الحدوتة النهاردة من كتاب الممتع
حكايات من دفتر الوطن
لصلاح عيسى
أيام ما كان صلاح عيسى
والكتاب من مطبوعات الهيئة
وبـ 10 جنيه بس ياعيال
ولا امتع من سرده وتعبيراته
والحلويات اللى فيه
اشتروه على مسئوليتى
ولن تندموا ابضننننننن
وقالك آل الكلب "بحر" شم ريحة مخدرات
ف عربية سيات الياشا الموشتشار
راح مهوهو
الكلب مش الباشا
وكانت فضيحة للقضاء الشامخ
وناس ازبهلت كيف يتأتى ذلك
وبالنظر الى التاريخ
وفترة شبيهة بأيامنا تلك
هنلاقى ان الحكاية مش عجيبة بالمرة
وفلاش باك الى عهد قنصوه الغورى
وآنص دا بقى بالذاااات
أعز من سامى
يعنى روحى روحى روحى
بحبه ومعلقاله صورة فوق البوتجاز
كل ما اجى اطبخ ابص لسامى كدا
.. احبه احبه يعنى
والحقيقة هوه يتميز عن سلاطين المماليك
بشوية حاجات من حظه ومن نصيبه
خلته يكون مسك ختامهم الزبالة
وعلى رأى عيسى
المماليك بدايتهم كنهايتهم
اول سلاطينهم فعليا كانت شجر الدر
واخرهم كان الغورى
والاتنين ماتوا موتة فاجعة
اما طومان باى الجدع العِترة ..
دا ميتحسبش منهم الصراحة
المهم
حدوتة الليلة
عن فضيحة هزت عرش قضاء مصر
أطرافها كانوا قضاة
الجانى والحكم ..
والسلطان معاهم فوق البيعة
وبيقولك يا سيدى ان الفاطميين
كانوا مغلبين المذهب الشيعى
قوم لما زالت دولتهم
على ايد صلاح الدين الايوبى
الجدع تحيز للمذهب الشافعى جدا
وكان هوه المعمول به فقط
ف القضاء والاحكام
لحد ما تلك الأيام نداولها بين الناس
وجم المماليك وحكموا
بيبرس قالك ليه مذهب واحد بس ؟!!!
وأمر بتمكين القضاة
من تطبيق المذاهب الأربعة
ف احكامهم وميجراش حاجة
مع شوية تركيز على قاضى الشافعية
بما له من برستيج وقِدم وكدا
كويس ؟
آه كويس
الى حد ما ...
لكن بما ان مصر ام العجايب والنوايب
ومعمولها عمل على سنام جمل
تاه ف الصحراء ولا رجعشى
ففى عصورالانحطاط حدث الآتى
قالك ان الوظايف العليا ف مصر
كان بيدفعلها "المعلوم" حرفيا
يعنى أى واحد عاوز وظيفة ف الوزارة والدواوين
وكمان القضاء .. يدفع ويبرز وينجز!
طبعا ف البداية كان الموضوع بيتم
على استحياء وكل حى بحكم علاقاته
بالامراء ومحاسيبهم الخ
بعد شوية بقى الفُجر عينى عينك
واتعمل ديوان " البرطلة"
"البرطلة" يعنى رشوة
يعنى الوظيفة تفضى فيتقدم الاوغاد
واللى هيدفع أعلى سعر
يشيل ويعبى
وطبعاااااا المعلوم
يروح لجيب السلطان عشان البلد
وتحيا مصر وكدا
وعادى جدا تلاقى الوظيفة
يروح وييجى عليها كذا نفر
وكأنهم بيلعبوا الكراسى الموسيقية كدا
والسلطان عاجبه الحال
كل مرة بيقبض ويكبش
ويكيش ويملى خزاينه.. !
