حدوتة النهاردة عن مكان ...
شارع طول بعرض ..
على إسم بنى آدم .. ولازم قبل ما نتمشى ف الشارع ..
نعرف حكاية صاحب ايه الأول ..
#آه_دى_الأصول
وصاحب الإسم يبقى واحد من اللى ينتموا لما سميت ف وقت ما
الخلافة الأسلامية ..
والامبراطورية العثمانية السلطانية المهلبية
وضحكة رقيعة وكدا
وانتوا عارفين الرجل المريض دا كبس على انفاسنا سنوات طوال ..
واكم من سلاطين عدوا علينا ف مصر الغلبانة دى
وكما ذكر المؤرخ أحمد عدوية سبع سلاطين استطلطناهم
فهناخد واحد فيهم بس
واللى على شرف سعادته ..
اتعرف شارع " عبد العزيز"
والحاج عبعزيز دا بقى حكايته زى حكايات الملوك اذا غدر بهم الزمن الإغبر ..
وحكم بعد اخو ما مات علطووول
الجدع مسك الحكم يا دوب وعمره 38 سنة ..
قعدهم ف قرف ونقار وسفر وتنازلات ولم فلوس لحد ما ف الآخر
ادوله استمارة ستة وخلعوه بعد حكم 16 سنة
والحقيقة ان سيرة الراجل مفيهاش حاجات كتير تنقال
اللهم الا انه عاش 46 سنة اتجوز فيهم 6 مرات
ودا ف ظنى إذا كان ينبىء عن شىء فهوه انه ف البلالا
يعنى 6 ليه ان شاء الله ؟!!
بس تانى أهم حاجة استوقفتنى الحقيقة
ولازم تنقال ان الحاج عبعزيز ..
خلعوه من هنا ..
مات بعدها ب4 خمس تيام من هنا
وناس بتفول انقتل والله أعلمممممممم
بس اللى غايظنى بقى ..
البجم اللى عندنا دا مخلوع ادياله سنتين أهو ..
مماتش ليييييييييه وخلصنا
وايه السماجة دى بس يا ربى ؟!!
واهم تالت حاجة تنقال ..
ان السلطان عبد العزيز دا عمل حركة خلت تاريخ مصر يتحول من اتجاه لإتجاه تانى ..
وحدث ذلك بعد تولى اسماعيل حكم مصر
اسماعيل اتبهدل من عباس ابن اخوه ..
فقرر ميتحطش لا هوه ولا اولاده من بعده ف موقف المرعوب تانى دا ابدا ..
وقعد يحرك ويفرك على توريث العرش لنسله هوه بس
وبعت مراسيل راحة جاية للسلطان العثمانى ..
يطلب تحويل مصر لولاية شبه مستقلة
والعرش فيها يبقى لنسل اسماعيل وطلب الحصول على لقب غير لقب الوالى
المساعى بدأت 1861 لما زار اسماعين تركيا للحصول على رضا الباب العالى
وقعد يبدر ف المال يمين وشمال عشان يحصل على مراده
وبالفعل ينجح ف 1866 انه يحصل على فرمان بحصر ولاية العهد ف ابناءه هوه وبس
دون باقى عيلة محمد على
وهوبا بعدها بسنة واحدة 1867 يحصل على لقب "خديو" يعنى أمير ...
وتبقى مصر خديوية مش ولاية عادية من الولايات
حد يقولى وتفرق ف إيه .. ؟
أقوله تفرق كتيييير ف وضع مصر اللى اسماعيل كان بيحاول يوصله
وعمل جزء منه لما خد موافقة السلطان على شوية حاجات
وتبقى مصر خديوية مش ولاية عادية من الولايات
حد يقولى وتفرق ف إيه .. ؟
أقوله تفرق كتيييير ف وضع مصر اللى اسماعيل كان بيحاول يوصله
وعمل جزء منه لما خد موافقة السلطان على شوية حاجات
زى استقلالية خديو مصر فى فرض ضرايب ومراسيم وقوانين
حسبما يرى بعيدا عن الباب العالى
و ابرام المعاهدات والأتفاقيات الخ الخ ...
