النهاردة الحدوتة عن شارع شهير
فى منطقة وسط البلد
هنتكلم عن تاريخه وجماله وقيمته
اللى نابعة من تنوعه .. وعراقة مبانيه ومؤسساته وناسه
حكاية شارع : عبدالخالق ثروت
الاول المصادر الاساسية
1)
القاهرة شوارع وحكايات : حمدى ابو جليل
القاهرة شوارع وحكايات : حمدى ابو جليل
2)
دراسات فى التطور العمرانى : فتحى حافظ الحديدى
دراسات فى التطور العمرانى : فتحى حافظ الحديدى
3)
شوارع لها تاريخ " عباس الطرابيلى
شوارع لها تاريخ " عباس الطرابيلى
4)
موقع منطقتى
موقع منطقتى
وبعد الاطلاع على عشرات المقالات
والصور من على النت
مما لايتسع المجال لذكرهم بالتفصيل
عشان ورانا غسيل ...
والصور من على النت
مما لايتسع المجال لذكرهم بالتفصيل
عشان ورانا غسيل ...
والقصة هتبدأ من اواخر عهد المماليك
ف زمن السلطان قايتباى
وكان من أهم رجالاته المخلصين الاتابك ابو الامراء
(ازبك بن ططخ)
(ازبك بن ططخ)
الراجل دا كان كُبرّة ف السن وله مقامه
ومكنش عنده مطامع ف العرش
رغم مواصفاته من غنى وبأس
لكن مكبر دماغه وقبل يعيش ف ظل قايتباى
واختار الحياة الآمنة ويموت على سريره
كان راجل كويس .. وشهروزة بتحبه
♥
ومكنش عنده مطامع ف العرش
رغم مواصفاته من غنى وبأس
لكن مكبر دماغه وقبل يعيش ف ظل قايتباى
واختار الحياة الآمنة ويموت على سريره
كان راجل كويس .. وشهروزة بتحبه
♥
المهم ...
السلطان أنعم عليه بحتة أرض ف مكان
فيه تلال قاذروات بتتكوم بعد رحيل الفيضان
وبتتملى عقارب وحشرات وكمان لصوص
وخارجين ع القانون من كافة الانواع والتخصصات
أزبك يقرر يقلب المنطقة رأسا على عقب
ويبنى قصره وجامع ووكالة
وقلده امراء واعيان وهما كمان سكنوا جنبه وعمروها
لتعرف المنطقة بعد شوية بأسمه وهى .. الازبكية
وقلده امراء واعيان وهما كمان سكنوا جنبه وعمروها
لتعرف المنطقة بعد شوية بأسمه وهى .. الازبكية
الأزبكية بقت سكن الأمراء والسادة
وبالقرب من الميدان حيث شارعنا العزيز
صاحب حكاية الليلة
وبالقرب من الميدان حيث شارعنا العزيز
صاحب حكاية الليلة
هتصبح هذه البقعة مناخا للجمال والخيول الخاصة بأزبك
وغيره
وغيره
وتتسمى بأسم " مناخ الجمال "
أو
" المناخ"
أو
" المناخ"
ويلتصق الاسم بيها لزمن طويل
الحتة دى .. هتشهد على دخول الفرنساوية العاصمة
والسكنى ف حى الصفوة .. الازبكية
ومن احدى شرفات قصر خليل البكرى
هيقف نابليون يطل على الميدان الواسع
هيقف نابليون يطل على الميدان الواسع
ويمشى الفرنسيس وييجى بعد كام سنة
محمد على سنكفولة
ليظل رابضاً على قلب مصر هوه واولاده واحفاده
واحفاد احفاده ..
واحفاد احفاده ..
و يفضل المطرح مناخا للجمال والخيول
ولا يحدث به أى تغيير يذكر
المنطقة دى كلها .. كانت غيطان ومستنقات
تعتبر خارج البلد بعيد عن العاصمة الحقيقة
الى كانت لقرون ... القاهرة الفاطمية
ومن سنكفولة لابراهيم ابنه لعباس حلمى الاول لسعيد
كل المذكورين سكنوا القلعة كمن سبقوهم من ايام الأيوبيين
لحد ما جه اسماعيل .. وقرر ينزل من فوق
ويسكن ف سرايا بمنطقة بعيدة عن القاهرة الفاطمية العتيقة
الى ازحمت بناسها ومبانيها
ويفكر ف حاجة اكبر وأعظم ...
ولا يحدث به أى تغيير يذكر
المنطقة دى كلها .. كانت غيطان ومستنقات
تعتبر خارج البلد بعيد عن العاصمة الحقيقة
الى كانت لقرون ... القاهرة الفاطمية
ومن سنكفولة لابراهيم ابنه لعباس حلمى الاول لسعيد
كل المذكورين سكنوا القلعة كمن سبقوهم من ايام الأيوبيين
لحد ما جه اسماعيل .. وقرر ينزل من فوق
ويسكن ف سرايا بمنطقة بعيدة عن القاهرة الفاطمية العتيقة
الى ازحمت بناسها ومبانيها
ويفكر ف حاجة اكبر وأعظم ...