قُصره
القضاة ع المذاهب الأربعة
شافعى ومالكى وحنفى وحنبلى
كانوا بيتعينوا بالفلوس
وكمان نوابهم
اللى بيباشروا القضايا على اتساع البلد
أبطال قصتنا النهاردة كلهم
من السلك القضائى اللطيف دا
محيط القضاء وأهله
3 نواب
ومعاهم قضاة المذاهب الاربعة
والزنكلونى ..
ودا كوووووم لوحده
:))
النايب الأول .. كان من نواب الحنفية
واسمه "نور الدين المشالى"
وكان صديق لنايب من نواب الشافعية
واسمه "غرس الدين خليل"
واتجاورا ف الأزهر
ثم جمعتهم صداقة ثم زمالة ف القضاء
وان اختلفت المذاهب
ثم جمعهم حاجة كمان
فاطمة فطمطم فطومة
والست فاطمة تبقى مرات الاخ خليل
والظاهر انها كانت ست جميلة
وقلبها قوى
والمثلث الدرامى القديم العتيق
هيتطبق عليها هيا وجوزها ... وعشيقها
القاضى سيات الموشتشار
نور الدين المشالى
وقصة الحب تاخد شوط كبير بينهما
والمثلث هيبقى مربع
لما ينضملهم نفر جديد .. شميس
كان ابن اخت احد القضاة
وصاحب خليل ونور والتلاتة سوا دايما
والتلاتة يحبونها
يحبون فطومة
وكلنا بنحب القمر
بس وهيا بتحب مين ؟
يقال انها ف الاول
كانت ميالة لشميس
ثم اتعرفت على نور فحبته
اما خليل .. فدا حياله جوزها يعنى
وابو ابنها
القصد
خليل نايم ف العسل
ونور غرقان ف العشق الحرام
وشميس اتنفضله من فاطمة
والغيرة هتاكله من الغريم الجديد
قوم ايه ؟
البلد كانت لسه خارجةمن طاعون
وحالة غلا كاوية الخلق
ثم دخل رمضان ثم العيد
حصلت جوزات وشوية مناسبات
قوم الحالة المادية للقضاة
ونوابهم اتبشبشت
خليل الامير الطيب قرر بعد العيد
انه يروح يحضر ليلة
عند مقام الأمام الليث بن سعد
يصلى ويقرا قرآن وحضرة
ويشكر ربنا على رزقه وكدا ...
وودع خليل فاطمة
وقالها هبات الليلة عند المقام
ومع السلامة يا خويا
طلع لقى شميس قاعد ع العتبة المقابلة
عزم عليه ييجى معاه
فأعتذر المخفى
وبقول مخفى لأنه اللى مربى قرد
عارف لعبه
والظاهر انه كان هارش
اللى هيحصل بعد شوية
وتأكد سوء ظنه
لما لقى خادمة فاطمة خارجة
تتمخطر ف الظلام
مشى وراها يراقبها فلاقها
بتقابل احد خدم القاضى نور الدين
ورجعت بحاجات شايلاها
زى ما تكون هدايا وكدا
وشميس فهم فورا ان الحكاية فيها إن
بس ورجعت الخادمة
ورجع وراها شميس
وربض قصاد بيت المحبوبة
ودماغه بتاكله
وقلبه بيدق
والوقت اتاخر
والدنيا ضلمة
ومطرة خفيفة
وفشّك فشّك
وهوووب
لمح من بعييييييد
أبو الانوار جاى سِرقة
وداخل بيت فطمطم
ورايح بيت صاحبك وهوه مش موجود
ف انصاص الليالى تعمل ايه آنور ؟
رايح تشوف العداد
ولاتركبلهم الستاير...؟!
انا مؤدبة
وهقول معرفشى
لكن شميس طبعا عرف
ومش هيفوت الفرصة للأنتقام المدمر
وجرررررى على خليل
اللى كان مركز مع الذاكرين
وراح هامس ف ودانه
خليل اتنفض
وخرج معاه
وفورا على بيته
والجدع مش هيخبط ع الباب
ويخرعهم بقى
لازم يدخل خفية
عشان يضبطهم بالجرم المشهود
وقد حدث هذا
وقفشهم قصة ومناظر وكله ....