حسبما يرى بعيدا عن الباب العالى
و ابرام المعاهدات والأتفاقيات الخ الخ ...
وف 1873حصل اسماعيل على وثيقة تؤكد كل مطالبه
واصبح حاكم فعلى للبلاد والسلطان ملوش غير فردة تتبعت كل سنة وشكرا
بعد ما صرف ملايين ف شكل هدايا وعطايا رماها تحت رجلين السلطان
اللى أنعم عليه بسيف الشرف العثمانى
ودى حاجة عاملة زى السلطانية بتاعت مرزوق كدا
وبعد ست حاجة نينة أم اسماعيل ما صرفت اموال طائلة
و لحد ما خدت العرش لإبنها وانعم عليها السلطان عبعزيز
بأعلى وسام واتسمت بعده ب"الوالدة باشا"
وكل دهون عشان المخسوف الموكوس دا يمسكها بعد بابا ..
وكلنا طبعا عارفين مصر جرالها ايه ف زمنه الأغبر
وحد يسألنى ويقولى يا فطمطم المحلسة للسلطان كانت هدايا وفلوس وبس ..
أقوله ابدااااا .. دى وصلت للشوارع كمان ..
ونحكى بقى حكاية المكان ...
بيقولك المؤخون ان الاخ عبدالعزيز كان غاوى سفر وخروج برا تركيا
وغالبا كان بيطفش من الحريم بتوعه ..
دا تحليلى الحقيقة للحكاية دى ... المهمممم
الراجل بدعوة كريمة من اسماعيل اللى كان لسه والى مصر ومبقاش خديوى ..
زار مصر 1863
زيارة جار لجاره صديق لصديقه مواطن لأخوه المواطن ...
كان لسه يا دوب ماسك الخلافة مبقالوش سنتين ..
وقرر يفسح نفسه شوية ف الولايات اللى سابهله بابا وجدو وجد جدو .. الخ الخ
فركب المركب وعدى البحر
ونزل ف مينا اسكندرية الماريا ...
ومن المينا على محطة قطر اسكندرية
عشان يركب القطر ويشق الهوا والدلتا ع الكاااااهرة
ويحكى ان .. السلطان عبعزيز انبهر انبهار بالقطر
اكتر من انبهار هبة من عم احمد التباع .. بمرااااحل
الراجل والعهدة على الراوى ..
كان أول مرة ف حياته يركب قطر آه ما احنا اول ناس ف افريقيا والشرق
عملنا خط سكة حديد واللى اخترعها بنفسه عملهالنا
الخديوى عباس تعاقد مع ستفينسون مخترع القاطرة ..
وخط اسكندرية القاهرة خلص ف عهد سعيد ..
وف عهد اسماعيل كان عادى وشغال زى الفل وميت حلاوة
والمفروض نتفشخر جدااااا بقى ..
لأن إحنا اللى ركّبنا السلاطين القطورات ..
آه والنيعمة
وبس بعد ما جابلوه شاى وجاتوه وفيشار وبالونات وروقوه ع الآخر ..
ووصل القطر سالما لمحطة مصر .. باب الحديد ...
اللى كان تحت التشطيب
لأن إحنا اللى ركّبنا السلاطين القطورات ..
آه والنيعمة
وبس بعد ما جابلوه شاى وجاتوه وفيشار وبالونات وروقوه ع الآخر ..
ووصل القطر سالما لمحطة مصر .. باب الحديد ...
اللى كان تحت التشطيب
مكنش لسه قصر عابدين تم الأنتهاء منه ..
فخدوه على قصر الجوهرة اللى ف القلعة عشان يقضى فترة اقامته هناك
هذا القصر الموجود بقلعة صلاح الدين قصاد جامع محمد على ..
واللى يعد تحفة معمارية و اللى سابوها تنحرق وتنشع فيها المية !!
يلا نزعل على ايه ولا على إيه ...
المهم ...
الراجل جه مصر ومشى ...
وف اطار مناهج مدرسة القرع المباشر كان لازم اسماعيل يعمل منظر وحركة شياكة
سمعة نوى والنية لله ف اطار خطته لبناء قاهرة على طراز اورباوى ..