أبو السباع هيقرر يغير خريطة العاصمة
والبلد كلها بعد شوية ...
وهيأدى الامر ببناء عاصمة لا تقل عن مثيلاتها
ف اوروبا
والبلد كلها بعد شوية ...
وهيأدى الامر ببناء عاصمة لا تقل عن مثيلاتها
ف اوروبا
ويوكل لـ على مبارك هذه المهمة العظيمة
وعلى حظ شارعنا ..
انه هيكون احد الشوارع المتفرعة من ميدان الاوبرا
انه هيكون احد الشوارع المتفرعة من ميدان الاوبرا
اللى كان مخطط له يكون كما ذكر على مبارك
فى خططه التوفيقية ان يكون .. صرة البلد
فى خططه التوفيقية ان يكون .. صرة البلد
حيث الاوبرا وأرقى الفنادق والمبانى
وحديقة الازبكية بعد امتار
كله ف طريقه لقصر عابدين
حيث يقطن خديو مصر
وحديقة الازبكية بعد امتار
كله ف طريقه لقصر عابدين
حيث يقطن خديو مصر
فبقى الشارع عليه العين
وسكنه علية القوم
واجانب أكتر من الأتراك والمصريين
وسكنه علية القوم
واجانب أكتر من الأتراك والمصريين
ويبدأ تعمير المكان
وتستغربوا من كم التنوع ف سكان الشارع
وأنشطتهم وحرصهم طبعا على التواجد
ف هذه المنطقة الحيوية
وأنشطتهم وحرصهم طبعا على التواجد
ف هذه المنطقة الحيوية
ويفضل محتفظ بأسمه القديم ... شارع المناخ
ونقراه على الكروت البوستال وأظرف الجوابات
اللى بيبعتها الاجانب برا مصر والعكس
ف التوقيت اللى كان الخديوى اسماعيل
بيعدى يتفرج على شارع المناخ ف وسط جولاته
على قاهرته الأثيرة وهيا تتمدد
وف طريقه لسرايا عابدين
كان لسه الشخص اللى هيتسمى بأسمه الشارع
بعديييين ... لسه متولدش أساسا
بعديييين ... لسه متولدش أساسا
ونقصد المذكور .. عبد الخالق ثروت
شهروزة مبتحبش الراجل دا خالص
وهقول ليه أهو حالااااا
عبخالق من مواليد عام 1873م
وأهله كانوا تراكوة صِرف
جم مصر بعد الغزو العثمانى واستوطنوا
جم مصر بعد الغزو العثمانى واستوطنوا
جده لزم كان من رجالة محمد على
فيه ناس بتقول انه كان قريبه من بعيد كمان
كنوع من تفسير ليه الحفيد صعد سريعا ف حياته المهنية
المهم
فيه ناس بتقول انه كان قريبه من بعيد كمان
كنوع من تفسير ليه الحفيد صعد سريعا ف حياته المهنية
المهم
ان ابوه اسماعيل عبخالق كان روزنامجى
يعنى منصب كبير ف المالية
اتجوز من احدى بنات العائلات الثرية
وكانلهم أراضى وثروة محترمة
يعنى منصب كبير ف المالية
اتجوز من احدى بنات العائلات الثرية
وكانلهم أراضى وثروة محترمة
فلكم أن تتخيلوا هذه العائلة كان شكلها ازاى من بدرى
والواد طلع لابوه وجده
والفتى كان ذكى وشاطر ف الدراسة
وتدرج بها لحد ما دخل مدرسة الحقوق
وتدرج بها لحد ما دخل مدرسة الحقوق
كان عارف من أين تؤكل الكتف ومن بدرى
نشن على المدرسة اللى يتخرج منها
فيدخل عالم السياسة من وسَعَ
وقد كان
فيدخل عالم السياسة من وسَعَ
وقد كان
والصراحة بنظرة سريعة على المناصب
اللى تدرج فيها عبد الخالق ثروت من اول سنة تخرج
ومن غير ما ادوشكم بيها
تؤكد انه كان متوصى عليه بفضل عائلته
وصلتها بالقصر
لكن الاهم انه عرض خدماته بشكل ميترفضش
من اول يوم واختار يخدم مين
من اول يوم واختار يخدم مين
وقتها كانت مصر محتلة من الانجليز
والقصر متمثلا فى عباس حلمى التانى .. منبطح رغما
ثم بعدين هيبقى طوعا
والقصر متمثلا فى عباس حلمى التانى .. منبطح رغما
ثم بعدين هيبقى طوعا
وفيه القوى السياسية المعارضة وفيه الشعب !