وطبعا مفيش داعى أقولكم
انه تحلى بالحكمة والشياكة
واللباقة الخ الخ
وراح نازل فيهم ضرب هما الأتنين
وجنب الذهول بالمفاجأة
نور الدين كان مخمور
وتراخت مقاومته تماما هوه وفاطمة
وبعد العلقة الفُللى دى
خليل قفل عليها بالمفتاح
ووقف خدم يحرسوهم ليهربوا
وراح نده أنسباى .. حاجب الحجاب
حاجب الحجاب كان زى ما تقولوا كدا
النائب العام
جه طبعا على ملا وشه
الموضوع فيه قضاة وهوليلة
وأثبت الواقعة
ونور الدين اعترف بالزنا
وندهوله نائب زميل له من الحنفية
اسمه "ابن وحيش" يشهد ان نور
مضى الاعتراف دون اكراه و تعذيب
وخلاص ثبتت الواقعة
راح حاجب الحجاب آمر بضرب نور وفاطمة
وبيقولوا نور اتعدم العافية
وفاطمة اغمى عليها روخرا م الضرب
ثم اتقبض عليهم
لحين تنفيذ العقوبة
اللى هيا ايه ان شاء الله ؟
التجريس
وسط الخلق وفضحهم علاني
وركبوهم .. نور وفاطمة
كل واحد على حمار بالعكس
وعلقوا ف رقبة القاضى ماشة وهون
(حاولت افهم اشمعنى
وغالبا ليها مدلول جنسى
او حاجة كدا)
ومشيوا بيهم يضربوهم ويفضحوهم
واللى ميعرفش يعرف
واللى ما اشترى اتفرج
وبنهاية اليوم
المفروض خلصنا والعقوبة تمت
نور هيتعزل من شغله
وفاطمةتتطلق وملهاش حقوق وشكرا
والجوز اتضربوا لما اتعدموا العافية
و اتجرسوا تجريس السنين
فايه بقى ؟!!
يروحوا بقى ؟!
لأ
حاجب الحجاب قالك
لازم اطلع بمصلحة م الهيصة
وعاوز ايه ف المصيبة دى
عاوز صندل وجلابية
يوه لأ دا قال
قبل ما نفرج عن نور وفاطمة
قبل ما نفرج عن نور وفاطمة
كل واحد فيكم يدفع 100 دينار يا غجر !
نور طبعا عاوز يخلص
قاله اتفضل
ودفع
طمطم بقى قالتله معييش
جوزى اخد كل مالى ومحلتيش اللضا!
الحاجب يسكتشى بقى !!
لأ
راح ناده لجوزها
اللى هيا خانته
وضبطها متلبسة بالزنا
عشان يقوله
ادفعلها الـ 100 دينار دول ... !!!
وخليل الزوج المخدوع يا كبدى داخل
ولا بيه ولا عليه لقى الحاجب
بيقوله ادفعلها كفالة عشان نخرجها
راح المسكين مزعق
وجاله حالة هياج
وازاى تقولوا كدا
وطلعت منه ف ساعة الغضب
كام كلمة أبيحة
كام كلمة أبيحة
توصف الحال
وبجاحة الطالب والسؤال
وبجاحة الطالب والسؤال
انسباى هيتغاظ منه ..
فينده الحرس
ويقولهم روقوه
فيرنوه علقة
ويرموه ف السجن
ويفرجوا عن نور وفاطمة ... !
