقتى بكبسة زر تعرف تلاقيها من أى حتة
ف اخر العالم حتى وممكن جدا تلاقى النص نفسه منشور
ومتاح
زمان يا عينى كانوا محتاجين شمهورش
يحضرلهم الحكاية دى
احنا الحمدلله مش محتاجينه خلاص
:)
ولما تبقى عاوز تتحقق من رواية او قصة
هديكم مثال مثلا .. قصة مظاهرة عابدين الكبرى
لما عرابى راح قصر عابدين
ف مظاهرة مع تشكيلات الجيش
وكلم الخديوى وقاله لقد ولدتنا امهاتنا احرارا الخ
المخسوف الجهول ابراهيم عيسى مثلا
نفى الواقعة دى وقال محصلتش !!
قوم ايه ؟
ببساطة رجعت لمذكرات اطراف مختلفة
كانت حاضرة فى هذا الزمن
زى عرابى ومحمد عبده
واحمد شفيق ممثل القصر واللورد كرومر ممثل الاحتلال
وكلهم رغم اختلاف المشارب يعنى اجمعوا
على حدوث الوقفة دى مع بعض التفاصيل المختلفة
فسردت الحدوتة بناء على ذلك
مع الاستعانة طبعا بمصادر اخرى هامشية
فيما يتعلق بمنين نجيب الكتب دى ؟؟
اغلبها انا شاريه من
الهيئة المصرية العامة للكتاب
فى وسط البلد من فروع شريف وفؤاد والتوفيقية
وعندك دار المعارف برضو
وطبعا مكتبة مدبولى فى ميدان طلعت حرب
ودار الشروق مبدخلهاش الا للشديد القوى لان اسعارهم
بقت زفت لكن بدخل اتسنكح واتفرج بس
وكتب كتير بجيبها من باعة الارصفة عند محطة الاسعاف
وفيه مطبوعات قصور الثقافة بتتباع
فى مكتبة سنابل فى وسط البلد قرب وزارة الأوقاف
عندهم كتب حلوة ورخيصة
وفيه المركز القومى للترجمة اللى فى الاوبرا
ومدخله عند كوبرى الجلاء
...
وأى حاجة تستعصى عليا بنزلها
pdf
وخلاص الواحد مضطر يعنى
العزيز الغالى
@3ala2_nabil
نبهنى انى ف تويتة دى حطيت غلافين
لطبعتين مختلفتين
لطبعتين مختلفتين
لنفس الكتاب
وهوه الامثال العامية لأحمد تيمور
بينما فيه كتاب
معجم تيمور الكبير للألفاظ العامية : احمد تيمور
معجم تيمور الكبير للألفاظ العامية : احمد تيمور
دا هتلاقوه على اجزاء حسب الحروف
ومنطبعش منه حاجة حديثة من سنة 1994 للأسف
فهتلاقوا اجزاء متفرقة عند باعة الأرصفة
الناس اللى هتاخدها رجلها لزيارة متحف الفن الحديث
وهما خارجين هيلاقوا
book shop
على يمينهم فيه لوحات وحاجات تذكارية
هتلاقوا كما مجلدت بيضاء كبيرة
عبارة عن اعداد كتبها متخصصين ف التاريخ
عن مقتنيات المتحف
اشتروها يا ولاد
حلوة وثرية بالمعلومات
الناس اللى زى حالاتى وغاويين يقروا القديم
ولا يتوفر منه طبعات جديدة
فبنلجأ لباعة الارصفة
فيه كام سلسلة كدا لما تشوفوهم ع الارض تاخدوا الكتاب وتحترموه كدا وتبصوا فيه كويس
لإن الناس زمان كانت بتعرف تختار الثمين فعلا
والصالح للنشر والفايدة ..
عشان غالباااا هيعجبكم
مثلا
أى حاجة من سلسلة كتاب روزاليوسف القديمة
يستحق الاهتمام
أى حاجة من سلسلة كتاب الهلال القديمة
والقديمة نسبيا يعنى ... تستحق الاهتمام
سلسلة إقرأ بتاعت دار المعارف فيها مجموعة كتب كويسة
تستحق الاهتمام برضو ...