هوه اختار يخدم المحتل .. وش كدا من غير كسوف
ودا ظهر فى كل خطواته تقريبا لحد وفاته
ومن هوه لسه متخرج اخضر ورور ..
اثار انتباه المستشار الانجليزى ف الحكومة المصرية
وعينه سكرتير له
وعينه سكرتير له
ومندوب عنه ف القضايا اللى تخص الاحتلال الانجليزى
يعنى يقوم عنه بالدور القذر
ويرفع القضايا على الخصوم
ويرفع القضايا على الخصوم
وكانت اشهر القضايا وقتها
رفعها على "على يوسف" وجريدة المؤيد
رفعها على "على يوسف" وجريدة المؤيد
وصحيح خسر القضية ضد على يوسف ..
لكنه فضل يترقى
والمحتل شايله لعوزة لحد لما الحرب العالمية الاولى
نارها اشتعلت ف العالم كله
لكنه فضل يترقى
والمحتل شايله لعوزة لحد لما الحرب العالمية الاولى
نارها اشتعلت ف العالم كله
قوم ف هذه الأيام المنحطة يتعين عبدالخالق ثروت
وزير للحقانية ..
العدل يعنى
واحد#ضحكة رقيعة هنا لوسمحت
وزير للحقانية ..
العدل يعنى
واحد#ضحكة رقيعة هنا لوسمحت
الفترة دى كانت مليانة قمع وهباب
حسين كامل السلطان اللى قعد على العرش
بعد خلع عباس حلمى التانى .. قوبل برفض شعبى
بعد خلع عباس حلمى التانى .. قوبل برفض شعبى
والانجليز قرروا يسودوا عيشة المصريين
خوفا من انفلات الأمور
خوفا من انفلات الأمور
ملقوش غير امثال سى عبخالق يساعدهم ف
المهمة الزبالة دى وبكل فخر
المهمة الزبالة دى وبكل فخر
فيه ناس بتقول انه قدم نصايحه للقصر
وان هوه اللى حرض الانجليز
على نفى سعد زغلول ورفاقه
والنصيحة دى خلت أسياده ينقلوه من الحقانية
لوزارة الداخلية عشان يقمع براحته المعارضين
لوزارة الداخلية عشان يقمع براحته المعارضين
ويفرجهم شطارته
الحقيقة الراجل مخلاش ف نفسه حاجة
الا وعملها
الا وعملها
لما قامت ثورة 1919 بقى
كان عدائه لرموز المعارضة سافر
وبما له من سلطات أصبح شوكة ف حلق الوطن كله
كان عدائه لرموز المعارضة سافر
وبما له من سلطات أصبح شوكة ف حلق الوطن كله
سعد زغلول بيقول عنه ف مذكراته ما يلى
يقتل الحرية فى الصدور ويطفىء جذوة الحمية
فى القلوب ويملأ المعاقل والسجون من الاحرار
ويجعل جزاء الهتاف للأستقلال الاعدام بالحديد والنار
فى القلوب ويملأ المعاقل والسجون من الاحرار
ويجعل جزاء الهتاف للأستقلال الاعدام بالحديد والنار
وفرض بسلامته الاحكام العرفية
وبدأ يضيق على الصحف والحريات
والقى كثيرين من الشباب ف السجون
وبدأ يضيق على الصحف والحريات
والقى كثيرين من الشباب ف السجون
وبما انه أثبت ولائه التام
كوفىء بتعيينه سنة 1922 رئيس وزراء
ظروف الوزارة دى كانت عجيبة جدا
وهوه استغلها بمنتهى الانحطاط
وهوه استغلها بمنتهى الانحطاط
كان فيه اتفاق فى لحظة نادرة من عمر الزمن
على اجبار المتحل على التفاوض بشان الاستقلال
على اجبار المتحل على التفاوض بشان الاستقلال
عدلى يكن رئيس الوزرا استقال
والقوى السياسة اجمعت على إحراج القصر
والا يقبل حد الوزارة الا بعد اخد ضمانات بالتفاوض
والقوى السياسة اجمعت على إحراج القصر
والا يقبل حد الوزارة الا بعد اخد ضمانات بالتفاوض
وقعدنا شهرين يا مؤمن ثابتين
وحلوين
وكويسين
وحلوين
وكويسين
لحد ما جه عبدالخالق ظروت
وطلعلهم زى الخازوق ... وقال انا أمسكها
وطلعلهم زى الخازوق ... وقال انا أمسكها
وطبعا كدا قفل الباب بينه وبين القوى السياسية
ومبقالوش الا الانجليز بس
ومبقالوش الا الانجليز بس
فأمعن ف القمع زيادة
وتكميم الافواه
وحجب الصحف
حتى الصحف الاجنبيه مسلمتش من رقبائه
وتكميم الافواه
وحجب الصحف
حتى الصحف الاجنبيه مسلمتش من رقبائه
ووصل بيه الامر لحجز صفية زغلول ف بيتها
ومنع الناس من زيارتها تحسباً لتأجيج الاعتراضات
عليه وع القصر والانجليز
...