انه يطلق اسم السلطان على شارع من اهم شوارع البلد وقتها
منطقة وسط البلد دى أصلا ف منشأها
كانت اغلبها خرابات او زرايب ومستنقعات
أو حتت متطرفة ومحدش بيسكنها ..
لكن ارض الشارع دا تحديدا كان أرافة يعنى مقبرة
ولما اتخططت منطقة وسط البلد
واختيرت منطقة عابدين لأنشاء سرايا الخديوى فيها
المقابر دى كانت ف طريق المرواح والمجى من القصر فإزاى بقى كدا ؟!
يعنى ينفع كدا الخديوى وهوه طالع بالكارتة .. وراجع بالكارتة ..
يعدى على مدافن وقلبه ينقبض .. ميصحش يعنى ...
ثم يعنى ازاى تتحط مدافن ف الشارع اللى هيحمل اسم السلطان عبعزيز
حبيبنا وروح قلبنا ونور عينينا
اللى هيدعملنا مشروع التوريث لولى العهد النميس ؟
صدرت الاوامر لنقل المقابر دى برفات أصحابها لمطرح تانى
واتمهدت الأرض واتوضبت ..
وتم شغلها فورا بمساكن علية القوم
ماهو من جاور السعيد يسعد وعابدين كلها اتحولت لحى عامر ومليان ناس
خصوصا من الأعيان اللى حبوا يجاورا الخديوى بذات سخصيته
ويفضل شارع عبدالعزيز برونقه ومكانته دى لفترة طويلة
بسبب وجوده ف قلب الاحداث
ومجاورته لقصر عابدين
وروح يا زمان .. وتعالى يا زمان
وف التلاتينات والأربعينات
يتحول لمكان تجارى اكتر منه سكن ..
ويتميز بوجود تجار الأثاث المشاهير زى السمرى كدا
وبعدين ف السبعينات .. تدخل مصر ف مرحلة السادات
بتاعت اللى متغناش ف عهدى دى ..
فالتجار تنفتح وتجيب بضايع من بورسعيد وتبعها ف شارع عبدالعزيز
ويتدحدر بينا الحال اكتصاديا
وف التسعينات يشترى التجار بضايع اسيا التعبانة من الاجهزة ..
ولما تتكدس عندهم ميلاقوش غير شارع عبدالعزيز يلمها
ويفضل الشارع ينزل ينزل ينزل ..
لحد ما يبقى مخزن كبيييير للاجهزة فرز تانى وتالت ..
ويبقى كمان محل وااااسع للموبايلات
والشارع طول اليوم زحمة ودوشة ومحدش ق وسط دا كله بياخد باله ..
من حاجات حلوة كتيرة فيه ولسه أثارها موجودة ....
يعنى مثلاااااااااااااااااا
محل عمر أفندى ... اللى يعد تحفة معمارية ملهاش زى ...
بناها مهندس أجنبى على طراز نادر من اكتر من 100 سنة ...
والمهندس الفرنساوى بنى المح
ل بناء على طلب ضابط مجرى قرر يفتح فرع لسلسلة محلاته
و اختار مصر باريس الشرق عشان يزود تجارته
المحل كان اسمه ف الاول على اسم الضابط "أوروزدى باك"
وبعدين اشتراه منه ثرى يهودى
وقرر يغير أسمه ل"عمرأفندى"
ويقال ان اسم عمر جاى من ان حتة الأرض اللى اتبنى عليها المحل ..
كانت ف الأصل ملك لأحد قرايب الأسرة العلوية وكان اسمه عمر
المحل دا كان تحفة زمانه
ويقال ان القبة كان بيطلع منها أنوار كاشفة ف الليل
عشان تقول للزباين فيه اوكازيون
يختشى زمان كانوا رايقيين !!!
وبعد الثورة يتأمم وعبدالناصر يقرر يضمه لأملاك الدولة
ويبقى عمر افندى جزء من التراث المصرى ..
قوم ييجى ف غفلة م الزمن حراامى ابن ستين حرامية
ويقرر يبيعه أرخص م التراب لواحد منعرفش ملته ايه ..