وعندهم كل كتب محمود عوض تقريبا
وكتب عبدالرحمن الرافعى
وعندهم كتب حلوة للاطفال بأسعار متفاوتة
والمكتبة الخضراء وتان تان واستريكس واوبليكس
ولاكى لوك
لسه بيعيدوا طبع (بعض) اعدادها
سلسلة صفحات من تاريخ مصر بتاعت مكتبة مدبولى
برضو فيها كتب .. تستحق الاهتمام
أى كتاب فى سلسلة كتاب أخبار اليوم القديمة
تستحق الاحترام والاهتمام
أيام ما كان ماسكها ناس متخصصة وبتفهم
أى كتاب فى سلسلة تاريخ المصريين اللى بتصدره
الهيئة المصرية العامة للكتاب .. يستحق الاهتمام
مصر :ولع فرنسى
الرحلة الكبرى للمسلة
علماء بونابرت فى مصر
كلهم للمؤلف : روبير سوليه
بالترتيب فى الجودة كدا ...
الراجل دا كتبه عن مصر
وعلاقتها بفرنسا على مر الازمنة حاجة متميزة
وتستحق القراءة
أى حاجة فى
سلسلة التاريخ الجانب الآخر
إعادة قراءة للتاريخ المصرى
إعادة قراءة للتاريخ المصرى
لدار الشروق .. تستحق الاهتمام
ما زالت الاصدارات القديمة من مكتبة الاسرة هى الأقيم
صحيح بيعيدوا نشر حاجات تانى
لكن فيه حاجات مبقتش يتعاد طبعها
بالنسبة للناس اللى قرت كتاب عن موضوع
او شخص ما
او شخص ما
وعاوزة مصادر اكتر للقراية
تعمل ايه ؟
بسيطة جدا
بسيطة جدا
قايمة المراجع اللى ف نهاية كل فصل أو الكتاب كله
دى حيلة لطيفة اتعلمناها زمان ف الكلية
وكل باحث بيتعلمها
الا وهى
القايمة دى بتقولك المؤلف اعتمد على ايه بدقة
بص فيها وهتلاقى أكيد اللى ينفعك
وهتكتشف ان فيه كتب مسمعتش عنها قبل كدا
اللحظة دى .. بتاعت الاكتشاف يعنى تعتبر
متعة ما بعدها متعة لمحبى التاريخ والله
هنا ع النت مفيش أكتر من المقالات
ومن المصادر نفسها
pdf
فكل ما عليك انك تعمل سيرش وتحمل الكتاب وشكرا
فيه موقع لطيف قوى للى حابب عمارة وسط البلد
وتاريخها اسمه ... منطقتى
مقالات خفيفة وصور متميزة
الراجل المحترم دا
بينزل كل شوية لينكات لمواقع بحث
وفيها كم هايل من الأرشيفات فى الموضوعات
والفروع المختلفة
الحساب دا
بينزل صور ورعة للقاهرة وشوارعها ومبانيها
ومصر عموما ... فولو ولن تندموا
الحساب دا
مختص بصور قديمة ونادرة لمدينة بورسعيد
برضو جهد كويس جدا
أما دول بقى
فدول ف الحتة الجوانية من الـ ♥ كدا
فيهم اللى بيوصف مصر بالكاميرا
أو بوصف صورة أو معلومة أو بحكاية ...
مصر بعيونهم حاجة تِشرح القلب
وتذهب الحزن والله
وتذهب الحزن والله
بحبهم جدااااا
وسامحونا طولنا عليكم ...
ارجو الثريد يكون مفيد للى يقراه يعنى
كان معكم شهروزة اللى بترغى وتصدعكوا كالعادة من على المصطبة ... عابدين ... القاااااااهرة
...
وتصبحوا على الف خير
ليست هناك تعليقات:
إرسال تعليق