ومنع الناس من زيارتها تحسباً لتأجيج الاعتراضات
عليه وع القصر والانجليز
...
وبس احنا كلمناك انتا وأسيادك بالذوق والادب
والمفاوضات والمظاهرات السلمية
وانتوا ناس لبط ولا نافع ولا شافع
والمفاوضات والمظاهرات السلمية
وانتوا ناس لبط ولا نافع ولا شافع
خلاص استلم بقى
شوية عيال جدعان مقطعين بطايقهم
وبدأت سلسلة اغتيالات لرعايا الانجليز فى مصر
وفين يوجعك
وثروت بقى شكله عِرّة قصاد الانجليز
لانه فشل ف وقف الاغتيالات دى سريعا وتحجيمها
لانه فشل ف وقف الاغتيالات دى سريعا وتحجيمها
وابتدى يتهاجم من الصحف الاجنبية اللى ضيق عليها
وقررت تردله الضربة ..
وقررت تردله الضربة ..
حاول يطنش لعل الموجة تعدى ... ومعدتش
وبعد 9 شهور من رياسته للوزارة
اجبر على تقديم استقالته
اجبر على تقديم استقالته
ويا خويا مع السلامة
مع السلامة
مع السلامة
ياولاد الوسخة
مع السلامة
ياولاد الوسخة
والناس بتقول انه خرج من منصب الوزارة
وعاد للمجتمع كأحد اللامؤاخذة هى هىء الرموزالسياسية
وعاد للمجتمع كأحد اللامؤاخذة هى هىء الرموزالسياسية
وانه كان بيدعم حزب الاحرار الدستوريين
وبيستعمل كل امكانياته لمناكفة حزب الوفد
وقعد ف كوزه لحد الاحتلال ما يعوزه
ويرجع تانى للزريبة النجسة دى
سنة 1926 وعدلى يكن يختاره وزير خارحية
سنة 1926 وعدلى يكن يختاره وزير خارحية
وبعدها بشهور يبقى رئيس وزراء للمرة التانية
ويتعلم الدرس جيدا هذه المرة
ويقدم خدماته للمحتل بس على استحياء
وبمكر ودهاء اكبر
عشان ميستعديش القوى السياسية والمقاومة
وبمكر ودهاء اكبر
عشان ميستعديش القوى السياسية والمقاومة
ويطرقعوله زى المرة اللى فاتت
لكن هيهات ..
يموت الزمار وصوابعه بتلعب
يموت الزمار وصوابعه بتلعب
فى اطار المفاوضات على استقلال مصر
وافق على بقاء قوة عسكرية بريطانية فى مصر
وافق على بقاء قوة عسكرية بريطانية فى مصر
وتواجد مستشارين واحد مالى وواحد قضائى
وتعليم الجيش المصرى لكن تدريبه يقتصر فقط
على الضباط الانجليز وبأساليب بريطانية
على الضباط الانجليز وبأساليب بريطانية
والتنسيق بين السياسة البريطانية والمصرية على طول الخط
لا ياشيخ
دنتا بهدلتهم
براحة لتطفشهم مننا
براحة لتطفشهم مننا
كنت خِف ايدك شوية
انتا معاهم ولا معانا عشان مش واخدة بالى
انتا معاهم ولا معانا عشان مش واخدة بالى
ونعم المفاوضات حقيقتن
!!!
قصره .. عشان الواحدعنده المرارة
قصره .. عشان الواحدعنده المرارة
معرفتش اتوصل لسبب استقالته من الوزارة 1928م
لكن الوزارة اللاحقة بعده علطول
رفضت مفاوضات (ثروت - تشمبرلين) اللى عملها دى
لكن الوزارة اللاحقة بعده علطول
رفضت مفاوضات (ثروت - تشمبرلين) اللى عملها دى
وممكن يكون دا السبب
وممكن يكون سبب صحى
لانه سافر باريس ف نفس السنة
وبعد شهور السر الإلهى طلع
وبعد شهور السر الإلهى طلع
الشاهد ان الراجل كان ذكائه عال
مخطيب مفوه كما شهد له سعد زغلول نفسه بذلك
الملك فؤاد مكنش بيحبه ابضنننننن
ودا يقولك كتيييير ..
مثلا انه كان مفروض عليه من الانجليز وبس
وانه بيلعب لصالحهم وبس
وفؤاد ميحبش حد ذكى ينافسه ف حب المحتل
ولا يلعب من وراه طبعا
ودا يقولك كتيييير ..