وبص بقى يا برايز
الوضع دلوقتى اتغير خاااالص
الزوجة وعشيقها أفرج عنهم
والزوج المغدور
هوه اللى اترمى ف السجن
ماشى ؟
والموقف بقى عيضة
ابن خليل وفاطمة
كان بيقرى قرآن ف الحوش السلطانى
انتهز فرصة تعدية السلطان
راح جارى عليه واشتكاله
وحكاله القصة من طق طق للآخر
الغورى اتعصب قوى
وراح ناده لابن وحيش اللى حضر الواقعة
وسأله دول يترجموا
ولا لأ
فقاله طالما اعترفوا بالزنا
يترجموا شرعا
قال طيب ننفذ الشرع فيهم
وقعد يبرطم بقى
- "والله افتخرتم يا قضاة الشرع
نوابكم شيء يشرب الخمر
وشيء يزني
وشيء يبيع الأوقاف "
#قنصوه اللى بيقول
- يا خويا قول لنفسك
#انا_اللى بقول
بس وخدته الجلالة قوى
وقرر يطبق الشرع
ويرجم الزانى والزانية
وبعتوا لقاضى الشافعية عشان يوافقلهم
القاضى أذن لهم بعد ما شاف الاعتراف
وخلاص كدا
وبيقولك السلطان امر بحفر حفرتين
بعمق يناسب طول الزوجة والعشيق
عشان يترجموا فيهم
وقبضوا على نور وفاطمة
وحطوهم ف السجن
لحين تنفيذ العقوبة #تانى
ونور يقاسى ف سجن" المقشرة" البشع
وفاطمة ف سجن "الحجرة" بتولول
وخليل خرج من الحبسة للنور
والناس مخضوضة بالموضوع والفضيحة
خصوصا منهم اللى غرقانين ف الملذات
لأن عقوبة الرجم هتنفذ
وكان بقالها كتير معلقة والتجريس وكفى
وقنصوى مبسوط
بدور حامى حمى الاسلام وكدا
حلو ؟
لا مش حلو
عشان هيظهر على المسرح
شخص منهم فيهم
هيحول مسار القضية تماماااااا
اسمه الزنكلونى حضرتك
والقاضي شمس الدين الزنكلوني
الحنفي
كان صديق لنور الدين
ورفاق ف المذهب
وعزّ عليه يشوف صديقه بيتمرمط كدا
قوم ايه ؟
قرر يساعده واستعان بالحيلة
الاول بالرشوة
عرف يوصل لنور وفاطمة ف محبسهم
وقالهم يتراجعوا عن الاعتراف بالزنا
ثم كتب سؤال
وطلب فتوى شيوخ المذاهب المختلفة
علي الآتى ...
يا جماعة افتونا
هل لو تراجع حد عن اعترافه بالزنا
تفضل العقوبة بالرجم سارية ؟
فأفتوه انه لأ
واخد ورقة مكتوبة من الشيخ برهان
وكان من أنضف القضاة السابقين بذلك
برهان دا كان عنده مصنع صغير
للصابون ف القدس
وكان بيكتفى بدخله منه
ولا يرتشى وكان معروف بالتقوى
والغورى استعان بيه ف مدرسته بجامع الغورى
وكان بيحترمه جدا
المهم
الراجل اصدر فتواه للزنكلونى
زنكا اخدها لقاضى الشافعية
القاضى بص فيها
وعرف بتراجع نور وفاطمة عن الاعتراف
راح اوقف حكم الرجم
وقرر يخلى سبيلهم !
كل دا والسلطان ميعرفش بالتطورات
ومشغول مع الحجاج وطلعة المحمل
وبعد توديعهم رجع القلعة
وبيسأل بقى عن الاحوال
وهاه يا ولاد حددتوا معاد الرجم
عشان الناس تجيب فشار وبيبس
وتتتفرج وتنبسط وكدا
قالوله لأ .. دول تراجعوا
ولا وجوب لتنفيذ لا حد الرجم
ولا أى حاجة تانى
آنص شكرلهم شكرة محترمة
وانتوا بتهرجوا
دول جايبينهم من تحت اللحاف ..