هوه وكل الفروع .. وفين فلوسنا اللى لهفتها ف عبكّ يابن القديمة
وقال لما شفت الأعلان دا قولت يا خراااشى ما هذه الفضايح
وازاى يعملوا اعلان فيه بوسة خليعة زى دى ؟!!
بس رجعت حمدت ربنا
ان صاحب عمر افندى الأصلى مات هوه ومصمم الأعلان
قبل ما يشوفوا أعلانات الأيام دى وينتحروا ..
ومش بس المحل دا اللى عمره قرن ...
هل تعلم ان ف نفس الشارع .. توجد مئوية تانية برضو
تعد بالفعل ؟؟
هى أقدم سينما ف مصر
سينما اوليمبيا
قطعة الأرض دى اصلاا كانت ملك شريف باشا رئيس وزرا مصر ف عهد توفيق
وف نفحة كرم اهداها لأحد الفنانين وقتها واحد كدا ...
تعرفوا كان مين؟
كان الشيخ سلامة حجازى على سن ورمح ..
اللى حولها لتياترو قدم فيه عروضه الفنية ..
لحد ما جه صاحب المكان وسمع عن اختراع السينما دا وقال يلا
كان صاحب المكان اسمه اسكندر فرح ..
شوفوا اسمه جميل ازاى :)
وعنها وتحول التياترو الخديوى
لمسرح وسينما اوليميبا للعروض السينمائية والمسرحيات
السينما دى قعدت تشتغل لحد وقت قريب
وبعدين صابها اللى صاب سينمات
ومسارح كتير ف زمن مبارك الاجرد ...
لكن هيا فعليا من اقدم سينمات مصر والعالم!
شارع عبدالعزيز شاف ناس كتير ..
ابرزهم مجموعة كانت بتتقابل على قهوة ف آخر الشارع موصولة بالعتبة ..
اسمها "قهوة متاتيا" وكانت صالون ثقافى عظيم
وكان بيتقابل فيه جمال الدين الأفغانى مع تلاميذه
اللى بعدييين بقوا رواد الحركة الفكرية
والثقافية والإجتماعية ف مصر
ومن القهوة دى خرج جمال الدين الأفغانى هوه والخادم بتاعه ..
على السويس .. ومن السويس إلى الهند
منفيا طريدا ف عهد توفيق اللى كان بيكره نفسه دا
ويروح توفيق ..
واسماعيل ..
والسلطان عبدالعزيز المتسمى على اسمه الشارع
ويفضل المكان بحكاياته ..
وملحوظات اخيرة قبل المرواح بقى عشان عندى شغل بكرة
و هيعلقونى ف الفلكة ...
عاااااااااااااا
ايه نوظام الضابط المجرى دا ..
جاب الفلوس دى كلها منين وليه بعض الضباط عندهم توحش كدا ف لم الفلو
س والأراضى والبيوت والمزارع ومصانع المكرونة !
ثانيا .. بمناسبة الفلوس والنهب ...
محمود محيى الدين دا امتى هيتجاب من حواجبه ...
وناخد فلوسنا اللى سمسرها من نصباية عمر افندى دى ؟!!!
التوريث دا عامل كالو للناس ف دماغها ..
وسبحان الله اسماعين ورث ابنه ..
عشان يحافظ من بعده ع اللى بناه ف البلد
قوم الواد يحكم والأب على قيد الحياة ..
ويغرّق مصر ويدخل الأنجليز البلد ... !!
شارع عبدالعزيز دا اول شارع ف مصر مشى فيه تروللى ..
وسمى جزء منه بإسم شارع التروللى لحد فترة قريبة ..
وبعدين القبح يوصل مداه انه لما ييجى عمر افندى يترمم ..
ترمموه بألوان فحلوقى
و بالقبح والتشوه دا يا عالم مبتفهمشى ؟!!
للناس اللى بتسأل عن الكتب ..
الكتاب دا فيه كم صور ومعلومات عن القاهرة وشوارعها ..
أكتر من رائع وب 10 جنيه بس من الهيئة
#يا_بلاااااش
تصبحوا على ألف خير