مثلا انه كان مفروض عليه من الانجليز وبس
وانه بيلعب لصالحهم وبس
وفؤاد ميحبش حد ذكى ينافسه ف حب المحتل
ولا يلعب من وراه طبعا
ومبروم على مبروم ميلفش
:)
اللطيف بقى انه كان صديق حميم لطه حسين
اللى شافه شخصية جميلة ولطيفة وبريئة
اللى شافه شخصية جميلة ولطيفة وبريئة
بينما عباس محمود العقاد اللى بيشك ف صوابع ايديه
معداش عليه الجو دا
وصفه بـ
" الكيد مع إصطناع الطيبة والبراءة "
معداش عليه الجو دا
وصفه بـ
" الكيد مع إصطناع الطيبة والبراءة "
واللى هوه متعملهمش عليا
وفى نوبة كرم وافق الملك فؤاد
على اطلاق اسماء السياسين على أهم الشوارع
ف وسط البلد
على اطلاق اسماء السياسين على أهم الشوارع
ف وسط البلد
كان منهم شارع المناخ
الى تحول إلى شارع عبدالخالق ثروت
الى تحول إلى شارع عبدالخالق ثروت
يوازيه المغربى
اللى بقى شارع عدلى
اللى بقى شارع عدلى
يتقاطع عليهم شارع المدابغ اللى بقى شارع شريف
الخ
والشارع يا ولاد بيبدأ من شارع رمسيس
وينتهى عند ميدان الاوبرا
وينتهى عند ميدان الاوبرا
ف سكته بقى من هنا لهناك بيتقاطع
مع 4 شوارع مهمة زى شارع شامبليون
مع 4 شوارع مهمة زى شارع شامبليون
وشارع طلعت حرب - سليمان سابقا
وشارع شريف - المدابغ
وشارع محمد فريد - جزء من عماد الدين سابقا
لما اتمشيت على رجلك من بدايته
من عند شارع رمسيس وحتة قبل الأسعاف
على شمالك ما كان يطلق عليه زمان
مثلث الرعب
نقابة المحامين
نقابة الصحفيين بمبناها القبيح
نادى القضاة
لما كانت الحتة دى مكان للتظاه لرفض الظلم
وانك تقرى مانشيت بيقول
قوات الامن تغلق محيط شارع عبدالخالق ثروت
تحسبا لتجمهر معرفش مين ...
خبر عادى جدا
وانك تقرى مانشيت بيقول
قوات الامن تغلق محيط شارع عبدالخالق ثروت
تحسبا لتجمهر معرفش مين ...
خبر عادى جدا
كنيسة الطائفة الارمنية
ومستشفى هيئة النقل العام على الصف التانى
شهروزة بتحب شكل الكنيسة دى جدا
محندقة كدا وكيوت
محندقة كدا وكيوت
تعدى الاشارة وتقاطع شامبليون
تلاقى مبنى عتيق على يمينك
ثم السفارة السويسرية على شمالك
ثم السفارة السويسرية على شمالك
كام خطوة قدام وقبل ما تعدى الاشارة
هتلاقى على الصف التانى مبنى
يعتبر من أقدم مبانى وسط البلد
مبنى الفندق الوطنى سابقا
الكم المهمل حاليا
الكم المهمل حاليا
المبنى دا كان من أقدم المنشأت فى الشارع
كان موجود من قبل ما يكون حواليه أى حاجة تانية
يعنى من 1870 يمكن او بعدها بشوية
كان بيتحط على الكروت البوستال
وزواره يبعتوا لأهاليهم بقى انهم نزلوا فيه
كانت الليلة فيه بالشىء الفلانى
سهل جدا تميزه ف الصور القديمة
بالقبة اللى فوقه دى
وهوه واخد ناصية عبدالخالق ثروت
مع شارع سليمان - طلعت حرب حاليا
وف اطار تجديد عمارات القاهرة الخديوية
معرفش ليه فوتوا هذه العمارة
وهيا اقدم عمارة تقريبا فى الشارع
بينما جددوا عمارات احدث منها بـ 50 سنة
على الصف التانى فرع لمحل آخر ساعة الشهير
على الصف التانى فرع لمحل آخر ساعة الشهير
لما تعدى الاشارة التانية ف الشارع
المتقاطعة مع طلعت حرب
هتلاقى على يمينك كشرى التحرير
ع الصف التانى مبنى قديم بأسانسير انتيك
وفى احد ادواره هتلاقى الدار المصرية اللبنانية
بعدها المبنى الادارى لشركة المقاولون العرب
ثم محطة بنزين بقالها زمن ف الحتة دى
وتقدر تعدى منها لشارع عدلى
بيطل على البنزينة دى عمارة رائعة
تم ترميمها مؤخرا
للاسف معنديش صورة واضحة اكتر من الى فوق دى
لكنها حقا ع الطبيعة كما قال الأقدمون
بهجة للناظرين
ف الصف التانى احد مداخل شارع الشواربى
ومطعم جاد وكنتاكى وراديو شاك وغيرهم
ثم احدى العمارات العريقة اللى تحتها
صيدلية الانجلو ايسترن
اللى اشتروها ناس جداد
اللى اشتروها ناس جداد
وغيروا طرازها القديم والأرفف الخشب
وكل حاجة ... فيما عدا اليافطة
وكل حاجة ... فيما عدا اليافطة
ولما نعدى هنلاقى فرع لدار المعارف العريقة
هنلاقى ف الزاوية المقابلة له
فرع للهيئة المصرية العامة للكتاب
وقدام شوية بعد ما نعدى التقاطع التالى
هنلاقى على صف البيت الفنى للمسرح ومقر مجلة ابداع
وعلى الصف التانى احد البنوك وفرع جديد لـ لابوار
بنك القاهرة ثم دار النهضة
وبيانو مرزق بتاع الآت الموسيقى
بيافطته الموزاييك الزرقا المميزة
وبعض محلات اخرى ..