يعنى ايه تراجعوا
والجريمة ثابتة .... ؟
ويا مولانا فيه فتوى
من برهان الدين بذلك
قالهم هاتولى قاضى الحنفية
كان اسمه بن الشحنة
الراجل الصراحة لافض فوه ..
قاله نعمل قعر مجلس
ونلم كل القضاة ف كل المذاهب
ونسمع رأيهم
الغورى افتكر
انها مجرد قعدة صورية وخلاص
فوافق
وف 23 ديسمبر 1513
عقدت الجلسة التاريخييييييية
قنصوى كان حجته
ومش قادر يستوعب ازاى واحد
ارتكب جريمة
والتراجع ف الاعتراف
هيعفيه ببساطة كدا من عقوبتها !
بينما المشايخ حاولوا يفهموه
الشرع على اصوله
وانه الزنا يثبت
اما بشهود أربعة
والمرود ف المكحلة ... الخ
او باعتراف
والأولى محصلتش
اما التانية حصلت
لكن الرجوع فيها الشرع يقبله
لأن موضوع الزنا دا خطير
وصعب جدايتفّوت فيه أى شرط
ويبقى سداح بداح
ومينفعش فيه أى تهاون او تبديل
آنص اتفرس
وقالهم هنفذ فيه الحكم انا بصفتى السلطان
قالوله تبقى تدفع دية عنهم
مرضيوش يقولوهاله
بالمفتشر
انك ساعتها هتبقى زيك زى أى قاتل
وحاول السلطان ياخد أى فتوى
من أى حاضر بالجلسة
لكن كلهم أصروا ان دا الشرع
كان هيطق من جنابه
وراح داعى على احدهم
يرجع يلاقى مراته عملت زى فاطمة !
وقام مبعتر كرامتهم بالطول والعرض والوِرب
الطويل الشافعي
بن الشحنة الحنفي
الدميري المالكي
الشبشتي الحنبلي
وعمل مدبحة للقضاء ف الجلسة
وراح فاصل الأربعة من مناصبهم
ف لحظته وتاريخه
ف لحظته وتاريخه
ف سابقة خطيرة وغريبة .. !
خلاص طيب ؟!
لأ
دا هيفصل برهان الدين
(صاحب الفتوى) من عمله الحالى
فى مدرسة السلطان ويرسمه
يعنى يقعده ف بيته
اقامة جبرية
ويمّرر عيشته
خلاص كدا ؟!!
لأ
دا هيجيب الزنكلونى
اللى دعبس ورا الفتوى لانقاذ صديقه
ويضربه ألف عصايا على رجله
ويضرب ولاده الاتنين كمان بالمرة .. !
وينفيه الى الواحات
وهوه بيفرفر بعد العلقة السودة دى
مع ولاده طبعا
وكان اخر جملة سمعها من السلطان
"يا زنكلوني..حكمُك أنت يمشي،
وحكمي أنا يبطل؟!"
طيب خلاص كدا يا نيلة
هديت وانبطيت ... ؟!
لأ
دا هيقرر يعدم فاطمة ونور شنقااااا
اللى هوه برضو كلامى هيمشى
ولو على حساب الشرع
والموكوس رفض أى وساطات
والامراء اللى اتشفعوا للقضاة المعزولين
سمعوا كلام يسم البدن من السلطان
وحديد وبعيد وابضننننن
وبيقولك بسلامته زعل زعلة كبيرة قوى
وانقهر يا ضينايا
وجو متكلمونيش انا مخماصكو
والموكوس رفض أى وساطات
والامراء اللى اتشفعوا للقضاة المعزولين
سمعوا كلام يسم البدن من السلطان
وحديد وبعيد وابضننننن
وبيقولك بسلامته زعل زعلة كبيرة قوى
وانقهر يا ضينايا
وجو متكلمونيش انا مخماصكو
وشوف اللؤم بقى
مش هيقول انه قرر يشنقهم
ويصدر اوامره بتعليق مشنقة
قصاد بيت القاضى برهان الدين
(صاحب الفتوى)
اهل بيته افتكروه
هوه اللى هيتشنق
وعملوا مناحة
بعد شوية لقوا فاطمة ونور
جايين ف الحديد
فسكتوا وبهتوا
وهما ... الزوجة والعشيق
اللى هيتشنقوا
بحبل واحد وشهم ف وش بعض
واتنفذ الحكم فيهم
وفضلت جثتهم 3 أيام ف الهوّ ...