هنلاقى على صف البيت الفنى للمسرح ومقر مجلة ابداع
وعلى الصف التانى احد البنوك وفرع جديد لـ لابوار
بنك القاهرة ثم دار النهضة
وبيانو مرزق بتاع الآت الموسيقى
بيافطته الموزاييك الزرقا المميزة
وبعض محلات اخرى ..
قبل ما نعدى التقاطع التالت مع شارع محمد فريد
وعند الأشارة التالتة والاخيرة ..
وعند الأشارة التالتة والاخيرة ..
هنلاقى احدى العمارات القديمة
اللى عمرها يعدى الـ 100
اللى عمرها يعدى الـ 100
وطرازها يوضح ذلك .. لكنها تعانى الاهمال البيّن
واخيرا عمارة كبيرة على الناصية
تحتها محلات العوادلى وريدرز كورنر للوحات الفنية
ومؤخرا فروع لأورانج وفودافون والتوحيد والنور
واخيرا عمارة كبيرة على الناصية
تحتها محلات العوادلى وريدرز كورنر للوحات الفنية
ومؤخرا فروع لأورانج وفودافون والتوحيد والنور
وبينما على الصف التانى
كانت العمارات اكثر حظا
كانت العمارات اكثر حظا
وعلى قد سعادتى بما ُجدد ولحقوه ..
لكن محدش قال سبب الاختيار ايه ؟
وليه فيه انتقائية وهنك مبانى أقدم كانت تستحق
وظلت مهملة ؟
وظلت مهملة ؟
بس يعنى كتر خير الدنيا ..
وصلنا لمرحلة انه اى حاجة تتلحق ..
وعلى رأى المثل البائس اللى اخترعه المصرى الحزين
.. نص العمى ولا العمى كله
بعد اخر تقاطع مع اشارة محمد فريد
ياتى شارع المال والدهب
ولا أشهر
تم ترميمها حديثا
عمارة ديفيس براين
Davis Bryan Building
بناها 3 أخوات انجليز
وفيه ناس بتقول انها سنة 1910 مبنية
وناس بتقول لأ دى سنة 1920 حضرتك
يعنى كدا انتا بتتكلم ف عمارة عمرها قرن ..
او قاربت على القرن
وما زالت محتفظة بجمالها
وزخارفها قادرة تصمد رغم تشويه اليفط
وعوادى الزمن
بس شوية ازالة للاتربة وترميم
رجعت عروسة
وما زالت محتفظة بجمالها
وزخارفها قادرة تصمد رغم تشويه اليفط
وعوادى الزمن
بس شوية ازالة للاتربة وترميم
رجعت عروسة
وتحتها محل حلاوة الشهير ..
وبنك عودة وصيدلية ما زالت تحتفظ بالطابع القديم
بتاع الأرفف الخشب والقوارير الزجاجية الضخمة القديمة كديكور
تمشى كام خطوة وتلاقى جروبى
والفرع دا هو الاقدم من فرع ميدان طلعت حرب
دا برضو من اوائل القرن اللى فات ..
واخد مساحة بينى عبدالخالق ثروت وعدلى
ومن عدلى تقدر تدخل حديقة جروبى علطول
من غير ما تعدى على المحل بالكافيتريا والمطعم الخ
حديقة جروبى دى زمان كان فيها مكان للرقص
وبيعزفوا مزيكا لايف للناس
وكان بيتعرض فيها افلام سينما
وكانت مكان لعلية القوم والمشاهير
والاجانب وما كان أكثرهم
وأى حد يسكن ف محيط وسط البلد او نازل عليها ضيف
تكمل ف الشارع على يمينك البنك الاهلى
اللى اخد مساحة فاضية بين جناحى عمارة
وعمل لنفسه مكان من الهوا كدا
ثم محلات الدهب الشهيرة
السرجانى وتوفيق حسين وبايوكى اللى عدى القرن
وغيرهم
وغيرهم
وعمارة قد تبدو عادية
لكن فيها يافطة لمنتجات قها
لكن فيها يافطة لمنتجات قها
تخطف عينك غصب عنك
عشان ترجع بيك للزمن فوراااا
عشان ترجع بيك للزمن فوراااا
واخيرا .. على ناصية الشارع يمين
جزء من عمارة زغيب اللى بناها الكونت زغيب
فى سنة 1910 عشان تمتد بين
شارع عبدالخالق ثروت وشارع قصر النيل
بص على يمين الصورة هتلاقيها واقفة بشموخ
تتفرج على فرح احد البنات
اللى واضح انها كانت من عيلة كبيرة
وراكبة الحنطور وبتتحنطر على رأى أمينة
شارع عبدالخالق ثروت وشارع قصر النيل
بص على يمين الصورة هتلاقيها واقفة بشموخ
تتفرج على فرح احد البنات
اللى واضح انها كانت من عيلة كبيرة
وراكبة الحنطور وبتتحنطر على رأى أمينة
ثم ف وشنا ميدان الاوبرا
بتمثال ابراهيم باشا بيشارولنا
وتحسه بيقول لحد من مساعديه
هاتولى العيال دى عشان انفخها
وهنا ... ينتهى الشارع
وتحسه بيقول لحد من مساعديه
هاتولى العيال دى عشان انفخها
وهنا ... ينتهى الشارع
شارع المناخ ثم عبدالخالق ثروت
اتغير اسمه لمدة 10 سنين تقريبا
بدأت من اول الملك فاروق ما اتجوز الملكة فريدة
وسمى الشارع بأسمها هوه وميدان العتبة
باعتبار الشارع امتداد للميدان يعنى
سنة 1938 الكلام دا
ثم زعلوا والشيطان دخل بناتهم
وفريدة حصلت على الطلاق سنة 1948
راح فاروق شايل اسمها من على الشارع
ورجع تانى بأسم .. ثروت
وانا خلاص خلصت الحدوتة
الا ما تبقى انى اقوله عن هذا الشارع
اللى شهد فسحنا واحنا عيال بنتمشى ف وسط البلد
بناكل ف جروبى الكيشون
ونروح دار المعارف نشترى استريكس واوبليكس
ولاكى لوك وقصص المكتبة الخضراء وغيرها
دار المعارف دى كانت مغارة على بابا
الشارع دا كان حبيبى
وما زال
ومينفعش تقول عليه
شارع البنوك وبس لأن فيه بنوك كتير
شارع البنوك وبس لأن فيه بنوك كتير
ولا شارع الدهب بس لأن فيه محلات دهب كتير
ولا شارع الثقافة بس
لان فيه دور نشر كتير ومكتبات واماكن اداوت مكتبية
ولا شارع الاكل بس عشان المطاعم الشهيرة
ولا محلات الهدوم وبس .. الخ
وداخلين أهو على اكتر من 200 سنة
من عمر الشارع
من عمر الشارع
ما زال يحتفظ بجماله وقيمته وتنوعه
هوه لوحده متحف حى عامر بالناس والحركة والحياة
هوه لوحده متحف حى عامر بالناس والحركة والحياة
ويارب دايما
وفاضل الملاحظاااااات
1)
الحاج عبدالخالق ثروت ابن بيئته صحيح
تربية التراكوة من الطبقة اللى اتعودت
تمص دم الشعب لانها معتبرة نفسه مش منه
وانما اسياده وكدا
تمص دم الشعب لانها معتبرة نفسه مش منه
وانما اسياده وكدا
تصرفاته قد تتسق مع تربيته
ومش هلوم عليه ف دى .. لكننننن
ومش هلوم عليه ف دى .. لكننننن
الحياة اختيارات برضو يا أخى !
ويعنى الناس لما تحصل على تعليم عال
وتنل ما لم ينله غيرها ف بلد مسكين
تحت نير الاحتلال
تحت نير الاحتلال
المفروض العلام ينورله دماغه
مش هيحوله الى شبشب ف رجل الانجليز
لا سيما ان حواليه كان فيه نماذج عظيمة
بتنضح وطنية ومقاومة تخليه ينكسف ع اللى خلفوه !