عظة وعبرة
ف نفس اليوم الغورى عين قضاة
للمذاهب الأربعة جداد خالص
واتعينلهم نواب جدد
وحركة القضاء مشيت بعد توقف
بسبب قمصة الغورى
جاته غورة تغوره جهنم
واللى يشوفه هناك رايح يفتكره جاى
ربنا ياخده كمان وكمان
مبحبوش الراجل دا ابضنننن
وخلاص يا خويا نفذت
اللى انتا عاوزه ؟
اللطيف بقى
انه بعد سنة وشوية
قضاة 3 م اللى اتعزلوا
رجعوا لمناصبهم تانى
لما دفعوا المعلوم .. من تانى !
اما بن الشحنة .. الرابع .. فمات
مقهور يا عينى وملحقش يدفع ويرجع
اما الزنكلونى فقيل انه مات ف الواحات
على اثر ما حصله
وخلصت الحكاية لحد كدا
وصلاح عيسى بقى بيخمن بكل ذكاء
سبب الهوليلة دى
يعنى الغورى
كان واكل مال النبى
والنبى نفسه
لو قصاده بهيئته وشكله
كان هياكله حى
فإيه؟
الحقيقة ان جناب السلطان
كان بيغطى على فساده هوه
البلد المنهار اقتصاديا
وكمان اخلاقيا بسببه
وبسبب سياساته الهبااااااب
وبسبب بطانته وموظفينه
ومحاسيبه ومطبلينه ومعرضينه
الخ الخ
يعنى ف عز الطاعون والازمة
الناس تدور على القمح
متلاقيهوش
وتعرف انه اتبعت الشام
والسلطان بايعه هناك
عشان يكسب منه
فيدعوا على آكلى أقوات الناس
والكلام يوصل لمسامعه
فيزعل يا عينى ويقول ميصحش كدا !
ويبقى الدعارة مقننة
والبغايا بيدفعوا للسلطان ضرايب
وييجى تكلمنا عن تطبيق حدود الله
بحذافيرها
صباح الفل يعنى
طبعا قول لنفسك الاول
وبعدين تعالى اعمل دكر ع الناس ..!
وانا خلصت
وفاضل الملاحظااااااات
1) نور وفاطمة غلطانين
من ساسهم لراسهم ومفيهاش نقاش دى
لكن اتعاقبوا كام مرة على جريمتهم ؟
دول استنوا الموت كام مرة ؟
تحولوا من جناة الى ضحايا ف رأيى
بسبب وجودهم ف وش ريح عاتية
وظهور اكبر راس ف البلد
على مسرح الحدث .. مش اكتر
ودفعوا التمن دوبل وتربل
بؤس البؤس
2) الغورى بروح امه كان زعلان ليه
من القضاة وتجاوزتهم مش عارفة
اذا كان رب البيت بالدف ضاربا ؟
دنتا معينهم بالفلوس يا حموقة
لما يفسدوا
لما يفسدوا
ويعكوا الدنيا
ومتصورين انهم هيفلتوا من العقاب عادى
ايه المستهجن ف انحرافهم
و.. لّا هيجيبوه من بره يعنى ؟
و.. لّا هيجيبوه من بره يعنى ؟
3) صلاح عيسى بيدلل على ذلك بسؤاله
ليه مثلا محدش عاقب انسباى
حاجب الحجاب على فعلته
ومحاولاته لابتزاز اطراف الواقعة
وحبس الزوج المظلوم ... ؟
انسباى كان دافع المعلوم زى القضاة
بس بما انه مننا وعلينا .. مماليك يعنى
نبلعله الزلط على أى غلط
ونطرمخ عشان خاطر عيونه
ونيجى ع المصرى
4) وبسأل نفسى ازاى مصر دى
بلد التناقضات الرهيبة
و اللى فيه قضاة ارتكبوا جريمة رشوة
عشان منصب يقتضى منه صفة العدل
لما هما ملطوطين كدا ... مكملوش ليه
وقبلوا قرار السلطان
وتمسكوا بالشرع ف الآخر ؟!!!