الله
يعنى الراجل معملش حاجة كويسة خالص يا شهرو ؟
لأ طبعا ... له شوية انجازات
بيقولوا ان له الفضل ف طبع كتاب
" النجوم الزاهرة " بتاع ابن تغرى بردى
وكتر خيره ويشكر
لكن سؤال
هوه قراه اكيد قبل ما يشجع على هذا
طب الم يستفد منه بنص تعريفة عظة وعبرة عن الظلم
وتاريخه ف مصر الغلبانة ؟
2)
فيه ناس بتحب السلمية على طول الخط
لكن الحقيقة ان السلمية ف اوقات معينة
بتبقى مضيعة للوقت والأرواح
ثروت قعد يتلاعب بمصير البلد
ويسوح ف بتوع السياسة ويستهلكهم
ويسوح ف بتوع السياسة ويستهلكهم
لحد ما طلعله عيال فدائية ربوه
وعلموه عليه
وعلموه عليه
واجبروه يغور
وتبقى اخرة خدمة الغز استقالة
احيانا المقاومة العنيفة بتبقى الحل الوحيد
وما اخذ بالقوة والدم .. لا يسترد الا بها
وما اخذ بالقوة والدم .. لا يسترد الا بها
3)
كل ما اقرى اكتر ف الفترة التاريخية دى
بتاعت سعد زغلول وما بعدها
الاقى حاجات عجيبة جدا
يعنى يبقوا مختلفين فكريا مع فلان
وعارفين انه مطية للانجليز
يطلع من وزارة
بعد كام سنة يجيبوه تانى !
طب ليه يا جماعة طالما عارفين انه وسخ ؟!!!
يعنى مثلا سعد زغلول كان عارف سمعة ثروت من
وهو سكريتر للانجليز وانه نائب عام ملاكى لهم
قوم يجيبه بعد فترة ف وزارة شكلها الوفد .. ؟!!
ايه لعبة الكراسى الموسيقية الغريبة دى ؟!
ولا هوه العدد زمان كان قليل ومش لاقيين
ولا كان بيخزوا بيه العين وحاطينه فاسوخة
متفهموشى !
4)
فيه ناس بتحاول تخفف من البلاوى
اللى عملها عبدالخالق ثروت
انه منهجه كان تفاوضى
وانه مكنش ينفع ياخد اكتر
وانه بيهادن لغرض
وبيقولك عليه انه كان ... معتدل
معتدل دى ف دولة بها محتل
والحق واضح والباطل واضح
ليها معنى تانى
ليها معنى تانى
معروف طشبعن مفيش داعى أقوله
وبيبدأ بحرف الميم برضو
5)
اللى له قرايب مهمييييين
ف الشركة اللى بترمم عمارات القاهرة الخديوية
يوصيه على الفندق الوطنى
ويقولهم عيب يا جماعة
دا فيه دول حوالينا عمرها أقصر من المبنى دا
ويتمنوا ربعه عندهم
الحقوه قبل ما ورش الخياطة اللى مالياه
توقعه من كتر التبول ع السلالم والارضيات
اللى داس عليها بشر كتير منهم
احترموا البلد كما تستحق
بينما احنا عندنا ناس بتهملها
وتهين تاريخها وتراثها
وتهين تاريخها وتراثها
6)
واخيرا
سؤال بيلح عليا ..
الاخوة حضرات الضباط الاحرار
ف اطار هدمهم لكل ماينتمى للفترة الملكية
والاسرة العلوية وتغييرهم لأسماء الشوارع وشيل تماثيل
الخ
اشمعنى اسماء الساسة اللى كانت مواقفهم
معروفة بمهادنة الاحتلال فضلت زى ما هيا ؟؟
زى عبخالق ومحمد محمود وعدلى وغيرهم
معنديش اجابة للتناقض دا الحقيقة
وحد يسالنى يا شهرو
يعنى الراجل ميستاهلش شارع بأسمه
أقولكم ايوه وبالفم المليان
ميستاهلشى
لكن يتغير اسم الشارع ويرجع تانى
يبق قسمته وحظه بقى وربنا رايدله
يفضل ع الشارع ومعلش خلاص لبسنا
بس ع الأقل اهو نعرف دا مين
ونتعظ من التاريخ
:)
واخيرا
سؤال بيلح عليا ..
الاخوة حضرات الضباط الاحرار
ف اطار هدمهم لكل ماينتمى للفترة الملكية
والاسرة العلوية وتغييرهم لأسماء الشوارع وشيل تماثيل
الخ
اشمعنى اسماء الساسة اللى كانت مواقفهم
معروفة بمهادنة الاحتلال فضلت زى ما هيا ؟؟
زى عبخالق ومحمد محمود وعدلى وغيرهم
معنديش اجابة للتناقض دا الحقيقة
وحد يسالنى يا شهرو
يعنى الراجل ميستاهلش شارع بأسمه
أقولكم ايوه وبالفم المليان
ميستاهلشى
لكن يتغير اسم الشارع ويرجع تانى
يبق قسمته وحظه بقى وربنا رايدله
يفضل ع الشارع ومعلش خلاص لبسنا
بس ع الأقل اهو نعرف دا مين
ونتعظ من التاريخ
:)
تصبحوا على الف خير
---------------------------------------