5) الغورى نفسه
استنكر كل حاجة مع ان هوه بيعملها حرفيااااا
وطول القصة عمالة أقول ياخويا قول لنفسك
يا خويا قول لنفسك !!
وطول القصة عمالة أقول ياخويا قول لنفسك
يا خويا قول لنفسك !!
وقضائك يشبهك ... شكلا وموضوعا
واحنا عاجنينك وخابزينك وهارشينك
هتعمل علينا بتاع ربنا وشرعه
ثم دنتا حتى ف النهاية
برضو ... مطبقتش شرعه .. ؟!
6) برهان الدين صاحب الفتوى
نقطة نور وسط العفن
والمؤرخ اهتم يذكر انه كان بيتكسب
من حرفة ومبيمدش ايده لحد
وكأنه بيقول ان النزاهة
واستقلال القضاء .. بيحققوا العدل
7) الزنكلونى بقى
الراجل اللى اتحمق لصديقه
وحب يخرجه من الورطة فدفع التمن غالياااااا
حركة الصياعة اللى جت من جوه
والاستفادة بالثغرات وكدا
والنظام المهترأ اللى بياكل بعضه
8) وعلى ذكر الزنكلونى
اللى اتضرب لحد ما قيل انه مات
ولاده بقى
ولاده تنضرب معاه ليه ويتنفوا ؟
عملوا ايه ؟
ايه علاقتهم بالموضوع ؟
هوه دا من العدل .. ؟!
مش مستوعبة انا !
9) الغورى اللهى يجحمه
مطرح ما راح
هذا السلطان الظالم قلبا وقالبا
اللى أفقر مصر وشعبها وأفسدها
ونهبها ولا حرامى الغسيل
وخلاها فريسة سهلة لبنى عثمان
بيقول عنه ابن الغزى فى كتابه
الكواكب السائرة بأعيان المئة العاشرة:
"كانت هذه الواقعة سبباً
لتكدر دولة الغورية وتبادي انحلال ملكه
حتى قتل بعد سنتين بمرج دابق"
يلا
ف داهية
أهو كله قعدله
ومات موتة كما الكلب وكما قال ابن إياس
" وزال ملك الأشرف الغوري
في لمح البصر- فكأنه لم يكن-
فسبحان من لا يزول ملكه"
الظلم ظلمات حقا
10) فى عصور الانحطاط ومنها زمننا هذا
وارد جدا تلاقى نماذج زفت
متعينة بالواسطة والرشوة
والفساد فيها للرُكب وما فوقها كمان
فلما تعرف انهم بيتاجروا ف المخدرات
والآثار وأى هباب زى وشهم
يبقى على رأى سماعين ياسين ...
♫♪🎶 متستعجبشى متستغربشى ♫♪🎶
فلما تلاقى عشرات ومئات من القاضى حلاوة
منتشرين ف ربوع المخروبة - المحروسة - سابقا
يبقى منطقى عادى جدا خالص
يبقى منطقى عادى جدا خالص
وشكرا
💤💤💤
وبس خلاص خلصنا
تصبحوا على ألف خير
-------------------------------------
